козле – Kurir.mk

Дел од Козле без вода

Ивана Ефремовски — Sat, 15 Apr 2023 12:05:01 +0000

На ден 15.04.2023 поради уличен дефект ф2“ на ул.„Миле Попјорданов“ 31а, прекинато водоснабдување ќе имаат корисниците на дел од „Миле Попјорданов“. Прекинот ќе трае од 13:45 часот до санирање на дефектот.

Дел од „Козле“ утре ќе остане без вода

Ивана Ефремовски — Wed, 12 Apr 2023 13:20:48 +0000

На ден 13.04.2023, поради изведување на водоводен приклучок ф-80 мм на ул. „Козле“ 21б, прекин на водоснабдувањето ќе имаат корисниците на дел од улица „Козле“ (од бр.1 до бр. 55-непарни броеви). Водоснабдувањето ќе биде прекинато од 10:00 часот до завршување со завршување на работните активности.

Без вода дел од улицата „Јуриј Гагарин“ во Козле

Тале Кристо — Fri, 10 Mar 2023 06:57:40 +0000

ЈП „Водовод и канализација“-Скопје известува дека денеска, од 09:00 часот, без вода ќе бидат корисниците на улицата „Јуриј Гагарин“, крак 4 и крак 6, во населбата Козле во Општина Карпош. Водоснабдувањето ќе биде прекинато од 09 00 часот, па до отстранување на дефектот.

Без вода утре дел од улица „Козле“

Тале Кристо — Thu, 10 Nov 2022 14:48:29 +0000

Поради уличен дефект на водоводна мрежа Ф-2“ на улица „Џумајска“ 21б, утре прекинато водоснабдување ќе имаат корисниците на парните броеви на улица „Козле“ од број 30 до 86 во населбата Козле во Општина Карпош. Како што информираат од РЦУК Скопје, водоснабдувањето ќе биде прекинато од 9:00 часот до отстранување на дефектот.

ХАОС ВО КОЗЛЕ – невремето откорна кров кој падна врз неколку возила (ФОТО)

Дарко Андоновски — Sat, 20 Aug 2022 16:50:20 +0000

Невремето кое попладнево го зафати Скопје направи штета во Козле. На социјалните мрежи се споделуваат фотографии од откорнат лимен кров на улицата Јуриј Гагарин. Оштетени се неколку автомобили. Според последните информации на Центарот за управување со кризи, силна нестабилност попладнево ги зафати и Пелагонија, Велес, Росоман и Градско. Невремето беше проследено со интензивен пороен дожд и електрични празнења, како и силен ветер. На метеоролошката станица во Радарскиот центар Тополчани беше региструран удар на ветер од 150 километри на час. ФОТО:ФЕЈСБУК

Арсовска – Перински: Инвестираме над 12 милиони денари за подобро водоснабдување на високите зони во населбата Козле

Магдалена Андонова — Fri, 13 May 2022 09:47:36 +0000

Градоначалничката на Град Скопје, Данела Арсовска и директорот на ЈП „Водовод и канализација“, Златко Перински, денеска извршија увид во градежните активности за реконструкција и поврзување на постојната водоводна мрежа во населбата Козле во општина Карпош, на потегот од улицата Нерешка до улицата Мокра. - Со поврзувањето на водоводната мрежа во населбата Козле се решава долгогодишниот проблем со слабиот притисок во водоводната мрежа во овој дел од градот и се обезбедува поквалитетно водоснабдување за жителите во населба Козле, пред се за жителите во високите зони во населбата. Особено подобрување ќе има во летните месеци кога потрошувачката на вода е зголемена. Реализацијата на овој проект изнесува околу 12 милиони денари - истакна градоначалничката Арсовска. Со реализацијата на овој проект се поврзуваат два постоечки водоводи кои се дел од т.н. висока зона Жданец, односно се поврзуваат постоечкиот цевковод Ф100 висока зона на улица „Козле“ кај крстосницата со улицата Мокра од страна на населба Нерези со постоечкот цевковод Ф100 висока зона исто така на улицата Козле на крстосницата со улицата Нерешка - влезот во населбата Жданец. На терен деновиве се реализираат градежни активности за реконструкција на постоечките приклучоци на објектите од едната страна улицата „Козле“ кои гравитираат на потегот ул.Мокра – ул.Нерешка, а се врши и реконструкција на мал дел од постечките приклучоци на објектите долж улицата „1010“ која гравитира кон улицата „Козле“. - Бидејќи во летните месеци драстично се намалува притисокот во мрежата која е дел од ниската зона на водоснабдителниот систем на Град Скопје се јавува недостаток на притисок во населбата Нерези. Со доповрзување на овие два цевковода кои се дел од иста зона, тоа е висока зона Жданец ќе се овозможи скратувањето на патувањето на водата до населбата Нерези, токму преку овој цевковод на улицата Козле и ќе се овозможи подобрување на притисокот во мрежата односно ќе се подобри водоснабдувањето на објектите долж улицата Козле и пошироко на објектите во уличките околу улицата Козле кои имаат поголема катност – истакна Перински. Реконструкцијата и поврзувањето на водоводната мрежа во населбата Козле е од големо значење за жителите на населените места Козле, Нерези и Жданец, кои со реализацијата на овој проект ќе добијат поквалитетно водоснабдување.

ФОТО: На децата во болницата во Козле им дале мувлосан леб, директорот за Курир открива какви чекори ќе превземат!

Магдалена Андонова — Wed, 11 May 2022 14:30:50 +0000

На социјалните мрежи денеска се споделува фотографија со громорозна глетка од мувлосан леб кој, според информациите, им е послужен на децата и нивните родители во Институтот за белодробни заболувања во Козле. Редакцијата на Курир стапи во контакт со родителот кој со своето дете лежи на овој Институт и на кои им беше даден мувлосан леб. - На пладне го донесоа лебот, за време на ручекот. Моето дете спиеше, и си реков да јадам додека спие. Кога го пробав лебот видов дека е мувлосан, веднаш го плукнав. Ја повикав жената што ја дели храната и ми се извини дека не видела. Донесе нов леб, јас секако не јадев. Не барам ништо освен детето да си го излечам! Среќа спиеше па не зема од лебот, подоцна дојдоа го собраа и си заминаа како ништо да не било, раскажа родителот кој сакаше да остане анонимен. Одговор побаравме од надлежните органи, при што исконтактиравме со директорот на болницата во Козле, Бесник Зеќири кој вели дека е запознаен со случајот при што договорил средба со претставници од добавувачката фирма за храна како и можни санкции. - Не е дозволиво во здравствена установа да се случуваат вакви пропусти, особено во храната со која се хранат и дечињата. Нашата установа, Институтот во Козле има склучено договор со фирми кои носат храна за пациентите и истата е спакувана по сите стандарди. Рокот на лебот е со валидност до утрешниот ден, но внатре лебот е со променета боја. Веднаш исконтактирав со претставници на фирмата која ни доставува храна и договорив состанок уште утре. Ќе бидат превземени сите законски мерки за санкција и превземање на одговорност од страна на фирмата. Воедно им се извинуваме на пациентите кои се изложени на вакви несакани ситуации, вели Зеќири за Курир.

Без вода дел од корисниците на улица „Козле“

Ивана Ефремовски — Fri, 19 Nov 2021 08:45:50 +0000

Поради уличен дефект ф 80 мм на улица „Козле“ бр.108, денеска без вода ќе бидат корисниците на улица од број 90 до број 140 и амбулантата Козле. Како што информираат од ЈП „Водовод и канализација“, водоснабдувањето ќе биде прекинато од 09:20 часот, се до санирање на дефектот.

Во „Козле“ се хоспитализирани 18 деца со коронавирус, две од нив се на кислородна поддршка

Ивана Ефремовски — Thu, 28 Oct 2021 19:24:56 +0000

Вкупно 18 деца заразени со коронавирусот се лекуваат во Институтот за белодробни болести кај децата „Козле“, а две од нив се на кислородна поддршка, информира за Алмакос директорот на болницата Бесник Зеќири. Тој додава дека згрижените деца се во добра состојба. Болницата во последните недели е полна со родители и деца кои ги носат на преглед, поради различните вирози кои се јавуваат во овој период од годината, вели Зеќири, додавајќи дека само децата кои се позитивни на коронавирусот се примаат на болничко лекување. -Во институтот „Козле“ во моментов има вкупно 18 деца на возраст од бебиња до 18 години. Генерално, 70 отсто од нив се деца на возраст од 12 до 18 години. Во овој момент, на две од децата им е потребен кислород, а состојбата им е генерално стабилна, изјави Зеќири. -Во последните две недели, бројот на хоспитализирани деца не се спуштил под 15. Сега има помалку случаи на ковид-19 кај мали деца, а расте уделот на децата на училишна возраст меѓу згрижените, вели директорот. Според последниот извештај на Институтот за јавно здравје, во изминатата недела имало голем пораст на бројот на новозаразени деца на возраст од 0 до девет години – забележани се 114 нови случаи.

Бебе кое се родило пред 20 дена е најмалиот ковид пациент во Македонија

Ивана Ефремовски — Fri, 17 Sep 2021 17:57:56 +0000

20 деца позитивни на коронавирус се лекуваат на Институтот за белодробни заболувања кај децата во Козле. Пет од малите пациенти се на кислородна поддршка. Новороденче старо само 20 дена е најмалиот пациент во оваа болница. Бебето се заразило од мајка му, како и многу од другите деца, вели директорот на оваа болница, Бесник Зеќири, пренесе ТВ21. „Денеска имаме хоспитализирано 20 деца, некои помали некои поголеми, воопшто, возрасните групи од почетокот на четвртиот бран се од 0-2 години и од 9-15 години. Од 20, 5 деца се на кислородна поддршка, зависно за каква претходна болест станува збор, тие деца кои имаат коморбидитети или хронични болести од претходно, особено со белодробни заболувања, кај тие деца се развива потешка клиничка слика и имаат потреба од кислородна поддршка при престојот во болница“, вели Зеќири. Здравствената состојба на децата е добра. Најзагрозени се децата од 10 до 16 години, особено оние кои имаат поголема телесна тежина, рече директорот на болницата. Инаку во дворот на болницата во Козле има и модуларна болница. На прашањето дали има хоспитализирани деца таму, Зеќири рече дека до сега оваа болница не е ставена во функција, пренесе телевизијата. Целиот прилог погледнете го на ТВ21.