крап – Kurir.mk

ПИЈАН КРАП! Како од најдобриот рибен ресторан (РЕЦЕПТ)

Ристе Здравков — Tue, 24 Jan 2023 13:24:55 +0000

Направете полнет крап како од најдобрите рибни ресторани. Прелијте бело вино за посебен шмек. Состојки: за 8 лица 2,5 кг крап 1/2 китка магдонос 5 чешниња лук 1 дл масло 2 дл добро бело вино 1 дл вода сол бибер Подготовка: Исчистениот крап (без глава и опашка) засечете го на секои два сантиметри од двете страни. Сол и бибер по вкус. Во засеците, како и во внатрешноста на рибата ставете ситно сечкан лук и магдонос.Во тава подмачкана со масло ставете го крапот и прелијте го со остатокот од маслото, виното и малку вода. Покријте со алуминиумска фолија и печете на 200 степени половина час. Потоа извадете ја фолијата и печете уште половина час.

ВИСТИНСКИОТ ИЗБОР ЗА ВКУСНА ВЕЧЕРА! Еве како да направите ПОЛНЕТ, печен крап!

Ристе Здравков — Mon, 14 Nov 2022 15:35:50 +0000

Наместо стандардни сендвичи или салати, сменете ја вечерата и одлучете се за крап, кој можете да го подготвите за само еден час. Умерена температура, путер, масло и некои други состојки ќе му дадат одличен вкус Кога станува збор за подготовка на крап, веруваме дека секогаш ќе се навраќате на овој рецепт: СОСТОЈКИ: поголем крап (два-три килограми) помал куп млад кромид половина чаша ореви 300-400 гр печурки 120 мл бело вино помал лимон 125 гр путер зелени маслинки сол, бибер, магдонос ПОДГОТОВКА: Исчистете го крапот, измијте го, исушете го со крпа, потоа посолете, додадете бибер и вратете го во фрижидер. Загрејте една лажица путер и масло во голема тава на умерен оган и пропржете ги ситно сечканиот млад кромид и печурките. Додадете сечкани ореви, сол, бибер и магдонос, прелијте со вино и динстајте додека не испари вишокот течност. Наполнете го крапот со добиената смеса и ставете го во плех обложен со хартија за печење. Прелијте го преостанатиот растопен путер и печете во рерна на 180 степени 50-60 минути. Се сече на парчиња, се прелива со сок од лимон, се посипува со маслинки и се сервира веднаш.

Забрана за риболов на крап од 10 мај до 20 јуни на Осломејско Езеро

Ивона Петрова — Thu, 14 Apr 2022 11:27:38 +0000

Поради мрестот на крапот на Осломејско Езеро одреден е ловостојот во истиот период, односно забрана на лов за овој вид риба ќе има од 10 мај до 20 јуни, додека ловостојот за клен ќе биде од 5 мај до 10 јуни. Најдолг ќе биде ловостојот за мрена, кој ќе трае од 15 мај до 15 јули, соопшти портпаролот на спортското риболовно друштво „Хантер фиш“, Мире Ночески. Тој ги соопшти и правилата за ловење на Осломејско Езеро во количина и големина на уловената риба. Како што напомена, во периодот кога нема ловостој на Осломејско Езеро, спортските риболовци можат да уловат најмногу пет примероци на клен со должина до 25 сантиметри, а црна мрена 10 примероци со должина до 15 сантиметри. – Ловот на крапот има трајна забрана за носење дома и секој уловен примерок мора да се врати во езерото, додека неограничен е ловот на следните видови риба, бојник, плашица и карас, додаде Ночески.

Во Преспанско Езеро пронајдени 25 рибарски мрежи со улов на крап со тежина од околу 23 килограми

Катерина Бојаџиева — Fri, 05 Mar 2021 17:31:21 +0000

На 04.03.2021 во периодот од 08.30 до 09.30 часот, полициски службеници од Полициските станица за граничен премин и граничен надзор Стење и Маркова нога, во водите на Преспанското езеро во близина на место викано „Ротот“, во близина на брегот на езерото биле пронајдени 25 рибарски мрежи со улов на риба крап со тежина од околу 23 килограми. Се преземаат мерки за расчистување на случајот.

Фото – ,,Паљурци” порибен со 250 килограми крап, парчињата и до 5 кг донации од групата ,,Корморани”

Дарко Андоновски — Fri, 19 Apr 2019 17:21:06 +0000

Браната ,,Паљурци” кај Богданци е порибена со околу 250 килограми крап кои се набавени од страна на членовите на ФБ групата ,,Корморани” но и од партиципацијата ма екипите за риболовниот КУП што се одржува на ова брана. Како што не информира Никола Полизовски, акцијата се спровела вчера, кога во водите на ова вештачко езеро се пуштени над 50 тина парчиња крап, тешки од три до пет килограми се со цел да се зголеми рибниот фонд во ова брана позната по крапови-капиталци а целата акција ја спровеле членовите на ,,Костреш” од Богданци . На порибувањето на ,,Паљурци” присутен бил и првиот човек на општина Богданци Блаже Шапов кој ја поздрави акцијата на риболовците за одржување на рибниот фонд во ова брана. ,, Вчерашните риби се дел од риболовната група ,,Корморани” а дел се набавени од парите собрани од котизациите од екипите пријавени за денешниот КУП. Станува збор за риболовно дружење организирано од групата ,,Модерен крапски риболов,, во соработка со концесионерот на ,,Паљурци” Здружението на спортски риболовци ,, Костреш” од Богданци”, ни изјави Полизовски кој наредниве денови најави нова акција на порибување на ,,Паљурци” Целиот текст можете да го прочитате ТУКА.