ковид сертификат – Kurir.mk

Девојка од Куманово набавила лажна потврда за вакцинација против Ковид, си доби кривична

Катерина Бојаџиева — Sun, 12 Feb 2023 20:25:43 +0000

СВР Куманово поднесе кривична пријава против А.Н.(21) од Куманово, поради постоење основи на сомнение за сторено кривично дело „фалсификување исправа”. Во текот на 2021 година, пријавената набавила дигитален сертификат - Потврда за извршена вакцинација против Ковид-19, во кој навела лажни податоци дека примила вакцина.

Кривична пријава против вработена во Здравствен дом Гостивар, на невакцинирано лице му издала Ковид сертификат

Тале Кристо — Tue, 07 Feb 2023 17:08:20 +0000

СВР Тетово поднесе кривична пријава против К.А.(37) од Гостивар поради постоење основи на сомнение за сторено кривично дело „несовесно работење во службата“. Пријавената, како службено лице, вработена во Здравствен дом Гостивар, на лице што не било вакцинирано му издала Ковид сертификати за извршена вакцинација.

ЕУ ја продолжи употребата на ковид сертификатот до јуни 2023 година

Ивона Петрова — Tue, 28 Jun 2022 10:31:57 +0000

Советот на ЕУ денеска даде зелено светло за продолжување на користењето на дигиталните сертификати за Ковид-19 до 30 јуни 2023 година. Проширувањето на таа регулатива ќе обезбеди дека патниците од ЕУ, како и оние од трети земји поврзани со системот, ќе можат да продолжат да го користат својот дигитален сертификат на ЕУ за патувања во Унијата во земјите-членки каде што тие сертификати и понатаму се потребни.

Рано е за целосно олабавување на рестриктивните мерки, Комисијата предложи укинување на сертификатите за влез во земјава

Ивона Петрова — Thu, 14 Apr 2022 05:35:59 +0000

Да се укине задолжителното поседување сертификат за вакцинација или прележаност на КОВИД-19 за влез во земјата, препорача вчера Комисијата за заразни болести. Засега останува сертификатот да важи за влез во затворен дел на угостителските објекти бидејќи Комисјата смета дека е потребно постепено олабавување на рестрикциите. Портпаролот на Комисијата за заразни болести д-р Злате Мехмедовиќ вчера на прес-конференција рече дека постепеното укинување на мерките дава резултат и тоа се гледа по секојдневниот пад на бројките. Најновата препорака од Комисијата ќе стапи на сила откако ќе биде усвоена од страна на Владата. Министерот за здравство, Беким Сали го дели истиот став со Комисијата и смета дека сè уште не може да се каже дека е крај на корона-пандемијата и оти не може временски да се прецизира кога ќе се тргнат сите ковид-рестрикции. – Временски не можеме да прецизираме, но работиме, секојдневно ги добиваме информациите и ја третираме таа тема. Постојано нешто олабавуваме, со тоа што во меѓувреме анализираме дали сме постапиле правилно, рече Сали. На владината седница во вторникот беше усвоена мерката за укинување на маските во затворен простор, со исклучок на здравствените установи, аптеките, јавниот превоз, домовите за стари лица и установите за згрижување лица со попреченост. Во соседна Грција од 1 мај се укинуваат правилата за влез во сите простории во внатрешноста на државата, односно поседување сертификат за вакцинација или прележан Ковид-19, како и задолжителниот тест за невакцинираните. Грчкиот министер за здравство, Танос Плеврис соопшти дека од 1 јуни ќе се укине и задолжителната маска, но и задолжителниот селф-тест за учениците. Грчките власти најавија дека дополнително ќе бидат разгледани актуелните правила за влез во државата, а сите мерки одново ќе бидат разгледани на 1 септември. Комитетот на Светската здравствена организација за вонредни прашања, пак, вчера едногласно оцени дека не е време да се „олабави одбраната“ во однос на пандемијата на Ковид-19. -Ова не е време за намалување на одбраната од вирусот, не треба да се откажеме од надзорот, тестовите и пријавувањето, не треба да ги ублажуваме социјалните и здравствените мерки и не треба да се откажеме од вакцинацијата, рече претседателот на Комитетот за вонредни состојби на СЗО Дидие Усин. Претседателот на СЗО, Тедрос Аданом Гебрејесус истакна дека добрата вест е што во светот минатата недела е регистриран најмал број на смртни случаи од Ковид-19 од почетокот на пандемијата. Сепак, тој нагласи дека некои земји сè уште минуваат низ врвовите на инфекцијата што врши притисок врз нивниот болнички систем. Согласно, вчерашната ковид-статистика, во земјава направени се 2.216 тестови, а регистрирани се 185 нови случаи на КОВИД-19 од кои 28 се реинфекции. Најголем број, односно 114 од новорегистрираните случаи се во Скопје. Во извештајот на Институтот за јавно здравје вчера нема регистрирано починати лица. Досега во земјата се направени вкупно 1.988.999 тестирања на КОВИД-19. Вкупната бројка на КОВИД-дијагностицирани лица од почетокот на епидемијата изнесува 308.152, бројот на оздравени пациенти е 297.724, на починати е 9.256, а бројот на активни случаи изнесува 1.172. Согласно податоците од ИЈЗ, најголем број активни случаи има во Скопје – 628, додека Берово, Дојран, Македонски Брод, Македонска Каменица и Пробиштип во моментов немаат активни случаи на коронавирусот.

Предложено укинување на КОВИД-сертификатите при влез во земјава

Катерина Бојаџиева — Wed, 13 Apr 2022 12:19:19 +0000

Комисијата за заразни болести денеска препорача да се укине задолжителното поседување сертификат за вакцинација или прележаност на КОВИД-19 за влез во земјава. Овие потврди ќе останат да важат за влез во угостителски објекти. За оваа обврска при влез во ресторани и барови не е препорачано да биде укината зашто Комисијата смета дека не е добро да се укине сè одеднаш туку постепено. – Постепеното укинување на мерките дава резултат и тоа се гледа по секојдневниот пад на бројките, изјави портпаролот на Комисијата за заразни болести, д-р Злате Мехмедовиќ. Новиот предлогот за влез во земјава без сертификат за вакцинација или прележаност треба да биде усвоен од Владата. На седница вчера Владата ја одобри претходната порака на КЗБ – да се укине мерката за задолжително носење заштитни маски во затворeни простории, освен во здравствени домови, аптеки, јавен превоз и во домовите за стари и установи за згрижување лица со посебни потреби.

Жител на Центар Жупа ќе одговара за лажен сертификат

Ивана Ефремовски — Thu, 10 Mar 2022 16:36:21 +0000

Поради постоење основи на сомнение за сторено кривично дело „фалсификување исправа“, ОВР Дебар поднесе кривична пријава против А.И.(31) од с.Житинени, општина Центар Жупа. Тој, во јануари годинава, на Ковид сертификат свесно и со умисла внел невистинити податоци, а потоа го користел како документ.

Црна Гора: Укинати ковид сертификатите за трговски центри, публиката се враќа на трибини

Магдалена Андонова — Thu, 03 Feb 2022 10:39:44 +0000

Со укинувањето на ковид сертификатите за трговските центри и враќањето на публиката на спортските трибини, Црна Гора денеска ги ублажи епидемиолошките мерки за спречување на ширење на коронавирусот. Директорот на Институтот за јавно здравје Игор Галиќ на прес-конференцијата зборуваше за ублажување на епидемиолошките мерки согласно актуелната состојба и најави дека последната одлука ќе важи до 18 март. Галиќ рече дека бројот на новозаразени лица е намален за околу 50 отсто во последните недели. - Без разлика на овие податоци, секојдневното ниво на заболување е сè уште високо и затоа не треба да има опуштање, рече Галиќ. Според него, податоците за последните седум дена покажуваат дека по бројот на новозаболени на милион жители, Црна Гора е зад најразвиените европски земји како Данска, Франција, Белгија, Гер Тој наведе и дека по 21 декември, кога во Црна Гора стана доминатен омикрон варијантата, бројот на пријавени смртни случаи е 0,3 отсто во однос на вкупниот број на нови случаи, што е за 4 до 6 пати помалку отколку кога делтата била доминантна. . Директорката на Клиничкиот центар Љиљана Радуловиќ изјави дека во црногорските болници од коронавирус се лекуваат 257 пациенти. И покрај општиот пад на бројот на заразени, бројот на лица опасни по живот во Клиничкиот центар на Црна Гора е зголемен за околу 15 отсто во споредба со пред три недели, рече таа, додавајќи дека на 10 јануари 36 пациенти биле изложени на ризик во невакцинираните сочинуваат околу 90 отсто, јавуваат подгоричките медиуми.

До МВР досега нема пријава за казиното во Дојран, но ќе изврши проверки

Ивона Петрова — Wed, 05 Jan 2022 12:11:00 +0000

Министерството за внатрешни работи нема добиено пријава за наводите што беа објавени во грчки медиуми дека во казино во Дојран се издаваат лажни ковид сертификати. – Досега МВР нема добиено пријава за ова, но ќе бидат извршени проверки во врска со наведеното, се наведува во одговорот од МВР. Грчки медиуми, повикувајќи се на прилог на грчката телевизија „Опен“, јавија дека во казино во близина на македонско-грчката граница кај Дојран се издавале лажни ковид сертификати.

Грчки медиуми: Казина во Македонија издаваат лажни ковид сертификати

Ивона Петрова — Wed, 05 Jan 2022 11:56:44 +0000

Грчката телевизија Опен објави видео-сторија за казино во Дојран кое наводно издава фалсификувани ковид-сертификати. Се тврди дека извесно казино во близина на граничниот премин Дојран-Дојрани на македонска територија им обезбедува бесплатен лажен негативен тест на своите посетители со кој тие можат безбедно да се вратат во Грција. Онаму каде што се нуди можност за коцкање, алкохол и забава 24 часа на ден, тие даваат и сертификати за негативен брз тест, вака пишуваат грчките медиуми. Според грчката телевизија Опен, случаите биле откриени кога во еден ден од 45 патници на кого им бил направен брз тест на границата, 9 испаднале позитивни. Телевизијата наведува дека некои од казината, на клиентите им го даваат брзиот тест со негативен резултат, многу автентичен документ, без да направат никакво тестирање. Целта на сопственикот на казиното, како што тврди телевизија Опен, била да привлече што поголем број клиенти овозможувајќи им олеснето поминување на граничните контроли. Лажните сертификати за брз тест, според видео-сторијата, се документи од овластен дијагностички центар, во кои без да биде извршено какво и да е тестирање, само се пополнуваат имињата на клиентите.

Ковид сертификатот задолжителен за литванските пратеници

Ивона Петрова — Fri, 24 Dec 2021 07:01:19 +0000

Парламентот на Литванија изгласа Закон со кој ќе биде задолжителн ковид сертификат за пратеницити. „За“ Законот гласаа 89 пратеници, 17 беа „против“, а 19 „воздржано“. Со Законот е предвидено пристап до Парламентот да имаат само пратениците кои се целосно вакцинирани против Ковид-19, прележале или да имаат негативен тест не постар од 72 часа. Платата на пратениците ќе биде намалена ако не присуствуваат на седници ако не поседуваат ковид сертификат. Во Литванија ковид сертификат е потребен за влез во трговските центри, во рестораните и во салоните за убавина. – Ако бараме сертификат за различни места каде што се собираат луѓето, би било етички слични мерки да важат и за во Парламентот, изјави литванската премиерка Ингрида Симоните. Пратениците кои одбивааат да се вакцинираат тврдат дека со Законот за ковид сертификат ги крши нивните уставни права.