крагуевац – Kurir.mk

Дојави за бомби во основни училишта во Белград и Крагуевац

Ивана Ефремовски — Mon, 29 May 2023 07:26:46 +0000

Во неколку основни училишта низ Србија од утрово пристигнуваат дојави за бомби, јави Нова.рс. Како што пренесува Н1, во тек е увид во некои училишта, по што ќе се знае дали учениците ќе влезат во училниците. За некои училишта веќе е утврдено дека се работи за лажни дојави. Дојави за бомби утрово добиле и две основни училишта во Крагуевац. Полицијата ги евакуирала и тие објекти, каде во тек е контрадиверзантски увид, јави Ucentar.rs. (МИА)

Масовниот убиец киднапирал таксист кој со закана со РАЧНА БОМБА го однел во Крагуевац

Ивана Ефремовски — Fri, 05 May 2023 07:00:34 +0000

По опсежна потрага, полицијата кај Крагуевац го лоцирала и уапсила убиецот Урош Б. Како што дознаваат српските медиуми, убиецот бил во селото Вињиште кај Крагуевац, а според медиумите се криел кај својот вујко. Утврдено е дека тој вчера побегнал од местото на настанот кон Вињиште и во текот на ноќта успеал да киднапира таксист и автомобил, а тој таксист го возел од Крагуевац до Вињиште. Тој со рачна бомба што ја имал во рацете ги киднапирал таксито и таксистот и со тоа го ставил во сериозна опасност животот на таксистот. Да потсетиме, Урош Б е осомничен за ноќниот масакр во селата кај Младеновац, во кој уби осум и рани 13 лица. Уапсениот со автоматско оружје пукал во жителите на неколку села во општина Младеновац, а во претресот биле вклучени повеќе од 600 припадници на полицијата.

СЕ ПРЕВРТИ АВТОБУС ВО СРБИЈА – внатре имало 18 патници, се лизгал по снегот, па завршил во канал (ВИДЕО)

Дарко Андоновски — Tue, 04 Apr 2023 09:12:25 +0000

Околу 5 часот и 30 минути автобусот кој превезувал работници од Крагуевац за Рача излетал од патот. Според првичните информации полесно се повредени 18 патници. Според изјавите на очевидци, возачот изгубил контрола и возилото се лизнало во каналот покрај патот, пишува „Данас“. Интервенирале три екипи на итната помош од Крагуевац, при што според првичните информации повредени се 18 патници. Според итната помош, тие најмногу се здобиле со полесни повреди и набиеници на екстремитетите, рацете и рамената.

View this post on Instagram

A post shared by 192.RS (@192_rs)

Од полициската управа Крагуевац за „Данас“ потврдија дека околу шест и пол утринава автобусот излетал од патот во градот Собовица на регионалниот пат Церовац – Рача. Во Шумадија од синоќа паѓа обилен снег, па и ова е можна причина за лизгање на автобусот.

Нов земјотрес во Крагуевац: Тлото во Србија продолжува да се тресе

Магдалена Андонова — Thu, 04 Nov 2021 11:05:32 +0000

Тлото во Србија не се смирува. Нов земјотрес е регистриран денеска во Крагуевац, а јачината била 2,2 степени според Рихтеровата скала. Овој земјотрес не е опасен, но е дел од серијата земјотреси кои изминативе денови ја потресоа Шумадија, поради што се стравува од посилен удар. Повеќе детали наскоро...