кожувчанка – Kurir.mk

Кожувчанка ДОО лансира нова производствена линија за лименки!

Ивона Петрова — Tue, 30 Jun 2020 08:02:33 +0000

Кожувчанка ДОО е компанија која секогаш е во чекор со светските трендови, пласирајќи ги новитетите на нашиот Македонски пазар. Нашата следна инвестиција е имплементација на комплетно нова производствена линија по најсовремена технологија за производство на лименки на која ќе се произведуваат сите наши брендови со исклучок на водите, па веќе од месец јули ќе може да се најдат на пазарот, велат од компанија. Оваа година компанијата може да се пофали со следните новитети за која што инвестиција се издвоени 715 000 евра. Sinalco газираните пијалаци од ова лето ќе може да се консумираат и во лименка. Кожувчанка ДОО се одлучи на овој потег се' со цел задоволувајќи ги потребите и барањата на своите потрошувачи кои се се' во поголем број потрошувачи на газираните пијалаци Sinalco. Sinalco Ice tea исто така сега е во нова амбалажа- лименка и негазираните природни густи сокови од палетата на Sinetta, додека и понатаму останува со производство и енергетскиот пијалак Energi's. Со овој проект Македонија е прва во светот консументи на Sinalco која што ќе има производство на Ice Tea и Sinetta во лименка, факт на кој што сме особено горди. Новитет исто и за љубителите на алкохолните пијалаци поточно пивото сега ќе имаат можност да го консумираат новото непастеризирано, ладно филтрирано Lifer Beer во лименка , како и Наше Македонско Светло пиво. Кожувчанка ДОО се труди и работи, најавува новитети и поставува стандарди на нашиот пазар грижејќи се секогаш за своите потрошувачи и нивните потреби.

Донација од Кожувчанка за Клиниката ТОАРИЛУЦ

Ивона Петрова — Mon, 22 Jun 2020 10:09:42 +0000

Кожувчанка ДОО денеска во ЈЗУ Универзитетска клиника за трауматологија, ортопедски болести, анестезија, реанимација, интензивно лекување и ургентен центар донираше медицинска опрема во вредност од 10.000 евра, за заштита на пациентите во новонастанатата состојба со COVID19 кризата во нашата држава. Се работи за апарат за вентилација при транспорт на пациенти со погон на кислород, модел Oxylog VE300 Basic Drager Germany. Со апартот се испорачува и боца за кислород, редуцир вентил за кислород, носач на апаратот и боцата, пациент црева и адаптери за напојување. Овој апарат кој е подвижен и со современа вентилација, ќе овозможи полесен транспорт на пациентите до клиника или помеѓу клиниките поради различните испитувања на пациентите кои се заболени од COVID-19. Кожувчанка ДОО е компанија која постојано бара начини да биде општествено одговорна компанија. Особено радува тоа што овој вид на донација врз основа на укажувањата на клиниката е од особена важност за настанатата состојба со COVID-19 кризата.

Кожувчанка и ФУС потпишаа договор за соработка

Ристе Здравков — Wed, 27 Feb 2019 10:57:19 +0000

Денес, на 27.02.2019 (среда), на официјален состанок во просториите на КОЖУВЧАНКА ДОО - Кавадарци се потпиша договор за соработка помеѓу КОЖУВЧАНКА И ФЕДЕРАЦИЈА НА УЧИЛИШЕН СПОРТ. Во текот на целата 2019-та година постои план и програма направена од “Федерација на училишен спорт” која што секоја недела има свои активности и проекти, а сега заедно со Кожувчанка ДОО како верен поддржувач и помагател на спортот во државата ќе се обидат да го подобрат и зајакнат организацискиот модел на училишниот спорт, со кој веруваме дека ќе се постигнат поефикасни резултати во развојот на целокупниот спорт во нашата држава. “Еден од планираните проекти за тековната 2019-та година кој што е содржан во нашиот маркетинг буџет е токму оваа соработка со училишниот спорт, како дополнителен мотив за младите спортисти, федерацијата и спортските работници. Се надевам дека секоја наредна година нашата поддршка ќе се зголемува, а ние ќе се вложуваме за да допринесеме во јакнење на овој систем, бидејќи нашиот најголем фокус, а воедно и за секое општество, се младите како основа и двигатели на едно здраво општество.”- Изјави за идната соработка Маркетинг менаџерот на Кожувчанка ДОО Кавадарци, Митко Јовановски. “За разлика од останатите федерации, нашата е една комплексна федерација која што има една голема масовност со интеграција на сите 460 училишта (основни и средни), поткрепени со 36 општински сојузи на училишен спорт кои што сите здружени ја сочинуваат федерацијата. Голема благодарност до компанијата “Кожувчанка” за поддршката која што ја дава, и за овој почеток каде основен акцент се става на масовноста на младите во спортот и се надеваме на долгорочна и успешна соработка.” - Истакна Претседателот на федерацијата Александар Туфекчиевски.

Оперативата на „Кожувчанка“ изврши рушење на стара дотраена куќа која преставува опасност за пешаците

Ристе Здравков — Fri, 25 Jan 2019 11:37:18 +0000

Општина Кавадрци реализираше проект за проширување на улицата „Добри Даскалов“. Оперативата на донаторот „Кожувчанка“ изврши рушење на стара дотраена куќа подложна на паѓање. Со овој зафат се постигнуваат две цели, отстранување на опасноста за учесниците во сообраќајот, како и проширување на улицата каде куќата со значителен дел од својот габарит ја намалуваше ширината. Општината ќе реализира проект за проширување на овој дел од улицата кој се наоѓа на дваесеттина метри од спојот со улицата „Тиквешко востание“ поранешна ул. „ЈНА“.

Со ваучер од „Кожувчанка” стани камперист на мадридистите

Ивана Ефремовски — Fri, 04 Jan 2019 11:50:18 +0000

На 10 дена пред почетокот на вториот камп на мадридистите брендот „Кожувчанка“ подарува ваучери за учество на 5 деца во висина од 12.000 денари. Пријави се и искористи ја можноста која ти ја нуди „Кожувчанка". Доплати го остатокот од сумата и стани учесник на кампот кој се организира во 50 земји на планетава и е прогласен за најдобар фудбалски камп и камп со најголема репутација во светот. Пријавувањето направи го со испраќање порака на официјалната страна на Фејсбук “Кожувчанка”. Може да се пријавите и на телефон 075 329-745. Целосната понуда за фудбалскиот камп можете да ја погледнете на ОВОЈ ЛИНК. Кој прв ќе се пријави тој ќе ја има можност да ја искористи поволноста од „Кожувчанка". И не заборавај на кампот на најтрофејниот клуб на планетава кој се одржува од 14 до 18 јануари ќе почувствуваш светски фудбал, донесен преку шпански тренери, и секако кралско искуство. Пријавувањето е за момчиња и девојчиња од 7 - 17 години.

Почна пријавувањето за кампот на најтрофејниот фудбалски колектив на планетата ” Реал Мадрид” и оваа година поддржано од Кожувчанка

Ристе Здравков — Wed, 21 Nov 2018 10:43:08 +0000

Вториот фудбалски камп на Реал Мадрид Фондација ќе се реализира од 14 до 18 јануари 2019 во Охрид, на брегот на живописното Охридско езеро, ставајќи ја нашата држава на мапата на земји во кои што ќе се едуцираат фудбалери на возраст од 7-17 години. Кампот на Реал Мадрид Фондација може да биде вистинското место кое ќе им го трасира патот до фудбалските височинина на сите момчиња и девојчиња кои ќе бидат дел од истиот. Во интервал од пет дена специјално обучени тренери за млади категории од Шпанија, ќе го пренесат своето знаење и ќе бидат дел од мозаикот на кампот. Според програмата и правилата на Фондацијата на кралскиот клуб сите членови на кампот мора да имаат максимални услови, опрема и стручна помош за сопствено усовршување. Сето она што ја комплетира личноста на фудбалерот , во делот на спортот, едукативни предавања на теми кои се реална потреба за здрави спортисти, спортски бон-тон, дружење и многу забава. Фудбалот се учи на терен, но теоријата ја засилува комплетната личност на фудбалерот. Затоа на кампот во јануари тренерите од Шпанија ќе имаат едукативни предавања за 5 суштински точки: респект, иницијатива, почит, самоконтрола и тимска работа. Кампот како проект е планиран да биде своевидна база за селекција на млади играчи, на кои им е потребна надградба во секоја смисла на зборот. Комплетната понуда на вториот фудбалски камп Real Madrid Foundation Campus Experience Macedonia се состои во може да се најде на следниот линк https://bit.ly/2Bb2KnS Лиценцираниот партнер на Реал Мадрид Фондација во Македонија "Спорт Арена" првиот камп го направи во јуни оваа година во Скопје.На него поминаа 100-тина учесници, голем дел од Македонија но и учесници надвор од границите на татковината. Насмевката на нивните лица и задовоството кај нивините родители се најголема награда за добро завршената работа. На вториот камп организаторскиот дел е доверен на КМГ Спорт Агенција. Компанијата "Кожувчанка" својата општествена одговорност и грижата за здрав развој на најмладите ја потврдува со повторното партнерсво и на вториот камп на " мадридистите" Пријавувањето, за да бидете дел од големото семејство на кралските "бели" е во тек. Истото може да се направи на следниот линк https://bit.ly/2K9FvxA . Фудбалската приказна на кралскиот светски гигант во Македонија продолжува во јануари.

Најмладите како дел од најдобриот Фудбалски камп на Реал Мадрид деновиве се освежуваат со Изворска Спорт 0,75L

Катерина Бојаџиева — Tue, 12 Jun 2018 12:01:06 +0000

За првпат на Балканот, македонската метропола ја има честа да биде домаќин на фудбалскиот камп на Фондација на Реал Мадрид. Од вчера, 11.06.2018 па се до 15 јуни, на комплексот во куќата на фудбалот, повеќе од стотина момчиња и девојчиња од 7 до 17 години, ќе бидат учесници на кампот кој е во организација на компанијата „Спорт арена“. На вчерашното свечено отворање присуствуваа претставници на Владата, Агенцијата за млади и спорт, Фудбалската федерација на Македонија и секако најповиканите, младите фудбалери кои во наредните пет дена ќе го искусат Campus Experience Macedonia. Кожувчанка вчера беше дел од свеченото отварање на фудбалскиот камп и како општествено одговорна компанија и натаму ќе се труди и ќе биде поддржувач на вакви спортски настани, за да се поттикне спортскиот дух кај најмладите. За време на спортски активности во Кампот потребно е постојано конзумирање на вода, затоа Новата Изворска СПОРТ од 0,75L ќе биде дел од секое хидрирано дете во Кампот. Во насока на здравиот живот, сите учесници на фудбалскиот камп ќе имаат можност да се хидрираат и да ги надополнат изгубените количества на течности со производите на Кожувчанка. Кожувчанка како долгогодишен спонзор на спортски настани во Македонија секојдневно е поддржувач на здравиот живот и спортските настани во Македонија. Уживајте, спортувајте и останете хидрирани.

Со „Кожувчанка“ биди дел од најдобриот Фудбалски камп на Реал Мадрид

Ивана Ефремовски — Wed, 30 May 2018 14:11:56 +0000

Македонија од месец јуни влегува во семејството на Реал Мадрид фондацијата како организатор на кампот „Campus Experience“. Компанијата „Спорт Арена“ доби можност да биде лиценциран партнер на Real Madrid Fundation Campus Experience, a Кожувчанка ДОО се приклучи како поддршка на најдобриот фудбалски камп во светот. Сега, Кожувчанка ве наградува и доделува ваучери со попуст од 30%. Може да се пријавите со име и презиме и контакт телефон на ФБ Фан страната на Кожувчанка, првите 15 пријавени се добитници и дел од најдобриот тим! https://www.facebook.com/kozuvcankadoo/ Кампот ќе се одржи во Скопје, на терените на комплексот на ФФМ од 11-ти до 15-ти јуни.

НОВО- Кожувчанка 0,5L со арома на лимон

Катерина Бојаџиева — Mon, 19 Mar 2018 15:27:29 +0000

Кожувчанка ДОО, како компнанија, во Република Македонија, важи за една од компаниите што секогаш ги следи светските трендови, се надградува и подобрува во поглед на квалитет и новитети. Така, сега, Кожувчанка ДОО, во нова амбалажа од 0,5L Ви ја претставува природно минералната вода Кожувчанка со арома на лимон. Кожувчанка, како бренд, покрај пакувањата од 1,5L , 1L и 0,5L во ПЕТ амбалажа и 0,25L во стакло, на пазарот е присутна и со 1,5L со арома на лимон, а сега, како проширување на палетата се приклучува и новата амбалажа од 0,5L со арома на лимон. Уживајте во добро познатата, квалитетна вода Кожувчанка која ја носи наградата „Best Buy-Macedonia”, како производ со најдобар сооднос на квалитет и цена во Р.Македонија, освежувајќи се за време секојдневните обврски со пакувањето од 0,5L со арома на лимон.

Кожувчанка дел од најдобриот Фудбалски камп на Реал Мадрид

Катерина Бојаџиева — Thu, 15 Mar 2018 09:18:02 +0000

Кожувчанка ДОО се приклучува на најдобриот тим, на најдобриот фудбалски камп со тоа што ќе ја поддржи Реал Мадрид фондацијата, која во јуни месец ќе организира камп во Скопје. Македонија од јуни ќе влезе во семејството на Реал Мадрид фондацијата како организатор на кампот „Campus Experience“. Компанијата „Спорт Арена“ доби можност да биде лиценциран партнер на Real Madrid Fundation Campus Experience и денеска го претстави проектот на прес – конференција. Кампот ќе се одржи на терените на комплексот на ФФМ од 11 до 15 јуни. Кампот „Campus Experience“ ќе ги запази сите стандарди во кои децата учесници се во фокусот на проектот, односно од него треба да излезат како добри луѓе и уште подобри фудбалери. За ова да се оствари, на кампот ќе работат исклучиво сертифицирани тренери од Реал Мадрид Фондацијата, спроведувајќи оригинални методи низ дневните тренинзи и натпревари, а на крај учесниците ќе добијат и официјални сертификати за учеството. Поради сето ова, овој фудбалски камп се смета за камп со најголема репутација во светот. Согласно стандардите на Реал Мадрид Фондацијата, на секои 20 учесници ќе има по еден тренер. Дополнително, во рамки на едукацијата ќе учествуваат и други предавачи, како од Шпанија, така и од Македонија. Дел од планот се аниматори кои ќе го организираат слободното време на учесниците меѓу тренинзите. Кампот ќе биде достапен за момчиња и девојчиња на возраст од 7 до 17 години. Плаќањата ќе бидат достапни на повеќе рати преку банкарски институции, а дополнително, партнерите на овој камп за секој учесник ќе обезбедат големи бенефити почнувајќи од оригиналната спортска опрема (комплет од дрес, шорцеви, штуцни, капа, ранец и фудбалска топка), како и голем број ваучери, повластици и попусти за секој пријавен на кампот од страна на спонзорите. Цената за учество на овој камп, кој ќе се одржи од 11 до 15 јуни оваа година 18.990 денари за акредитација која му овозможува 8-10 часа (во зависност од временските услови) присуство на кампот во текот на денот (односно без сместување) или акредитација на 24 часа (при што се додадени и услугите за сместување, исхрана и трансфер) за цена од 26.990 денари. Одреден е попуст за двајца или повеќе учесници од едно семејство, како и за учесници кои поседуваат членска карта на Реал Мадрид, членска карта на Мадридиста. Ќе биде отворен и телефонски број (078-462-622) за информации и пријавување за сите заинтересирани. Пријавувањето ќе се врши на официјалниот веб сајт на Фондацијата Реал Мадрид www.campusexperiencermf.com или во канцеларијата на бул. Александар Македонски бр.23 лок.10, која ќе биде отворена секој ден од 10-17 часот. Последниот рок за пријавување е 25 мај 2018 година. Кожувчанка ДОО со гордост е дел од овој тим, а воедно ги поканува сите заинтересирани да бидат дел од истиот.