кредит – Kurir.mk

Со туѓа лична карта сакал да земе кредит, приведен измамник во Скопје

Ивана Ефремовски — Fri, 03 Nov 2023 09:11:42 +0000

На 02.11.2023 околу 09.30 часот во Скопје, полициски службеници од Полициската станица Чаир го лишиле од слобода Х.З.(45) од с.Крушопек, скопско. Тој се сомничи дека одзел лична карта на лице од скопско село и во филијала на финансиско друштво на подрачје на Бутел се обидел да земе кредит, претставувајќи се дека е лицето, но од вработените бил забележан дека лажно се претставува. Тој бил приведен во полициска станица и по целосно документирање на случајот, во координација со јавен обвинител, против него ќе биде поднесена соодветна пријава.

Се обидел да добие кредит со лична карта од брат му, кривична пријава за измама

Ивана Ефремовски — Thu, 27 Apr 2023 11:50:09 +0000

Единицата за економски и компјутерски криминал при СВР Скопје поднесе кривична пријава против Ш.Б.(39) од с.Арачиново, Скопје, поради постоење основи на сомнение за сторено кривично дело „измама при добивање кредит или друга погодност" по член 249 од Кривичниот законик. На 09.12.2022 пријавениот ја употребил личната карта на брат му и се обидел да доведе во заблуда вработен во финансиско друштво и на тој начин да подигне кредит во негово име. Лицето не успеало во намерата и по преземени мерки му е поднесена пријавата.

Со фалсификувани документи подигнала кредит, кривична пријава против скопјанка

Ивана Ефремовски — Tue, 14 Feb 2023 12:44:20 +0000

Единицата за економски и компјутерски криминал при СВР Скопје поднесе кривична пријава против А.С.(33) од Скопје, поради постоење основи на сомнение за сторено кривично дело „измама при добивање кредит или друга погодност" по член 249 од Кривичниот законик. Пријавената, во текот на 2018 година, во три различни банки приложила фалсификувана документација, лажно прикажувајќи дека е кредитоспособна и дека е во редовен работен однос во Министерството за транспорт и врски и на тој начин успеала да ги доведе во заблуда службените лица од трите банки да ѝ одобрат кредити. На тој начин пријавената се стекнала со противправна имотна корист во вкупен паричен износ од 907.561 денари, измамувајќи ги банките за паричен износ од 300.000, 307.561 и 300.000 денари.

Велешанка пријавила дека некој друг во име на нејзиниот сопруг подигнал кредит од 1.500 евра

Тале Кристо — Tue, 07 Feb 2023 16:26:55 +0000

На 06.02.2023 во СВР Велес, 42–годишна жена од Велес пријавила дека едно лице ги искористило личните податоци на нејзиниот сопруг и подигнало кредит од финансиското друштво во висина од 90.000 денари. Се работи на расчистување на случајот.

Кавадарчанец пријавил во полиција дека некој друг земал кредит во негово име

Тале Кристо — Fri, 27 Jan 2023 11:35:48 +0000

Кавадарчанец пријавил во полиција дека некој друг земал кредит во негово име, информираше денеска портпаролот на СВР Велес Ристе Самарџиев. – Вчера во 10.00 часот во Полициската станица во Кавадарци, кавадарчанецот Р.Л.(44) пријавил дека на 25 јануари добил телефонски повик од финансиско друштво дека има рата за плаќање кредит. Според пријавеното, тој не аплицирал за кредит во финансиско друштво, по што сфатил дека неговите лични податоци биле злоупотребени, појасни Самарџиев. Се преземаат мерки за расчистување на случајот.

МФ: Измени на Законот за финансиски друштва за заштита на граѓаните, се дефинира максималниот износ на трошоци за кредит

Ивана Ефремовски — Wed, 28 Dec 2022 08:53:12 +0000

Поголема заштита на граѓаните, кои користат услуги на финансиските друштва и зголемување на довербата во финансиските друштва се дел од целите на измените на Законот за финансиските друштва, што ги предложи Министерството за финансии, а ги усвои Владата на последната седница. Со измените на Законот за финансиските друштва во насока на заштита на потрошувачите, кои се корисници на услугите од овие друштва, се утврдува максималниот износ на сите трошоци поврзани со кредитот, се укинува можноста за земање кредит за затворање на претходно доспеан кредит во исто финансиско друштво, а се укинува и можноста трговските друштва кои поседуваат дозвола или лиценца согласно Законот за игрите на среќа и за забавните игри да можат да бидат кредитни посредници на финансиско друштво, односно да нудат кредитни производи. Предложените измени предвидуваат финансиското друштво да не може да склучи договор за потрошувачки кредит, ако трошоците кои не влегуваат во годишната стапка на вкупни трошоци надминуват 60% од износот на одобрениот кредит. Надоместоците се однесуваат на сите трошоци што потрошувачот ги плаќа или има обврска да ги плати во текот на целиот период на важност на договорот, а кои произлегуваат или на било каков начин се поврзани со договорот за потрошувачки кредит или поврзани услуги. Исклучок од ова се трошоците настанати во постапка за извршување и законската казнена камата. Финансиското друштво ќе има обврска задолжително транспарентно и јавно да го објави тарифникот со надоместоците на својата интернет страница или да го истакне на видливо место во своите работни простории. Со новиот предлог закон, финансиските друштва ќе треба да воспостават систем за управување со кредитен ризик, кој се однесува на загуба на финансиското друштво поради неможност клиентот да ги намирува своите обврски во договорениот износ или рокови. Законот го зајакнува и надзорот врз работењето на финансиските друштва, по примерот на останатите регулатори (како на пример Народната банка и Комисијата за хартии од вредност), а за што ќе биде пропишан и донесен посебен правилник. Исто така, предвидени се и глоби од 8.000 до 10.000 евра за непочитување на законските одредби. Дополнително, измените се и во насока на зајакнување на регулаторната рамка за работење на финансиските друштва на пазарот во Република Македонија, а во насока финансиските друштва да претставуваат сериозни финансиски институции кои нудат алтернатива на банакарското работење, а не само друштва кои нудат краткорочни кредити на населението. Позначајни промени во оваа насока се зголемување на износот на основната главнина за основање на финансиското друштво од 100.000 евра на 500.000 евра, при што таа не може да биде обезбедена од заеми или кредити, да има најмалку двајца вработени, управителот да биде вработен во финансиското друштво и да поседува репутација. Законските измени пропишуваат дека дозволата ќе му биде одземена на финансиското друштво ако во рок од една година му се изречат две мерки, односно глоба или привремена забрана за вршење активност. Со законските измени се доуредува и финансиската активност – факторинг. Измените на Законот произлегоа од потребата за зајакнување на регулаторните барања и стандарди кои треба да ги исполнуваат финансиските друштва, чиј број значително се зголеми, а се зголеми и бројот на корисници на потрошувачките кредити што тие ги издаваат.

СО ТУЃА ЛИЧНА КАРТА ЗЕМАЛА КРЕДИТ – скопјанка заработи кривична пријава, еве ги деталите

Дарко Андоновски — Wed, 14 Dec 2022 13:39:19 +0000

Единицата за економски и компјутерски криминал при СВР Скопје поднесе кривична пријава против И.И.(54) од Скопје осомничен за сторени кривични дела „измама при добивање на кредит или друга погодност” по член 249 и „злоупотреба на лични податоци” по член 149 од Кривичниот законик. – На 04.11.2022 во финансиско друштва во Скопје, пријавената поднела документи за добивање кредит и притоа употребила лична карта на друго лице и се потпишала на апликацијата за кредит во име на другото лице на кое гласела личната карта, соопштија денеска од МВР. Притоа, појаснуваат од МВР, вработеното лице во финансиското друштво се посомневала во идентификацијата на пријавената и повикала полициски службеници од Единицата за економски и компјутерски криминал, кои по преземените мерки и активности и документирање на настанот изготвиле кривична пријава.

Ќе одговараат 3 лица: Подигнале кредит во име на човек кој не побарал да земе пари

Ивана Ефремовски — Wed, 26 Oct 2022 15:04:29 +0000

СВР Тетово поднесе кривична пријава против А.А.(25) од село Јеловјане, тетовско, вработен во правно лице - финансиско друштво поради постоење основи на сомнение за сторено кривично дело „злоупотреба на лични податоци“ и против Ф.Д.(31) и Е.Б.(33) од село Мала Речица, тетовско, поради постоење основи на сомнение за сторено кривично дело „несовесно работење во службата“. Првопријавениот, со лична карта на лице од село Раотинце, без негово знаење подигнал готовински кредит во финансиското друштво во Тетово, додека останатите пријавени како вработени во финансиското друштво му овозможиле да ги злоупотреби податоците и да го подигне кредитот со туѓа лична карта.

Скопјанка со лажни документи измамила банкари, и дале кредит од 600.000 денари

Магдалена Андонова — Wed, 26 Oct 2022 12:47:17 +0000

СВР Скопје информира дека е поднесена кривична пријава против А.О.(52) од Скопје поради постоење основи на сомнение за сторени кривични дела „употреба на исправа со невистинита содржина" по член 380 и „измама при добивање кредит" по член 249 од Кривичниот законик. Како што информираат од МВР, пријавената, со намера лажно да прикаже дека е кредитоспособна, при аплицирање за одобрување потрошувачки кредит во една банка приложила лажна потврда за вработување и лични примања, наводно издаден од јавна здравствена установа од Скопје. На тој начин ги довела во заблуда одговорните лица во банката да и одобрат ненаменски потрошувачки кредит во износ од 600.000 денари.

Кредитирањето на домаќинставата зголемено за 7,6 отсто, раст кај станбените кредити

Ивона Петрова — Fri, 21 Oct 2022 10:44:02 +0000

Кредитите на домаќинствата во септември се зголемени за 0,7% на месечно ниво. Во споредба со истиот месец претходната година, кредитите на домаќинствата се повисоки за 7,6%, како резултат на зголемените кредити во денари и во странска валута, со малку поизразен придонес на кредитите во денари, покажуваат податоците на Народната банка. Во септември, гледано според намената на кредитите одобрени на физичките лица, кај потрошувачките и станбените кредити, како најзастапени категории, е забележан месечен раст од 0,8% и 0,9%, соодветно, при годишен раст од 6,7% и 12,9%, соодветно.

Според ревидираните податоци, кај автомобилските кредити е остварен месечен пад од 0,5%, при годишен раст од 0,8%. Кредитите одобрени на кредитни картички бележат месечен и годишен пад за 0,1%, соодветно, додека негативните салда на тековните сметки се намалени за 2,0% на месечна основа, а се непроменети на годишна основа. Кредитите одобрени врз други основи се пониски за 1,2% на месечно ниво и 17,1% на годишно ниво.са Кредитите на корпоративниот сектор, остварија месечен раст од 1,1%, а годишен од 12,6%. Нагорната промена по двете основи се должи на зголеменото кредитирање во денари и во странска валута, со малку поголем придонес на кредитите во странска валута.