козметика – Kurir.mk

„Ив Рошер“ ги затвора продавниците во земјите со германско говорно подрачје

Ивана Ефремовски — Fri, 04 Aug 2023 08:05:02 +0000

Познатиот француски бренд на природна козметика „Ив Рошер“, основан во 1965 година во Ла Гацилија од францускиот визионер Ив Рошер, вчера ја објави веста за затворање на продавницата во Штутгарт, каде што се наоѓа седиштето на трговскиот синџир за Германија, пренесува магазинот „Феникс“. „Ив Рошер“ ќе продолжи со онлајн продажба, но со затворањето на продавниците, погодени се стотици вработени, пренесува N1. „Со постоечкиот бизнис модел „Ив Рошер“ повеќе не може да работи одржливо и успешно. Продавниците ќе бидат постепено затворени во наредните месеци“, соопштија од централата за продажба за германското говорно подрачје во Штутгарт-Вајхинген. Според претходните информации, компанијата има околу 140 подружници во земјите од германското говорно подрачје. Затворањето на филијалата ќе погоди 350 вработени, се наведува во соопштението на синџирот. (МИА)

Оваа козметика треба да ја чувате во фрижидер, подолго ќе трае и повеќе ќе освежува

Ивана Ефремовски — Wed, 22 Mar 2023 20:13:24 +0000

На многумина ќе им изгледа чудно да чувате парфеми, креми, маски за лице и гелови во фрижидерот на полицата до јајцата, тубата кечап или сенфот, но тоа е најдоброто нешто што можете да го направите и да не се грижите дали вашата козметика ќе трае подолго. На овој начин го продолжувате рокот на траење на препаратите, а од друга страна тие секогаш ќе бидат ладни и уште повеќе ќе ве освежат. Еве која козметика треба да ја чувате во фрижидер: Органските препарати за нега на кожата и производите со витамин Ц. Витаминските и природните производи содржат помалку конзерванси, па затоа е подобро да ги чувате на студено бидејќи ќе ги задржат своите активни својства подолго. Долготрајни моливи за очи, бидејќи имаат повеќе испарливи состојки кои можат побрзо да исчезнат на жештината, па затоа е подобро да им го продолжите животот на овој начин. Масла за лице, бидејќи есенцијалните масла што ги содржат може да го изгубат квалитетот со текот на времето доколку се чуваат на погрешен начин. Ако маслото е во фрижидер, долго ќе ја задржи свежината. Спреј за стапала, бидејќи многу подобро делува кога разладен ќе го испрскате на уморните нозе. Креми за очи, гелови и маски, бидејќи ефикасно и брзо го намалуваат отокот на лицето и очните капаци, што е главен естетски проблем денес.

НЕ ВИ Е ПОТРЕБНА СКАПА КОЗМЕТИКА – овие намирници ја враќаат еластичноста на КОЖАТА, ја хидрираат и подмладуваат

Ристе Здравков — Fri, 28 Oct 2022 15:22:10 +0000

Вклучете ги во вашата секојдневна исхрана! Пушењето, нездравата храна и алкохолот може да го влошат изгледот на кожата, да доведат до сувост и неправилност. За да и го дадете на вашата кожа она што и е потребно за да биде здрава и еластична, започнете со исхраната. Ви предлагаме неколку намирници кои помагаат за еластичноста и хидратацијата на кожата. Авокадо Заштитува од ефектите на слободните радикали и го враќа сјајот на кожата. Идеално се комбинира со риба, тестенини, млад зелен зеленчук и леб во исхраната. Семки од тиква Помагаат да се отстранат неправилностите на лицето, ја лекуваат кожата и ја хидрираат. Полни се со цинк и витамин Е. Домати Содржат ликопен кој штити од негативните ефекти на сонцето. Омега-3 Го има во храната како лосос, ракчиња и тофу. Селен На кожата и дава сјај и ја прави мазна, а се наоѓа во немасните сирења, мисиркиното месо, бразилските ореви, остригите… Во видеото подолу може да погледнете кои други намирници се од големо значење за здравјето на кожата.

Кисел, вкусен и многу корисен: Не сте знаеле дека лимонот може да ви помогне за овие работи

Ивана Ефремовски — Fri, 19 Jun 2020 08:38:09 +0000

Лимонот нуди навистина големи можности за природната козметика. Сепак, треба да се има во предвид следново: лимонот може да предизвика прекумерна чувствителност на кожата, на сончева светлина, па не се изложувајте премногу долго на сонце после третманот. Отстранување на мртвите клетки од кожата – дадете сјај на вашата кожа, со нежна масажа на саканата површина со мешавина на сок од лимон и шеќер. Ублажување на брчките – загрејте 1 чаша млеко, 2 лажички сок од лимон и 1 лажица коњак или ракија. Изладете ја смесата на собна температура, нанесете на посакуваното место и чекајте да се исуши, а потоа исплакнете. За избелување на старечките пеги – мачкајте се со лимонов сок и оставете 15 минути. Повторувајте ја постапката два пати во денот. Направете крем за лице – помешајте сок од 1 лимон и 1/4 чаша маслиново или бадемово масло. Нанесете на лицето и оставете нека делува. Против првут – применувајте масажа на скалпот секојдневно со две лажички сок од лимон. Избришете го лакот од вашите нокти и без ацетон – ставете ги ноктите (околу 5 минути) во една чаша топла вода во која ќе додадете сок од половина лимон, а потоа истријте ги ноктите со внатрешниот дел од кората на лимонот.