кратење – Kurir.mk

Мини водич за скратување на ноктите на кучиња: Сите сопственици треба да знаат како да одржуваат хигиена на шепите

Магдалена Андонова — Mon, 05 Apr 2021 12:37:54 +0000

Кратењето нокти на кучиња е задолжителен дел од хигиената на шепите на нашите најдобри пријатели со четири нозе. Во овој текст, можете да прочитате на што е важно да обрнете внимание ако го правите ова сами, дома. Зошто ноктите на кучето се кратат Прво, да се потсетиме на официјалните дефиниции. Ноктите се роговидни формации на врвовите на прстите на шепите на кучето. Кај кученцата, тие се помеки, а колку е постаро кучето, толку се посилни. Иако ноктите имаат заштитна и практична функција, нивната должина мора да се одржува, особено кај кучињата кои живеат внатре и немаат можност да ги „трошат“ .Тоа практично значи дека ноктите мора да се скратат. Ако ноктите на кучето растат премногу, тие ги отежнуваат секојдневните активности, движењето, но и некои посериозни проблеми како што се нарушувања во одењето, ортопедски проблеми или посекотини во играта со сопственикот или друго куче, пренесува Apetit.rs. Ако се скрши ноктот, тоа може да доведе до инфекција и, се разбира, придружна болка. Затоа е исклучително важно ноктите да се скратат, со алатки специјално дизајнирани за тоа. Бидејќи кучето може да има вродена или стекната отпорност на овој чин, скратувањето на ноктите треба да започне што е можно порано, со цел животното да се навикне на тоа. Експертите препорачуваат да се започне со оваа навика од возраст од два месеци. Бидејќи некои кучиња не сакаат да ги допираат шепите, можно е да треба да го направите процесот на скратување од неколку фази, така што ноктите нема да бидат со иста должина. Светли и темни нокти - што треба да знаете Во зависност од расата и бојата на кучето, ноктите на кучето може да бидат потемни или посветли. Посветлите полесно се скратуваат бидејќи може да видите од каде започнува крвниот сад, а потемните не можат да се потпрат на оваа техника, затоа е потребно да се обрне посебно внимание. Скратување на кучешки нокти чекор по чекор: 1. Запознајте го кучето со алатот - oставете го да го издушка 2. Вежбајте допир на шепите - нека се навикне кучето на допир на шепите, притисок и интеракција 3. Земете ја шепата - погледнете под неа, за да утврдите од каде и почнува крвниот сад 4. Припремете го алатот - поставете ја грицкалката на врвот на ноктот 5. Сечете - држете се на аголот од 45 степени 6. Идете постепено - пред да исечете дел од ноктот проверете каде е крвниот сад. Не би било лошо ова да го правите во поосветлена просторија, особено ако вашето куче има темни нокти. 7. Финализирајте го „педикирот“ - со турпија поминете ги ноктите за да не остане некоја остра страна. Во секој случај, ако сè уште се чувствувате несигурни за време на овој процес, најдобро е да одите кај професионалец. Најважно е ноктите редовно да се скратуваат.

Заев најави кратење на администрацијата за 20%, а ДУИ најавува полнење на администрацијата по етнички клуч

Магдалена Андонова — Tue, 20 Oct 2020 09:36:01 +0000

Премиерот Зоран Заев во текот на кампањата на последните предвремени парламентарни избори најавуваше кратење на администрацијата за 20%. Истиот став го повтори и пред две недели во интервјуто во емисијата Економски магазин. Драстичното намалување на непродуктивните трошоци, вклучително тука и намалување на администрацијата за 20 проценти е нешто што ќе ослободи дополнителни финансиски средства за да ја помагаме економијата со капитални инвестиции. Нашата продуктивност мора да ја изедначиме со онаа на земјите од ЕУ, а тоа ќе дојде со доследно спроведување на реформите од правосудството до образованието, изјави премиерот Заев. Не цели две недели траеше оваа изјава за рационализација на администрацијата за вчера јавноста да дознае дека власта подготвува нови 800 вработувања. -Следната недела се очекува да биде објавен оглас за вработување на Албанци во администрацијата, велат партиски извори од ДУИ, за весникот „Лајм“. Конкурсот кој што се подготвува, предвидува вработување на вкупно 800 административци, од кои 640 ќе бидат Албанци, а 160 од други етнички заедници. -Сега ни е полесно. Првиот вицепремиер е од редовите на ДУИ, Артан Груби, министерот за финансии е наш, Фатмир Бесими. Ќе има повеќе вакви конкурси за постигнување адекватната застапеност, најавуваат од ДУИ, објавувајќи ги овие долго очекувани информации од јавноста, особено од младите кои штотуку дипломирале- изветуваат извори за Лајм. Целиот процес ќе се одвива под палката на министерството за информатичко општетство и администрација, ресор кој го води кадарот на ДУИ Јетон Шаќири, доскорешен професор на Меѓународниот универзитет во Струга и поранешен директор на Водовод и канализација од Струга. Шаќири го наследи Дамјан Манчевски на позицијата министер, кој три години најавуваше реформи во администрацијата, ама на крајот се повлече од сите државни и партиски функции во СДСМ. Дополнителна нелогичност е фактот што според последните информации кои доаѓаат од Владата се уште има и 1300 административци од рамковниот договор кои земаат плата, а не работат и кои не се распределени во останатите институции. Оттука е нејасно зошто е потребата од нови вработувања на припадниците на етничките заедници кога уште не се распределени над илјада други кои биле вработувани по истиот основ на претходните огласи.

Мицкоски: Во исто време кога Заев порачува кратење на платите на работниците, во општина Гази Баба обезбедуваат 15 милиони денари за нови партиски вработувања

Тале Кристо — Thu, 26 Mar 2020 20:41:36 +0000

Ајде што задоцнето, делумно и лошо ги копираат анти кризните мерки што ги предлагаме. Ајде што Зоран Заев копира и оди со интервјуа на истите медиуми каде што веќе сум гостувал, што и не е така лошо, бидејќи граѓаните ќе може да ја направат разликата, но она што вистински загрижува е што не престануваат да бидат лицемери, во исто време кога се неспособни и продолжуваат партиски да вработуваат, реагира преку својата Фејсбук страница лидерот на ВМРО-ДПМНЕ Христијан Мицкоски. -Во исто време кога Заев им порачува на работниците да "стиснат заби" затоа ќе се кратат плати, во општината каде се власт Гази Баба обезбедуваат 15 милиони денари за нови привремени партиски вработувања. Каква е таа солидарност кога на стопанството му велите да се стрпи, во исто време удирате по работниците и кратите плати, а од друга страна вработувате нови партиски кадри. Сакате вистинска солидарност? Повлечете го предлогот за драстично кратење на плати на работниците, откажете се од функционерските плати и работете про боно (бесплатно) додека трае кризата, затоа што само така се сака Македонија! Ова не е време на ситно политиканство, туку на мудри одлуки. Потребна е одговорност, трезвеност и разум, порачува Мицкоски.

Димитриеска – Кочоска: Потребни ни се брзи пари и кратење на трошоците за да ја надминеме економската криза која ќе ја зафати државата

Тале Кристо — Wed, 25 Mar 2020 18:50:14 +0000

Министерката за финансии требаше многу побрзо да реагира, и уште во четвртокот кога го имавме првиот состанок и кажав дека ќе потпишам и дека вооопшто немам дилема во однос на тоа дека треба да обезбедиме средства. Дај боже да не ни требаат заемите од Светската банка и ММФ, но проекциите кажуваат дека тие пари и малку ќе ни бидат, вели дополнителниот заменик министер за финансии Гордана Димитриеска - Кочоска во вечерашната емисија "Топ тема" на Телма телевизија. Според Димитриеска - Кочоска треба да има кратење на трошоците кои не се приоритетни во моментов. Постојат ситуации во министерството за здравство каде сигурно ќе фалат пари, значи ќе треба буџетот да се зголеми. -Оние непродуктивни или во моментов неприоритетни трошоци треба да ги скратиме. И тоа треба да го направиме веднаш. Затоа што ако денес го погледнеме буџетот проекциите кажуваат дека ситуацијата ќе биде многу лоша. Најпрво ни требаат брзи пари за да го надминеме проблемот со ликвидноста во следниот месец. Гледаме дека банките се ликвидни, имаат средства и во Народна банка. Токму од таа причина сметам дека најпрвин треба да прибереме средства од банките. Затоа што ние проекциите ги правиме на ниво на година. Ако скратиме од трошоците во овој месец на пример, тоа ќе се рефлектира и во наредните периоди. Значи клучно во моментов е да обезбедиме пари, но и да се кратат трошоците. И затоа од таа причина уште минатат недела и кажав на министерката дека треба да се има контрола врз трошоците, посочи Димитриеска - Кочоска.

ФОТО: Нова промена – Елена Ристеска ја скрати косата, но на новата боја ќе мора да се навикнете

Дарко Андоновски — Thu, 11 Jan 2018 11:48:26 +0000

Македонската поп-пејачка Елена Ристеска се одлучи за мала промена на својот изглед. Долгата коса по која е препознатлива му ја довери на својот личен стилист и одлучи да ја скрати, но и бојадиса. Пормената не е драстична, но сепак е забележителна. Со фотографија од новата фризура Елена одлучи да се пофали и на Инстаграм. Како ви се допаѓа?

New haircut :) @danielnikolovskiofficial1

A post shared by E L E N A ♥️? (@elenaristeskaofficial) on Jan 10, 2018 at 9:28am PST