кралски должности – Kurir.mk

Нова кралска драма: Хари и Меган бараат продолжување на рокот за напушањето на кралските должности?

Ивона Петрова — Mon, 28 Dec 2020 10:29:17 +0000

Принцот Хари и неговата сопруга Меган Маркл, како што пренесува британски „Сан“, имаат намера од врвот на кралското семејство да побараат продолжување на преодниот рок за напушањето на кралските должности. Преодниот рок истекува на 31 март 2021 година. Неименуван извор за таблоидот навестил повеќе „пријателски видеоповици“ од двојката кон повозрасни членови на кралското семејство. Во средиштето на разговорите, наводно, ќе бидат должностите кои принцот не сака да ги изгуби, односно „настојува да ги задржи“, како што се воените титули. Двојката најверојатно сака, заедно со нивниот син Арчи Харисон, да присуствува и на претстојниот 95. роденден на кралицата, на 21 април идната година, како и на 100. роденден на принц Филип и на 60-годишнината од раѓањето на принцезата Дијана – мајката на принцот Хари, на 1 јули. Според кралскиот биограф Ендрју Мортон, односите меѓу принцот Хари и кралицата веќе се поблиски отколку во некои периоди во минатото, и тие сега сѐ почесто се гледаат на Зум.

Хари и Меган последните кралски обврски ќе ги извршат во март

Ивона Петрова — Thu, 20 Feb 2020 07:59:01 +0000

Британскиот принц Хари и Меган Маркл ќе ги преземат своите последни јавни должности како високи членови на кралското семејство на крајот на февруари и во март, по што и официјално ќе бидат ослободени од должностите, објави денеска кралската телевизија Ај-ти-ви. Уредникот на медиумот, Крис Шип, повикувајќи се на извори во Бакингемската палата, тој рече дека принцот Хари и Меган по 1 април повеќе нема да имаат канцеларија таму. Во јануари оваа година, Хари и Меган го најавија своето повлекување од кралските должности.

Принцот Вилијам првпат се огласи по одлуката на Хари и Меган да се повлечат од кралските должности: „Не можам повеќе да го поддржувам“

Тале Кристо — Sun, 12 Jan 2020 11:34:29 +0000

Цел живот го поддржував брат ми, но повеќе не можам, изјави принцот Вилијам откако Меган Маркл и принцот Хари донесоа одлука да се повлечат од кралските должности. Тој изјави дека е тажен поради одлуката на принцот Хари да се повлече од кралското семејство. -Цел живот сум тука за него, го заштитувам, но веќе не можам. Ние сега сме два различни света и сè што можам да направам е да го поддржам во она што го прави и да верувам дека еден ден повторно ќе бидеме на истата страна, во истиот тим“, изјавил принцот, а изјавата ја пренеле „Сандеј тајмс“, повикувајќи се на извор близок до кралското семејство. Кралицата Елизабета за утре го повика својот внук, принцот Хари, на „кризен состанок“ , за да разговара за идните аранжмани за него и неговата сопруга Меган, откако одеднаш, без никаква најава, двојката соопшти дека сакаат да се повлечат од кралските должности. Таткото на Хари, принцот престолонаследник Чарлс, и неговиот брат, принцот Вилијам, исто така, ќе присуствуваат на состанокот, што ќе се одржи утре на имот на кралицата Сандрингам во Нортфолк, на истокот од Англија, изјави извор од Бакингемската палата.

Опра Винфри негира дека влијаела врз одлуката на принцот Хари и Меган да ги напуштат кралските должности

Тале Кристо — Sat, 11 Jan 2020 15:15:56 +0000

Одлуката на принцот Хари и неговата сопруга Меган Маркл да отстапат од кралските должности и да продолжат со нормален граѓански живот го шокираше целиот свет, а многумина веруваат дека на овој чекор ги наговорила познатата водителка Опра Винфри, која веднаш ги негираше овие тврдења. Во кус разговор за магазинот „Пипл“ таа акцентот го стави на фактот дека на Хари и на Меркл не им треба помош во одлучувањето за тоа што е најдобро за нив и нивното семејство, пренесува Кликс.ба. -Се грижам за нив двајцата и ја поддржувам секоја одлука што ќе ја донесат, изјави познатата водителка, откако нејзиното име се најде на насловните станици на многу таблоиди кои тврдеа дека таа е одговорна што Хари и Меган отстапуваат од кралските функции.