крај на кариера – Kurir.mk

ВИДЕО: Серена Вилијамс му кажа „збогум“ на тенисот, со солзи и поздрав од публиката го напушти теренот

Ивона Петрова — Sat, 03 Sep 2022 07:53:46 +0000

Американската тенисерка Серена Вилијамс ја заврши кариерата со пораз во третото коло од УС Опен. Вилијамс имаше добар натпревар, но сепак загуби од Хрватката Ајла Томљановиќ со 7:5, 6:7 (5), 6:1 во играта која траеше три часа и пет минути. Додека при разделбата ја поздравуваше публиката мавтајќи преку звучниците одекна познатата песна на Тина Тарнер „Simply The Best“.

All love for Serena after Ajla Tomljanović takes the match ❤️ #USOpen pic.twitter.com/rgdKRW30G1
— ESPN (@espn) September 3, 2022

Serena waves to the crowd as she leaves the court at Arthur Ashe Stadium 👋 #USOpen pic.twitter.com/yREFGYpYrs
— ESPN (@espn) September 3, 2022

Серена во солзи им се заблагодари на семејството, тимот, публиката и многубројните обожаватели на поддршката сите изминати години. -Не би била јас Серена, да не беше Венус. Па затоа ти благодарам Венус. Таа е единствената причина зошто Серена Вилијамс некогаш постоела. Не знам што да кажам, со солзи изјави Серена.

"I wouldn't be Serena if there wasn't Venus."
Serena Williams shows love to her sister, Venus 💗 pic.twitter.com/3exRlhMAZZ — ESPN (@espn) September 3, 2022

Вилијамс го освои секој гренд слем во сингл барем по три пати, единствена е во историјата (и меѓу тенисерите) која ги има освоено сите гренд слемови и во сингл и во двојки. Има четири злата од Олимписки игри, а освоила вкупно 93 титули во кариерата.

Монтоливо објави крај на кариерата и за тоа го обвини Милан

Ивона Петрова — Wed, 13 Nov 2019 11:20:28 +0000

Играчот од средниот ред Рикардо Монтоливо објави дека ја заврши професионална кариера. Негов последен клуб беше Милан. – Од овој момент завршив да играм фудбал професионално. Ќе продолжам да живеам во Милано со семејството. Не знам што ќе правам следно. Може да се каже дека Милан ме натера да ја завршам кариерата. Јас дури и немав можност да се збогувам со навивачите по седум години, изјави Монтоливо за „Кориере дело спорт“. Минатата година Монтоливо (34) нема ниту еден настап за Милан, додека 26 натпревари има одиграно во сезоната 2017/18 кога постигна три гола и две асистенции. Претходно, тој играше и за Фиорентина и Аталанта. Со Милан го освои италијанскиот Супер куп во 2016 година.

Форлан стави крај на кариерата

Ивона Петрова — Wed, 07 Aug 2019 06:45:07 +0000

Поранешниот напаѓач на уругвајската фудбалска репрезентација Диего Форлан, објави дека се повлекува од професионалниот фудбал. Последниот тим за кој настапуваше Форлан, беше Хонг Конг Китчи. -Не беше лесно да се донесе оваа одлука, но сите знаат дека еден ден ќе треба да престанат да играат фудбал професионално. Неодамна добив понуда, но секогаш бев селективен. Имав други приоритети и знаев дека се ближи крајот на мојата кариера, изјави 40-годишниот фудбалер. Форлан најави одржување проштален натпревар во Уругвај.

Luego de 21 años tomé la decisión de poner fin a mi carrera como futbolista profesional. Se cierra una linda etapa llena de grandes recuerdos y emociones pero comenzará otra de nuevos desafíos. ¡Gracias a todos los que de una u otra manera me acompañaron en este camino! ?? ? pic.twitter.com/gVwX0RQJow
— Diego Forlan (@DiegoForlan7) August 7, 2019

Тенисерот со солзи во очите: Дојде крајот, веќе немам сили!

Дарко Андоновски — Fri, 11 Jan 2019 08:43:11 +0000

Поранешниот најдобар светски тенисер, Британецот Енди мареј го најавува крајот на кариерата. Повредите го сториле своето, Енди Мареј веќе нема сили да игра на највисоко ниво и поради тоа најавува брзо завршување на кариерата како тенисер. Тажната вест стигнува од Мелбурн , каде 31 годишниот Мареј се подготвува за учество на првиот тениски Грен слем во 2019 Австралија опен. Што најверојатно ќе биде неговиот последен натпреварувачки турнир. „Не се чувствувам добро веќе долго, долго...Под константни болки сум веќе 20 месеци. Направив се што можев за да ги решам проблемите со колкот, но болката беше пресилна. Му кажав на својот тим уште во декември да вака нема да можам да продолжам“, зборувал низ солзи Енди Мареј, кој ќе мора да замине на уште една операција на повредениот колк. Поранешниот олимписки шампион и најуспешен британски тенисер, би сакал да се прости од тенисот на домашен терен, на Вимблдон, но не знае дали неговото тело ќе може да издржи до јули. „Би сакал во Лондон да ја завршам кариерата, но не сум сигурен дали ќе успеав во тоа“, истакнал Мареј. Инаку, досега во кариерата Енди Мареј има освоено три Грен слем титули(два Вимблдона, и УС Опен) и има две олимписки злата од игрите во Лондон 2012 и Рио 2016 година.

Крај на една ера: Дрогба ја заврши блескавата кариера

Дарко Андоновски — Fri, 09 Nov 2018 13:24:12 +0000

Еден од најдобрите фудбалери последните 15 години Дидие Дрогба денеска и официјално го објави крајот на својата играчка кариера. Негов последен натпревар беше синоќешното финале од плеј-офот во втората американска лига меѓу Феникс Рајзинг и Луисвиле Сити кој тимот на Дрогба го загуби со 0-1. Поранешниот фудбалер на Челси и репрезентативец на Брегот на Слоновата Коска помина три години во САД, а претходно настапуваше во Челси. Најблескавиот период од кариерата го помина во Челси во чиј дрес освои четири титули во Премиер лигата и една во Лигата на шампионите. Од фудбалот се прости на 40-годишна возраст.