кожани – Kurir.mk

Грчкиот град Кожани во седумдневен строг карантин

Магдалена Андонова — Fri, 18 Dec 2020 18:18:17 +0000

Во грчкиот град Козани во северниот дел на земјата, од утре наутро се воведуваат построги мерки за заштита од дополнително ширење на коронавиурсот, јави дописничката на МИА од Атина. Мерките, што попладнево ги соопшти заменик-министерот за цивилна заштита на Грција Никос Хардаљас се идентични како и оние кои денеска стапија во сила во три атински општини. Полицискиот час ќе биде од 18 часот до 5 часот наутро, ќе се затвораат сите продавници за малопродажба што беа отворени за услугата „click away“, како и фризерските салони и берберниците, салоните за маникир и педикир, пазарите, книжарниците, се забранети секаков вид на религиозни ритуали, ќе се спроведуваат тестирања со брзи тестови, но ќе се прават и масовни ПЦР тест на вработените во компаниите во конкретните населби. Паралелно, на денешната редовна прес конференција во Министерството за здравство на Грција, беше презентирана платформа за бесплатно тестирање на граѓаните за Ковид-19, а целта е дневно да се прават по 12.000 брзи тестови. Платформата ќе биде достапна од понеделник, додека првите регистрирани граѓани ќе се тестираат една седмица подоцна. Во цела Грција ќе има 386 пунктови за тестирање и во целиот процес ќе помага и војската. Во изминатите 24-часа во Грција се регистрирани 96 смртни и 916 нови случаи на Ковид-19, со што бројот на починати се зголеми на 4.044 лица, а на заразени на 129.584 лица. (MИА)

Маж влетал со секира во даночна служба во грчкиот град Козани и повредил три лица

Тале Кристо — Thu, 16 Jul 2020 12:59:32 +0000

Од засега непознати причини, во даночната служба во грчкиот град Козани, влетал маж и со секира им нанел повреди на тројца службеници, додека пак една жена се повредила во обид да избега, објавија грчката новинска агенција АНА-МПА. Според истите информации, мажот на возраст од околу 45 години влегол регуларно, оставајќи ги неговите податоци, се качил на вториот кат, каде што ја извадил секирата што ја носел во ќеса и започнал да ги напаѓа службениците. Полицијата го уапсила сторителот, а хоспитализиран се четири лица, тројца повредени во нападот, од кои еден е во сериозна состојба и една жена која паднала по скали во обид да избега. (МИА)

ФОТО: Врие полиција во Кожани, од што се плашат Грците?

Ристе Здравков — Sun, 28 Oct 2018 13:36:27 +0000

Македонските ракометари тргнаа кон салата во Кожани каде од 16:00 часот ќе се соочат со домашната Грција во вториот натпревар од квалификациите за Европското првенство во 2020 година. Она што го вети домаќинот - го исполни. Безбедносните мерки се на високо ниво, а на улиците има повеќе полиција, од грчки навивачи. Ракометот во оваа земја не е на високо ниво, интересот не е огромен, а единствен „магнет“ би можела да биде нашиот национален тим, поради долгогодишниот спор. Грција и Македонија веќе играа еднаш во минатото, во баражот за СП 2015, а и двата натпревари во Атина и Скопје ги добија „црвено-жолтите“. Извор: gol.mk