краљево – Kurir.mk

Судот во Краљево ги пушти тројцата косовски полицајци да се бранат од слобода

Дарко Андоновски — Mon, 26 Jun 2023 09:29:48 +0000

Совет на Вишиот суд во Краљево го потврди обвинението против тројцата припадници на косовската полиција и донесе одлука со која на обвинетите им е укинат притворот. Адвокатот од Белград, Градимир Налиќ, кој ги застапува уапсените косовски полицајци во Србија, потврди за РСЕ дека им е укинат притворот и дека, како што изјави, тие во моментот се ослободуваат. „Обвинението е потврдено, а притворот е укинат и ќе се бранат од слобода“, рече Налиќ и додаде дека полицајците се враќаат на Косово. Тој рече и дека „во интерес на клиентите“ не може да каже ништо повеќе за овој случај. Унгарскиот премиер Виктор Орбан на Твитер напиша дека српскиот претседател Александар Вучиќ го информирал дека „во согласност со нашиот договор од минатата недела, Србија наскоро ќе ги ослободи од притвор косовските полицајци“. „Многу го цениме чекорот на Александар Вучиќ“, изјави Орбан. Првично судот донесе одлука за 30 - дневен притвор на тројцата полицајци.

ИСТО КАКО ПРЕД ТОЧНО 12 ГОДИНИ! Земјотрес ја погоди оваа област во Србија: „Неверојатно, токму на овој ден….“

Магдалена Андонова — Thu, 03 Nov 2022 15:48:52 +0000

Земјотрес со јачина од 2,3 степени според Рихтеровата скала го погоди Краљево, соопшти Сеизмолошкиот завод. Потсетуваме, на денешен ден пред 12 години во Краљево се случи разорен земјотрес. Ноќта меѓу 2 и 3 ноември областа околу Краљево ја погоди земјотрес со јачина од 5,4 степени според Рихтеровата скала, во кој две лица загинаа, а околу 200 лица се здобија со полесни повреди. „Еве го земјотресот во Краљево... Токму на овој ден...неверојатно“, „Сакам што земјотресот го погоди Краљево на ист ден како и пред 12 години, па сега кога не умрев, никогаш нема да умрам“, „Земјотресот во Краљево баш затресе“, беа дел од коментарите на Твитер.

#Earthquake (#земљотрес) possibly felt 33 sec ago in #Serbia. Felt it? Tell us via:
📱https://t.co/LBaVNedgF9
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/VRr1JjyR5P
— EMSC (@LastQuake) November 3, 2022

Ковид свадба во соседството со 400 гости – младоженците сега се каат по вкупниот број на заразени по веселбата

Дарко Андоновски — Thu, 14 Oct 2021 07:49:41 +0000

Псле свадба во српскиот град Кралево со околу 400 лица, пред околу еден месец, околу 100 гости на свадбата завршиле во ковид амбулантата во тој град. – Само во првата седмица по свеченоста, се појавија 25 новозаразени лица, а меѓу нив беше и млад човек на триесетина години, невакциниран, кој за малку не заврши на респиратор, открива Владимир Новиќ, рентген техничар во општата болница во Кралево. Многу пациенти подоцна жалат што не се вакцинирале, што не се грижеле за себе, но за некои ќе биде предоцна. И здравствените работници страдаат од нивната неодговорност. – Тоа беше свадба со околу лу 400 луѓе. Половина од нив знам. Околу 100 од нив многу брзо ја посетија клиниката. Во првата недела по венчавката, 25 лица веќе беа позитивни. Младо момче вели, „Да знаев, никогаш немаше да отидам на свадба. Ако преживеам, ќе се вакцинирам штом ќе ја напуштам болницата“. Излезе неодамна. Едвај се спаси од респиратор, објаснува Новиќ и посочува дека здравствените работници се секогаш погодени од ваквата неодговорност. – Дали е малку што гинеме на работа. Кога се враќаме од смена, не можеме да ја погодиме вратата од куќата, не ги гледаме децата. Не сум антиваксер. Моето семејство е вакцинирано. Вакцината не е задолжителна, но, луѓе, ако не сакате да се вакцинирате, барем можете да ја носите таа маска. Барем толку можете да ни помогнете, вели Новиќ.

Средношколци во Краљево навиваат и снимаат додека еден ученик тепа друг

Предраг Кукиќ — Thu, 27 Dec 2018 18:23:25 +0000

Снимка со врсничко насилство кое се случило во Домот за ученици во средното техничко училиште во Краљево денеска е објавена на социјалните мрежи и покажува голема бруталност меѓу децата. Снимката е направена во соба во Домот за ученици и на неа се гледа како еден тинејџер малтретира и удира врсник, додека неколку деца навиваат и сето тоа го снимаат со мобилен телефон. На снимката се гледа како пониското дете моли насилникот да престане да го удира и со маицата си ја брише крвта. Управникот на Домот за ученици Стево Новаковиќ изјави дека во средата дознал што се случило и оти денеска снимката се појавила на социјалните мрежи. Известена била и полицијата и во придружба на психолог, насилникот и жртвата, но и децата кои навивале, денеска биле однесени во полициска станица за да дадат изјава. – Очекувам повратна информација од полицијата. Детето никогаш не пријавило насилство. Никогаш не ми се пожалил ниту на мене, ниту на воспитувачките дека постои проблем. Известени се родителите на двете деца и очекуваме и тие да пристигнат, рече Новаковиќ за Танјуг. Тој додаде дека кусо разговарал со детето кое е тепано и оти му рекло дека „тоа било шега“. И насилникот и жртвата имаат по 16 години, учат во втора година во Средното шумарско училиште во Краљво и во домот се во иста соба. Во Министерството за образование велат дека се запознаени со случајот на врсничко насилство во Домот за ученици во Краљево и оти како и во други слични случаи, и во овој се „придржуваат до прописи и процедури“ водејќи сметка првенствено за децата.