кожна клиника – Kurir.mk

Пет лица од Клиниката за дерматологија имаат коронавирус, ги заразила директорката Цаца

Ивана Ефремовски — Wed, 25 Mar 2020 15:37:35 +0000

Пет лица од Клиниката за дерматологија се позитивни на коронавирус, соопшти министерот за здравство Венко Филипче. Тие пет се регистрирани во новите 29 случаи од изминатото деноноќие. -После 16 дена поминати во изолација без никакви симптоми, на земените материјали тие имаат позитивен резултат. Тоа се колеги и се во добра општа состојба и се практично асимптоматски. Ќе продолжат да бидат во домашна самоизолација согласно нивната состојба, рече Филипче. Оваа група е поврзана со симпозиумот кој го организирала и присуствувала директорката на Клиниката за дерматологија, за која се потврди позитивниот тест на коронавирус уште пред две недели. -Од оваа група се тестирани вкупно 30 лица, а позитивни се само овие пет. Во следните денови продолжуваат да се тестираат и останатите поделени во групи и сите тие треба да завршат во следните четири до пет денови, рече Филипче. Бројките поврзани со првата македонска заразена докторка се повеќе од поразителни. Досега од 30 тестирани со неа, 5-мина се потврдени со диајгностицирано присуство на Ковид-19. Општо познато на јавноста е дека доктор Цаца со симптоми на коронавирус, доаѓајќи од зимување во високоризичната Италија (податок познат и во моментот нa нејзиното пристигнување во Македонија) се шеташе по симпозиуми, си работеше на Клиниката за кожни болести во Скопје, а оддржа и предавање во скопска Рагуса. Имала и други „активности“. Невнимателноста на докторката резултираше со досега 5-мина заразени, кои без прејудицирање, но и покрај излоацијата претходно можеле да придонесат во големата бројка заразени во Македонија и Скопје. Прашањето кое логично се поставува е колку од нив заразиле други луѓе, сето поради нечие невнимание, уше пострашно што се разботи за медицинско лице, момент кој отвора сосема друга етичка димензија. Кога сме кај моралот, уште едно етичко прашање неминовно се поставува - Зошто СДСМ толку ја штитеше својата сопаријка, за која токму ге. сек. на СДСМ Николоски при демантот за нејзино присуство на свадбата (информациите се дека сепак поминала, но не се заддржала долго) призна дека е дел од партијата, инаку, зошто би присуствувала на состаноци на високи раководни тела на СДСМ. Единствен кој досега презеде нешто во конкретниот случај е министерот Наќе Чулев, кој поднесе предлог кривична пријава за д-р Цаца. Дали непотизмот, по кој СДСМ е позната по вработувањата, тендерите и Фондот за иновации, и во овој случај ја дефинира и заштитува дотичната личност преку блискоста со врхушката на партијата од екс Бихаќка, каде со децении гравитира и нејзината сестра, покажувајќи се одлучувачка за третманот и во овој непримерен случај?

Ќе се тестираат сите лица поврзани со директорката на Кожната клиника

Тале Кристо — Tue, 24 Mar 2020 16:39:28 +0000

Дванаесет нови заболени со коронавирус има во последните 24 часа во земјава. Од нив седум се од Скопје, пет од Куманово. Вкупниот број на заболени со овој вирус во земјава изнесува 148, а двајца се починати, соопшти министерот за здравство Венко Филипче на денешната прес-конференција. Според местото на живеење, од вкупниот број заболени 88 се во Скопје, 40 во Дебар, Куманово осум, Штип седум, Кавадарци и Охрид по две и Гостивар едно лице. На Инфективната клиника се хоспитализирани 29 пацинети кои се лекуваат стационарно, од кои во тешка општа состојба на респираторна машина е една пациентка, кај која во последните денови нема промена, шест се со потешка слика, но респираторно се самостојни. Амбулантски, како што рече Филлипче, се прегледани седум пациенти и земен е еден брис. Троца пациенти имаат хоспитален третман, а тројца се на домашно лекување. Филипче соопшти дека од денеска Институтот за јавно здравје по план ќе спроведе тестирање на сите лица кои беа во врска со директорката на Кожната клиника. Се работи за голема бојка, тие се се уште во изолација и за да нема оптоварување во лабораторијата, ќе се тестираат во неколку циклуси, изјави Филипче. Тој информира дека во Куманово е направена интензивна комуникација во врска со починатата жена од при што рече дека досега во семејството нема клиничка симптоматологија.

Предлози за гонење 7 лица за непочитување мерки во Кавадарци, но не и за доктор Цаца во Скопје?!

Љупчо Цветаноски — Thu, 19 Mar 2020 09:12:38 +0000

Основното јавно обвинителство Кавадарци денеска поднесе предлози за казнен налог за седум лица, сите од Кавадарци кои во одделни случаи го сториле кривичното дело – Непостапување според здравствени прописи за време на епидемија од член 206 став 1 од Кривичниот законик. Ваков предлог се уште нема за доктор Цаца која се шеташе по симпозиуми, забави и свадби, вратена од Италија. Дали блискоста со партијата нa власт е пресудна во случајот? Како што се наведува во соопштението од ЈОРСМ, за време на пандемија, епидемија од глобални размери определена со одлука на Генералниот секретар на Светската здравствена организација на 11.03.2020 година, обвинетите не постапиле според Писмена наредба на Министерството за здравство со која се определуваат мерки за нејзино сузбивање или спречување. -Со одлуката е определено спроведување на задолжителна самоизолација за секој државјанин на Република Северна Македонија кој влегува во државата на граничните премини, а патува од високо ризични или средно ризични земји утврдени со листата на Светската здравствена организација на денот на кој влегува во државата. Сите обвинети кои во државата дошле од различни држави, при влез во земјава на 16 март 2020 година потпишале изјави за самоизолација. Но при проверка од полициските службеници не биле затекнати во нивните домови во кои требало задолжително да ја спроведуваат мерката, се наведува во соопштението. За сите обвинети, се посочува, јавен обвинител од Основното јавно обвинителство Кавадарци до Основниот суд Кавадарци ги достави предлозите со кои предлага судот за секој од обвинетите да изрече парична казна во висина од 50 дневни глоби.

Во изолација се 64 здравствени работници од Кожната клиника и 24 пациенти

Катерина Бојаџиева — Mon, 09 Mar 2020 15:57:25 +0000

Во домашна изолација се 64 здравствени работници вработени на Клиниката за кожни болести. Од 104 добар дел се здравствени работници кои присуствувале на стручното предавање и 24 пациенти, 13 кои биле хоспитализирани и 11 кои биле во дневната болница. Во изолација е и матичниот лекар од Дебарската болница кој првично ги прегледал сопружниците кои се межу заболемите од коронавирус, изјави попладнево министерот за здравство Венко Филипче во вестите на Сител телевизија. Посочи дека ги исконтактирале сите со кои директорката од Клиниката, која е четврти случај на заболен со коронавирус, била службено во комуникација оваа измината недела. –Клиниката за кожни болести ќе биде затворена, пациентите ќе се пренасочат кон другите одделенија за дерматовенерологија кои ќе функционираат во градот и ширум државата. Сите пациенти се прегледани, кои можат да примат домашна терапија и се пратени на домашно лекување и здравствен надзор. Исконтактирани се и сите колеги кои присуствувале на семинарот во саботата. Добро е што станува за патологија што може да се третира и одложено, значи нема потреба од итност. Но, за некои итни потреби имавме комуникација со колегите од кожната Клиника кои можат да направат систем на ротација имајќи ги предвид колегите кои не присуствувале на тие настани, значи тоа се пред се дел од колегите од ГОБ „8 Септември“, рече Филипче. Потенцира дека не е точно дека било пријавено во Министерството за здравство дека директорката на Клиниката за кожни болести се вратила од Италија. –Навистина чувствувам голема разочараност за ова што се случи покрај оваа напорна 24-часовна работа овие изминати недели. Најмалку што оекувавме некој што доаѓа од фелата да не ги почитува препораките. Ќе бидат преземени соодветни мерки. Сега во овој изборен период гледаме кои се можностите. Сега Клиниката и нема да работи меѓутоа во првиот момент директорката ќе биде суспендирана. Исконтактирав со партиското раководство директорката во изминатата недела немала партиски активности, додаде Филипче.