Кралицата Елизабета – Kurir.mk

Официјално: Објавена е причината за смртта на кралицата Елизабета

Ивана Ефремовски — Thu, 29 Sep 2022 14:18:36 +0000

Кралицата почина на 8-ми септември во замокот Балморал во Шкотска. Таа имаше 96 години. Уверението за смртта на кралицата денеска го објави Шкотскиот национален регистар. Кралицата Елизабета II починала од старост, открила нејзината посмртна потврда. Таа беше најдолговечниот британски владетел и најстариот монарх во светот. На почетокот на оваа година таа прослави седумдесет години на тронот. Нов британски крал стана Чарлс, човекот кој најдолго го чекаше тронот во историјата на монархијата. Тој ја носи титулата Чарлс III. „Во текот на својот живот, мојата сакана мајка беше инспирација и пример за мене и за целото мое семејство. Најискрениот долг, како и секое семејство на мајката, ѝ го должиме за нејзината љубов, наклонетост, водство и пример. Нејзината посветеност и лојалност како суверен никогаш не се поколеба, во време на промени и напредок, во време на радост и славење и во време на тага и загуба“, рече Чарлс по смртта на кралицата.

Криза владее и во кралското семејство: Кралицата Елизабета со строга одлука до целото семејство, по ова сеедно нема да им биде на Вилијам и Кејт

Дарко Андоновски — Thu, 07 Jul 2022 13:07:56 +0000

И Бакингемската палата мора да ги „стегне ремените“ и да плати за економската криза што следеше по пандемијата, но и со војната во Украина. Сер Мајкл Стивенс, сметоководител на кралицата, рече дека и покрај очигледното враќање во нормала – со продолжување на сите активности, од забави до церемонии – останува „тежок момент“ за касата на монархијата. Според , Стивенс, трошоците пораснале за 17% (102,4 милиони фунти) – најмногу поради реновирањето на Бакингемската палата, чиј електричен систем датира од Втората светска војна, а се крати од покривањето на трошоците на кралското семејство (летови, престој, официјални обврски: патувањето на Карибите на Вилијам и Кејт Мидлтон, на пример, чинеше над 226.000 фунти), но сепак, кралските плати, вклучувајќи ги и платите на персоналот, останаа стабилни на 86,3 милиони. Поради пандемијата и карантините, приходите на кралските резиденции кои произлегуваат од туризмот исто така се намалени за 50% (пред сè Бакингемската палата). И сега мора да се надокнади тој дефицит во кралската каса, со намалување на трошоците. Војводите од Сасекс Хари и Меган Маркл, кои сега се „економски независни“, пишува Дејли Мејл, се отстранети од буџетот, дотолку што патувањето во Лондон и реновирањето на Колибата Фрогмор сами ги презеле на товар.

Барбадос од утре станува најновата република во светот, кралицата Елизабета ќе биде заменета со досегашната гувернерка Сандра Мејсон

Ивана Ефремовски — Sun, 28 Nov 2021 09:38:29 +0000

Барбадос се подготвува утревечер да ги прекине врските со британската монархија, но наследството од неговото понекогаш брутално колонијално минато и влијанието на пандемијата врз туризмот се големи предизвици за овој карипски остров, што станува најнова република во светот. Бабрадос, островот познат по преубавите плажи и огромната љубов кон крикетот, следната недела ќе го замени шефот на државата, кралицата Елизабета Втора, со нејзиниот актуелен претставник, генералната гувернерка на островот Сандра Мејсон. Церемониите, утре и во вторник, вклучуваат воени паради и прослави по повод претседателската инаугурација на Сандра Мејсон. Почетокот на новата ера предизвика дебата меѓу населението од 285.000 луѓе за вековното британско влијание, вклучително и повеќе од 200 години ропство до 1834 година. Барбадос својата конечна независност ја стекна во 1966 година. -Како млада девојка, кога ќе слушнав за кралицата, бев многу возбудена, изјави Шерон Белами-Томпсон (50), продавачка на риби во главниот град Бриџтаун, која се сеќава дека имала околу осум години кога ја видела кралицата во посета. „Како што растев, почнав да се прашувам што всушност значи оваа кралица за мене и за мојата земја. Немаше никаква смисла“, рече таа. „Ќе биде прекрасно да се има претседател на Барбадос. За младите активисти како што е Фирхаана Булбулија, основач на Муслиманското здружение на Барбадос, британскиот колонијализам и ропството се причина за современата нееднаквост на островот. -Јазот во богатството, способноста да се поседува земјиште, па дури и пристапот до банкарски заеми, сите имаат многу врска со структурите изградени под британско владеење, вели 26-годишната Булбулија. „Вистинските синџири (на ропството) се скршени и ние повеќе не ги носиме, но менталните синџири сè уште постојат во нашето размислување, истакна таа. Во октомври Барбадос ја избра Мејсон за своја прва претседателка, една година откако премиерката Миа Мотли изјави дека земјата целосно ќе го напушти своето колонијално минато. (МИА)

Кралицата Елизабета приреди прием за лидерите на Г7

Катерина Бојаџиева — Fri, 11 Jun 2021 20:42:44 +0000

Британската кралица Елизабета Втора вечерва приреди прием за лидерите на Групата седум најразвиени индустриски земји во светот, кој се одржува во Англија. Кралицата (95) пристигна на приемот во друштво на својот син Чарлс и неговата сопруга Камила, а на собирот присуствуваат и принцот Вилијам и неговата сопруга Кејт. Приемот за светските лидери е прв поголем јавен настан на кој присуствува кралицата Елизабета Втора по смртта на нејзиниот сопруг, принцот Филип во април. Таа на приемот првпат се сретна со американскиот претседател Џо Бајден, кој е инаку 13-от претседател на САД кој го запознала во текот на своето речиси 70-годишно владеење на британскиот трон.

По наредба на кралицата: Принцот Хари, Меган Маркл и малиот Арчи се враќаат во Лондон

Ивана Ефремовски — Wed, 12 Feb 2020 15:25:57 +0000

Кралицата Елизабета ги покани принцот Хари и неговата сопруга да се вратат во Велика Британија на почетокот на март по повод одржување на Денот на Комонвелт. На 9-ти март парот би требало да се врати и да присуствува на прославата. За кралицата Елизабета ова е многу значаен датум, па затоа сите се убедени дека Меган и Хари ќе мора да ги спакуваат куферите и да се упатат кон Велика Британија. На 9 март сите поважни членови од кралското семејство се собираат за да прослават, каде што главен збор има токму кралицата Елизабета II. Дали ќе ја прифатат поканата и ќе отпатуваат во Велика Британија останува да видиме.

Кралицата Елизабета го потпиша законот за излез на Велика Британија од ЕУ

Тале Кристо — Thu, 23 Jan 2020 16:02:23 +0000

Кралицата Елизабета Втора го потпиша предлог законот за излез на Велика Британија од ЕУ, кој е подготвен од Владата на премиерот Борис Џонсон, со што тој доби статус на закон. Потпретседателот на Претставничкиот дом, Нејџел Еванс денеска ги информира пратениците за тој акт. Британскиот Парламент вчера го усвои предлог законот за условите по Брегзит. Велика Британија ќе ја напушти ЕУ во 23 часот на 31 јануари. Потоа започнува преоден период, во кој Брисел и Лондон ќе ги договорат идните трговски односи. Претходно, британското Министерство за финансии соопшти дека министерот Саџид Џавид планира на 11 март пред Парламентот да го презентира предлог буџетот, кој содржи „амбициозни планови“ за развој на економијата по Брегзит.

Кралицата за прв пат објави нешто на Инстаграм: Станува збор за писмо, погледнете што промовира (ФОТО)

Ивана Ефремовски — Fri, 08 Mar 2019 08:08:20 +0000

На Инстаграм се најдоа две фотографии на налогот на кралското семејство, а со нив и писмо. Кралицата Елизабета ги прикачила фотографиите за да промовира изложба. Ова е историски момент и прв пат кралицата да објави нешто на социјални мрежи.

View this post on Instagram

Today, as I visit the Science Museum I was interested to discover a letter from the Royal Archives, written in 1843 to my great-great-grandfather Prince Albert. Charles Babbage, credited as the world’s first computer pioneer, designed the “Difference Engine”, of which Prince Albert had the opportunity to see a prototype in July 1843. In the letter, Babbage told Queen Victoria and Prince Albert about his invention the “Analytical Engine” upon which the first computer programmes were created by Ada Lovelace, a daughter of Lord Byron. Today, I had the pleasure of learning about children’s computer coding initiatives and it seems fitting to me that I publish this Instagram post, at the Science Museum which has long championed technology, innovation and inspired the next generation of inventors. Elizabeth R. PHOTOS: Supplied by the Royal Archives © Royal Collection Trust / Her Majesty Queen Elizabeth II 2019

A post shared by The Royal Family (@theroyalfamily) on Mar 7, 2019 at 3:31am PST

Профилот на Инстаграм, во име на кралското семејство го водат лица задолжени за тоа. Но, овој пост е објавен лично од Кралицата.