Краматорск – Kurir.mk

Бројот на загинатите во Краматорск достигна 8, повредени се 56

Ивона Петрова — Wed, 28 Jun 2023 06:55:14 +0000

Бројот на загинати во рускиот напад врз ресторан во градот Краматорск во источна Украина е најмалку осум, а 56 се повредени, според новите информации од службите за итни случаи. Меѓу загиантгите има три деца, соопшти украинската служба за итни случаи. „Спасувачите ги пребаруваат остатоците од зградата и бараат луѓе кои можеби се наоѓаат под урнатините“, се додава во соопштението. Краматорск е голем град западно од линијата на фронтот во Доњецката област и најверојатно ќе биде клучна цел на можното руско напредување кон запад за да ја заземе целата област. Честопати беше цел на руски напади, вклучително и напад врз железничката станица во април 2022 година, во кој загинаа 63 лица.

Клименко: Најмалку двајца загинати при руски напад врз Краматорск

Тале Кристо — Tue, 27 Jun 2023 20:34:24 +0000

Најмалку две лица загинаа, а 22 се повредени во денешниот руски ракетен напад што погоди ресторан во Краматорск, источна Украина, соопшти министерот за внатрешни работи Игор Клименко. Тој додаде дека во нападот оштетени се еден ресторан и неколку куќи. Клименко наведе дека е можно под урнатините да има уште жртви.

Најмалку една жртва во ракетен напад врз Краматорск

Катерина Бојаџиева — Tue, 19 Jul 2022 14:09:47 +0000

Најмалку едно лице загина, а шест се ранети во денешниот ракетен напад во центарот на Краматорск, град контролиран од Киев во областа Доњецк во источна Украина, што руските сили сакаат да го заземат, соопштија денеска градските власти и полицијата. – Во оваа фаза имаме еден загинат, изјави претставник за медиумите на градските власти, додека висок полициски функционер информира дека шест лица се ранети. Ракетата паднала претпладне во двор опкружен со четирикатни згради во центарот на градот. Краматорск, град со 150.000 жители пред војната, е административен центар на регионот Доњецк кој е под контрола на Киев. Се наоѓа на дваесетина километри од фронтот и редовно е цел на гранатирање.

Би-Би-Си: Масакрот на железничката станица во Краматорск е изведен со забранети касетни бомби

Катерина Бојаџиева — Wed, 13 Apr 2022 06:14:48 +0000

Би-Би-Си тврди дека постојат докази дека масакрот на железничката станица во Краматорск бил изведен со касетни бомби, чија употреба е забранета со меѓународното право. Касетните бомби, всушност, содржат голем број помали бомби што се распрснуваат пред ударот и експлодираат во поширока област. Повеќе од 50 цивили загинаа во нападот на железничката станица, која беше преполна во моментот на експлозијата. Новинарите на Би-Би-Си по нападот ја посетија железничката станица во Краматорск и пронајдоа мали кратери на земјата кои се конзистентни со боевата глава која содржи касетна муниција. Имено, повеќекратните експлозии на касетната муниција вообичаено расфрлаат фрагменти на поширок простор околу местото на ударот на проектилот, оставајќи зад себе карактеристични мали кратери. На местото на нападот беа пронајдени остатоци од ракетата „Точка-У“ од советската ера. Станува збор за балистичка ракета со краток дострел, која може да носи касетна боева глава која содржи 50 помали бомби, наведува Би-Би-Си. Експертите наведуваат дека малите кратери на станицата се во согласност со касетната муниција. -Кратерите се сосема конзистентни со муницијата како GN24, касетна муниција од советската ера која може да се смести во боева глава од проектилите „Точка“, изјави Сидарт Каусал, експерт за ракети во британскиот Кралски институт за одбранбени прашања.

По нападот на железничката во Краматорск во болница сè уште се 92 лица, меѓу кои 17 деца

Магдалена Андонова — Mon, 11 Apr 2022 16:32:23 +0000

– По нападот во петокот на железничката станица во Краматорск, во Доњецк, во кој загинаа 57 луѓе, во болница се наоѓаа 92 лица. Меѓу нив 17 се деца, соопшти денеска регионалниот гувернер. Тој додава дека четворица возрасни и две деца биле отпуштени од локалната болница и испратени во болница во регионот Дњепропетровск на понатамошно лекување. (МАИ)

Светот згрозен од масакрот на цивили на железничката станица во Краматорск

Катерина Бојаџиева — Fri, 08 Apr 2022 15:39:52 +0000

Голем број високи западни функционери остро го осудија нападот на железничката станица во Краматорск во Украина, во кој, според моментално достапните податоци, загинаа 39 цивили, меѓу кои и две деца. Британскиот министер за одбрана Бен Валас го нарече нападот „различно злосторство“, додавајќи дека прецизни проектили биле насочени кон луѓето кои бараат хуманитарна помош. Шефицата на британската дипломатија Лиз Трас изјави дека е „згрозена“ од нападот, додавајќи дека „нападот врз цивили е воено злосторство“, а „Путин и Русија ќе одговараат за ова“. Нападот го осуди и Шарл Мишел, претседател на Европскиот совет, кој истакна дека е „ужасно“ да се види како проектилот погодил една од главните станици за евакуација на цивилите во регионот. Високиот претставник на ЕУ за надворешна и безбедносна политика, Жозеп Борел, исто така, остро го осуди нападот, нарекувајќи го „нов обид да се затворат патиштата за бегство на цивилите од неправедната војна“. Портпаролката на Белата куќа, Џен Псаки во разговор за Си-Ен-Ен зборуваше за „ужасни слики“.

Најмалку 50 луѓе, меѓу кои пет деца, загинаа при нападот во Краматорск

Тале Кристо — Fri, 08 Apr 2022 15:09:24 +0000

Најмалку 50 луѓе, меѓу кои пет деца, загинаа при ракетен напад на железничката станица во градот Краматорск во источниот дел на Украина, изјави гувернерот на Доњецката област, Павло Кириленко. – Педесет загинати, од кои пет деца. Ова е бројката на загинати досега откако руските окупаторски сили ја нападнаа железничката станица Краматорск, напиша Кириленко на Телеграм. Претходно беше објавено дека се загинати 39 лица, а најмалку 100 се повредени. Се стравува дека бројот на жртвите ќе биде многу поголем. Градоначалникопт на градот истакна дека во моментот на гранатирањето на железничката станица при сутни биле околу 4.000 луѓе, од кои повеќето жени, деца и повозрасни лица.

Градоначалник на Краматорск: За време на ракетниот напад имаше околу 4.000 луѓе на железничката станица

Ивана Ефремовски — Fri, 08 Apr 2022 10:49:58 +0000

При гранатирањето на железничката станица во Краматорск присутни биле околу 4.000 луѓе, од кои повеќето жени, деца и постари лица, изјави градоначалникот на градот. Според извештаите на локалните медиуми, во нападот загинале најмалку 30 луѓе, а над 100 се повредени. Во вознемирувачки развој на настаните, како што оценува Скај њуз, на проектилот што ја погоди железничката станица во Краматорск се чини дека се зборовите „за децата“. Се сугерира дека зборовите биле напишани од страна на руските сили, иако тоа тврдење не е потврдено од независен извор, потенцира Скај њуз. (МИА)

ВОЗНЕМИРУВАЧКО: Најмалку 30 убиени и над 100 повредени во ракетен напад во Краматорск

Ивона Петрова — Fri, 08 Apr 2022 09:28:38 +0000

Над 30 лица загинаа, а повеќе од 100 се повредени во денешниот ракетен напад врз железничка станица во Краматорск во источна Украина , изјави шефот на националната железничка компанија. – Повеќе од 30 луѓе загинаа, а над 100 се повредени во ракетниот напад врз железничката станица Краматорск. Ова е намерен напад врз инфраструктура на железницата и жителите на Краматорск“, напиша Александар Камишин на социјалните мрежи. Украинското Министерство за одбрана, потврдувајќи ги бројките на загинатите и повредените, соопшти дека ракетните напади биле изведени додека се одвивала евакуацијата на локалните жители. Русите извршија два ракетни удари на железничката станица во Краматорск, каде што се одвиваше евакуација на цивили. Но, руските воени злосторници не само што намерно гаѓаа илјадници луѓе; тие користеа касетна муниција“, напиша украинското МО на Твитер.