крава – Kurir.mk

17 дена по земјотресот спасиле крава – била со денови под урнатините, а кога ја прегледале останале во чудо

Дарко Андоновски — Fri, 24 Feb 2023 08:20:31 +0000

Екипите на терен спасија крава 17 дена по земјотресот што ги погоди јужните делови на Турција и Сирија, јавува Анадолија. Екипите на општина Голчук спасија крава која останала под урнатините во Антакија, Хатај. Општинските екипи се уште се на терен и работат на расчистување на подрачјето погодено од земјотресите. Со цел да се елиминира ризикот од инфекција, екипите ги закопуваат животните кои беа пронајдени мртви во плевните. Во меѓувреме под урнатините на зграда слушнале звук. При претресот на теренот пронашле крава која ја извлекле. На ветеринарниот преглед било утврдено дека здравјето на кравата е добра.

Кравата Пош Спајс е продадена за рекордни 299.000 евра: „Таа е паметна и полна со стил, има X фактор“

Магдалена Андонова — Sun, 07 Feb 2021 09:06:02 +0000

Крава одгледана во централна Англија е продадена за 299 илјади евра, што е рекорд за нејзината раса и двојно повеќе од претходниот британски и европски рекорд. Кравата по име Пош Спајс, име кое го носела по прекарот на Викторија Бекам во женската поп-група Spice Girls, се продаде во петокот. Кравата од Шропшир, чие целосно име е Вилодџ Пошшпис, е потомок на добиток што е наградуван. Нејзината мајка Милбрук Гингерспејс, исто така именувана по „Spice Girls“, го држеше претходниот британски и европски рекорд поставен во 2014 година. Би-Би-Си ја пренесува изјавата на сопственичката Кристин Вилијамс дека продажбата е „како да се победи на лотарија“ и дека крајната цена е „неверојатна“. Таа рече дека продадената едногодишна крава е „паметна и полна со стил“, а високата цена ја припишува на одреден „фактор x“.

Кравата која го доби името по Викторија Бекам е продадена, од цената ќе се шокирате

Ивана Ефремовски — Fri, 05 Feb 2021 12:30:24 +0000

Крава именувана по Викторија Бекам, од расата Лимузин, е продадена на аукција за рекордна цена од 262.000 британски фунти (299.000 евра). Цената е рекордна за Велика Британија и за Европа. Наддавањето се случи минатата недела. Вилоџ Пош-спајс е наследничка на лоза „зачинети девојки“. Нејзината мајка Вилоџ Џинџерспајс е, исто така, именувана по пејачка на поп-групата „Спајс Грлс“. Кравите се одгледувале е во Стропшир, централна Англија. Фармерката Кристин Вилијамс изјави дека продажбата на Пош Спајс е како „добивка на лото“, оти таа била „паметна и елегантна“ крава. Според британското здружение на одгледувачи на лимузини, „блескавиот изглед“ и чистокрвноста на кравaтa придонеле за високата цена. Секретарот на здружението Вил Катли рече дека тоа е успех не само за сточарите, туку и за самата раса крави. (МИА)

Ѕвездата на Интер реши да молзе крава, а потоа скокна да бега (ВИДЕО)

Магдалена Андонова — Mon, 07 Sep 2020 17:25:33 +0000

Аргентинскиот напаѓач на Интер, Лаутаро Мартинез, сè уште ужива во одморот пред почетокот на подготовките за новата сезона, а вчера на социјалните мрежи објави видео кое ги изнасмеа неговите фанови. Како што може да се забележи на снимката, тој седнал да молзе крава, но кога таа се сврте кон него, тој скокна од страв.

Wait for it... Lautaro Martinez should probably stick to football ?? ? IG/agus.gandolfo pic.twitter.com/cpVMrkNu4M
— 433 (@433) September 5, 2020

Стотици луѓе починаа од лажни информации за коронавирусот: Пиеле и урина од крави

Магдалена Андонова — Thu, 13 Aug 2020 08:59:08 +0000

Во првите три месеци од оваа година, најмалку 800 луѓе ширум светот починаа поради погрешни информации за коронавирусот, објавија научниците. Според резултатите од студијата објавена во американскиот журнал за тропска медицина и хигиена, околу 5.800 лица се хоспитализирани поради последиците од верувањето на лажните информации на социјалните мрежи, пренесува Би-Би-Си. Многумина умреле затоа што пиеле средства за чистење метанол или алкохол Многумина умреле откако пиеле средства за чистење метанол или алкохол, погрешно верувајќи дека овие производи го штитат или излечиле вирусот. Светската здравствена организација предупреди дека епидемијата на лажни вести или „инфодимија“ поврзана со ковид-19 се шири толку брзо како и самиот вирус, а теориите на заговор, гласини и стигматизација во општеството на болните придонеле за смрт и повреди. Многу жртви следеа совети што наликуваа на веродостоен здравствен совет - како консумирање на големи количини лук и голтање големи количини на витамини како начин за спречување на инфекција, велат авторите на студијата. Други консумирале пијалоци како урина од крави. Ваквото однесување би можело да има сериозни последици по здравјето на овие луѓе, предупредуваат научниците. Научниците заклучуваат дека зависи од меѓународните тела, владите и социјалните мрежи да се борат со епидемијата на лажни информации. Технолошките компании кои управуваат со социјалните мрежи се критикувани дека реагираат бавно и недоволно на проблемот, а законодавните тела исто така се бавни за регулирање на одговорноста за ширење лажни вести. Според студијата спроведена од Би-Би-Си, пронајдени се врски помеѓу дезинформациите за вирусот и нападите, подметнување пожар или смрт. Гласини од интернет во Индија доведоа до напади, во Иран до масовни труења Гласините што се шират на Интернет во Индија доведоа до напади врз жртви или масовни труења во Иран. Телекомуникациските инженери доживеале закани и биле нападнати, а телефонските столбови биле запалени поради теориите на заговор што се ширеле преку Интернет. Социјалните мрежи им овозможиле на измамниците да ја искористат пандемијата со продажба на неефикасни антивирусни агенси, така што луѓето плаќале пари за „чудесни минерални препарати“ и добиле разредено белило. Како што се приближува денот кога ќе се појават на пазарот првите вакцини против коронавирус предизвикани од ковид-19, противниците за вакцинирање би можеле да ги убедат луѓето да не се вакцинираат преку социјалните медиуми. Придобивките од вакцинацијата може да бидат поткопани со дезинформации, предупредуваат лекарите.

Емотивно видео кое мора да го погледнете: Крава одгледала куче, по 2 години пробале да ги разделат- ова е епилогот

Катерина Бојаџиева — Fri, 22 Mar 2019 22:12:27 +0000

Откако мајката на малото кутре Роки умрела набрзо по породувањето, една крава сама го одгледала сирачето. Две години живееле заедно- јаделе, си играле, спиеле еден покрај друг во шталата. Роки секаде ја следел кравата, но фармерот решил да ја подари кравата на друг фармер во близина. Тоа многу го погодило Роки. Тој лаел, плачел, одбивал да јаде и го минал денот чекајќи мајка му да се врати. Во еден момент, Роки дури и истрчал од фармата да го следи гласот на кравата додека мукала од својата нова штала. На крајот, фармерот се предомислил и решил да ја зарджи кравата заради животинчето кое ја сака. Погледнете го ова преемотивно видео.

Трогателната приказна за чистата љубов меѓу кученцето и кравата (ВИДЕО)

Ивана Ефремовски — Fri, 22 Mar 2019 08:03:39 +0000

Животните, а особено кучињата, знаат да сакаат поискрено, попосветено, поневино и подлабоко од луѓето – тоа е безброј пати докажано. А оваа приказна од кинеското секојдневие е уште еден доказ за таа непобитна вистина. Кутренцето од видеото подолу било “посвоено“ од кравата која е на снимката, која го прифатила и гледала како да му е мајка. Малиот толку многу е приврзан за неа, што кога газдата еднаш решил да ја изнесе кравата од шталата каде што живеела со кучето, тоа почна да плаче како мало дете. Погледнете го цело видео кое гарантирано ќе ве трогне до солзи.

Умртвена крава „удрила“ работник в лице

Дарко Андоновски — Sat, 23 Feb 2019 09:15:41 +0000

Вработен во кланица во јужниот германскиот град Ален се здобил со повреди во главата, откако „го удрила“ умртвена крава, соопшти локалната полиција. Во полициското соопштение се посочува дека кравата била усмретна „согласно прописите“ и закачена на кука во кланицата со цел да почне обработката на нејзиниот месо. Но, кога повредениот 41-годишен работник се доближил до крвата, таа го „удрила со нога в лице“. Надлежните во кланицата објаснуваат дека најверојатно „ударот“ би последица на „нервен импулс“, што не е невообичаена појава кај умртвени животни.

(ФОТО) Крава излезе на чист воздух на „Партизанска“

Ристе Здравков — Wed, 05 Dec 2018 11:23:37 +0000

Утрово, на булеварот „Партизански одреди“ кај кружниот тек во Влае, учесник во сообраќајот беше и крава која шеташе по улицата. На социјалните мрежи се шегуваат дека таа излегла на чист воздух, откако загаденоста се намали. Други, пак, пишуваат дека кравата била толку брза што ниту едно возило не можело да ја помине. Извор: skopje1.mk

Зад ова видео се крие многу тажна приказна: Зошто оваа крава секој ден доаѓа на исто место?

Ивана Ефремовски — Wed, 18 Apr 2018 12:16:13 +0000

Во Индија постои една крава која секој ден доаѓа на едно исто место, пред еден ист автобус. Пред четири години, тој автобус и го убил единственото теле кое некогаш го имала. Не доаѓа да тагува. Доаѓа да го запре автобусот. Секогаш кога ќе наиде, застанува пред него, го напаѓа, а не запира ниту едно друго возило. Понекогаш само го успорува, а понекогаш целосно го запира автобусот, но оваа мајка не се откажува. Се обиделе да ја променат бојата на автобусот, но најверојатно чувствува дека е истиот. Велат дека ако со нејзиното однесување спречи друго животно да настрада како нејзиното дете, тогаш сето она што го прави е воодушевувачко.