кожув – Kurir.mk

Се разделија Михајловски и Кожув

Бошко Тасиќ — Fri, 09 Dec 2022 05:55:13 +0000

По неполни три месеци од почетокот на сезоната и осум одиграни кола, дојде до првата тренерска смена во мак-кошарката. Гевгелиски Кожув ја прекинаа соработката со тренерот Игор Михајловски. Кумановчанецот си замина од Гевгелија по само три победи и пет порази во домашниот шампионат. Кобен за Михајловски беше поразот во понеделникот во Битола од вицешампионот Пелистер со 96-84. Во текот на денот дојде до спогобен раскин на договорот, кој имаше важност до крајот на оваа сезона. Михајловски претходно го водеше Кожув и во сезоната 2016/17.

Нормализирано водоснабдувањето на „Кожув“

Ивана Ефремовски — Wed, 06 Jul 2022 13:40:37 +0000

Дефектот на „Кожув“ 18 е завршен, информираат од Водовод и канализација. Водоснабдувањето е нормализирано во 15:25 часот.

МЗТ Скопје рутинирано против Кожув

Бошко Тасиќ — Sun, 23 Jan 2022 18:31:44 +0000

Кошаркарите на МЗТ Скопје во меч од 13. коло од Првата лига убедливо го совладаа Кожув со 86-71, што беше десетти триумф за овој клуб сезонава на домашна сцена. Кристијан Николов со 17 поени и осум асистенции беше најдобар кај МЗТ, каде што двоцифрен ефект имаа уште и Немања Милошевиќ со 14 поени, Бојан Крстевски и Хуан Дејвис со по 12, Роберт Рикиќ со 11 и Дамјан Стојановски со 10 поени. Тревор Бродвеј со 28 поени беше убедливо најдобар кај Кожув.

ТФТ се врати на победите во домашниот шампионат

Бошко Тасиќ — Sun, 26 Dec 2021 20:02:32 +0000

Кошаркарите на ТФТ ја запишаа шестата победа во домашното првенство, откако на домашен терен славеа против Кожув со 101:84, во рамки на 12. коло во Првата лига. Кожув подобро го започна мечот и првата четвртина ја доби со 28:20, но домаќинот потоа се мина во знакот на домаќинот. ТФТ го доби вториот период со 33:15 и потоа до крајот на мечот ја имаше резултатската контрола. Сега ТФТ има скор од шест победи и исто толку порази и се наоѓа на 8. позиција на табелата, додека Кожув со скор од 5-7 е деветти.

Кожув се засили со Еди Синадиновиќ

Бошко Тасиќ — Sat, 30 Oct 2021 08:22:56 +0000

Екипата на Кожув новата сезона во Првата кошаркарска лига на Македонија ја отвори под очекувањата и четирите порази во низа го натераа раководството на клубот да се активира на трансфер-пазарот и да донесе нов кошаркар. Гевгеличани се посилни одсега со услугите на српскиот плејмејкер Еди Синадиновиќ, кој е добро познат во мак-кошарката, затоа што трансферот во Кожув за него значи враќање во Првата лига, откако претходно ги бранеше боите на МЗТ Скопје, Овче Поле и Куманово.

Еуро Никел триумфира против Кожув

Бошко Тасиќ — Wed, 24 Mar 2021 21:43:28 +0000

Екипата на Еуро Никелод Кавадарци продолжува со одличните партии во домашниот шампионат, откако одново по продолженија се избори за трета победа во низа, овој пат на гости кај Кожув од 76-81 (66-66). Во регуларниот дел, на семафорот остана 66-66, откако гостите од Кавадарци во последниот квартал успеа да ја анулира домашната предност, па дури и да поведат, но во самиот финиш Кожув беше концентриран во двата правци и се избори за дополнителни пет минути. Во продолжението, Еуро Никел го фати посакуваниот ритам и заслужено извојува победа од 76-81. Кај Кожув, Скот со 23 и Силаџи со 21 поен беа најпрецизни на натпреварот, додека кај победничкиот тим се истакна Рикиќ со 16 поени и 11 асистенции.

Викенд на големи изненадувања во кошаркарскиот шампионат – МЗТ Скопје 2 го совлада Кожув

Бошко Тасиќ — Sun, 14 Mar 2021 18:01:36 +0000

Младиот тим на МЗТ Скопје Уни Банка на приреди големо изненадување и го совлада Кожув со 81-74 во последниот натпревар од 17. коло на кошаркарскиот шампионат на нашата земја. Првиот дел целосно мина во знакот на младите металци, кои играа подобро под двата обрачи. Митевски и Тодоровски погодуваа во серија, а Станојевиќ и Силаџи возвраќаа. Со 43-35 се отиде на одмор, а далеку подобри вибрации оставија младите скопски кошаркари. Сепак, на стартот на третиот квартал се разигра Марко Симоновски и по поените на Силаџи во 28. минута, Кожув поведе со 59-54. Од тој момент екипата на Јончевски покажа авторитет и квалитет. Сепак, предноста не беше превисока, па Зекири и Монтгомери направија серија 5-0 и во 33. минута МЗТ Скопје Уни Банка ја врати предноста 69-67. Кога Митевски погоди на две минути до крајот, МЗТ Скопје Уни Банка побегна на 79-74 и победата беше на дофат. Пет играчи во „сино-бело“ забележаа двоцифрен број на поени од кои најрасположен со 18 поени и 5 скока беше Максим Митревски. 15 поени додаде Леонид Тодоровски, додека со 13 поени и 5 скока натпреварот го заврши Андреј Андоновски. Дабл-дабл од 12 поени и 11 скока забележа Роб Монтгомери, додека ист број на поени, но и шест скока додаде Лејсон Зекири. Кај гостите 19 поени забележа Димитар Караџовски, еден помалку додаде Никола Силаџи, додека дабл-дабл од 14 поени и 10 скока оствари Никола Станојевиќ. Марко Симоновски натпреварот го заврши со 11 поени.

Кожув го надигра Гостивар и ја продолжи битката за Суперлигата

Бошко Тасиќ — Wed, 03 Mar 2021 19:38:09 +0000

Кошаркарскиот клуб Кожуф од Гевгелија на домашен терен забележа важна победа откако слвеше над Гостивар со 90-74 и остана во игра за едно од местата кои водат во Суперлигата. Кожув доминираше во сите периоди и од минута во минута ја градеше предноста. Најдобро одигра во вториот квартал, кога постигна 28 поени, а прими само 17 поени. Највисоката предност која Кожув ја имаше на мечот ја стекна на отворањето на третиот период, кога со серија од 11-0 дојде до позитива од 24 поени и високи 60-36. Најдобар кај стрелците беше Станојевиќ со „дабл-дабл“ учинок од 23 поени и 11 скока, пред Силаџи со 16 поени, додека кај Гостивар, Костоски реализира 20 поени. Кожув сега има скор 6-7, додека Гостивар има скор од 8-5.

Кожув превисок за Работнички

Бошко Тасиќ — Sun, 07 Feb 2021 19:43:43 +0000

Кошаркарскиот клуб Работнички е поразен во послесдниот натпревар од Првата кошаркарска лига на домашен терен од Кожув од 81-78.

Избраниците на Димитар Мираковски само само една од трите четвртини на дуелот што се одигра во „Кале“, а тоа не беше доволно за позитивен резултат.

Силаџи со 18 и Станојевиќ со 17 поени беа најефикасни кај Кожув, додека кај Работнички залудни беа 29 кошеви на капитенот Николовски.

Кожув го совлада ФМП

Бошко Тасиќ — Wed, 03 Feb 2021 20:16:25 +0000

Кошаркарскиот клуб Кожув од Гевгелија триумфираше на гостувањето кај ФМП Академија со 83-72 во заостанатиот натпревар од седмото коло во кошаркарската лига на Македонија. Во првото полувреме двете екипи си поделија по една четвртина, по што на пауза се замина со израмнет резултат од 39-39. Клучна во натпреварот беше третата четвртина која гостите ја добија со десет поени разлика (14-24) и до крајот успеаја да ја задржат предноста и да стигнат до конечен триумф.

Во победничкиот табор Скот со 16 и Симоновски со 15 поени беа најефикасни, додека кај ФМП не беа доволни ниту 31 поен кои ги уфрли Крстајиќ.