кредитни картички – Kurir.mk

Нова одлична можност за корисниците на Diners Club кредитна картичка!

Super Admin — Fri, 06 May 2022 10:28:19 +0000

Diners Club Македонија воведува нова Cashback онлајн програма со која на своите членови им овозможува поврат на готовина на трансакциите направени на некои од најпопуларните онлајн сервиси. Корисниците на Diners Club картичка може да се приклучат на Cashback програмата на следниот линк: https://dinerscashback.mk/mk и да остварат поврат на готовина на трансакциите направени на Booking, Udemy, AliExpress, eBay, Rentalcars и многу други сервиси.

„Следејќи ги меѓународните трендови за картично работење, проактивно ги прилагодуваме и унапредуваме производите и услугите, па така заменувањето на постоечката програма за лојалност со новата Cashback програма за нас е логичен чекор во збогатувањето на корисничкото искуство на нашите членови“ – велат од Diners Club Македонија.

Воедно тимот на Diners најавува и наскоро проширување на програмата со нови странски и домашни онлајн продавници каде членовите ќе можат да остварат поврат на готовина. Како носители на првата достапна кредитна, а воедно и платежна картичка во земјата, Diners Club Македонија повеќе од две децении им нуди бројни придобивки во купувањето на своите членови и поголема флексибилност во управувањето со нивниот личен буџет. За да дознаете повеќе и да аплицирате за Diners Club картичка посетете ја нивната официјална веб страна.

Амазон прекинува да прифаќа плаќања со Visa кредитни картички од Британија

Тале Кристо — Thu, 18 Nov 2021 07:28:35 +0000

Амазон соопшти дека ќе престане да прифаќа Visa кредитни картички издадени во Велика Британија поради спор околу таксите. Гигантот за онлајн трговија објави во соопштение дека кллиентите нема да може да ги користат британските кредитни картички кон американската компанија за да вршат плаќања од 19 јануари, обвинувајќи ги високите такси што ги наплаќа Visa за обработка на трансакциите. Сепак, купувачите ќе можат да користат Visa дебитните картички и други кредитни картички, вклучувајќи ги Mastercard и American Express. Во соопштението се сугерира дека кредитните картички Visa издадени во други земји ќе продолжат да се прифаќаат. Visa изрази силно разочарување што Амазон се заканува да го ограничи изборот на потрошувачите во иднина.

Благајник запомнил податоци од 1.300 кредитни картички, па крадел од парите

Ивона Петрова — Wed, 11 Sep 2019 06:42:42 +0000

Благајник од Токио користејќи го своето „фотографско паметење“, успеал да запомни податоци од кредитни картички на 1.300 купувачи, со цел – да краде од нивните пари. Засега неидентификуваниот маж, работел скратено работно време во шопинг-центар. Бил фатен минатата седмица, откако со туѓа картичка преку интернет купил чанта вредна 2.600 долари, јави Си-Eн-Eн. Човекот е в притвор и не се знае дали има ангажирано адвокат.

Внимателно: Места на кои не би требало да користите кредитни и дебитни картички

Александар Михаилов — Fri, 22 Dec 2017 12:11:57 +0000

Кредитните и дебитните картички одамна ја заменија готовината која и понатаму е најсигурниот облик на плаќање. Без разлика на заштитата, сѐ почесто доаѓа до злоупотреба на картичките. Освен физичката кражба на кредитните и дебитните картички, често се случуваат и кражби на податоците од картичките на Интернет или со помош на електронски уреди кои криминалците ги поставуваат на банкоматите и други уреди. Погледнете на кои места не би требало да користите кредитни и дебитни картички. 1. Банкомати кои се оддалечени од банката Експертите препорачуваат да се користат само банкомати кои се наоѓаат во банките или во нивна непосредна близина, бидејќи оние оддалечените на изолирани места се мамка за криминалците. Во нив е полесно да се постават уреди за кражба на податоците, бидејќи не се под постојан надзор. 2. Улични станици за полнење на мобилниот Кога патувате во странство, можете да наидете на киосци за полнење на батеријата на телефонот. Во некои градови таа услуга е бесплатна, но таму каде што не е, мора да платите со кредитна картичка. Освен што може да ги украдат податоците од картичката, познато е дека можат да ги симнат и податоците од вашиот мобилен. 3. Десктоп и мобилни апликации Бидете внимателни при купувањето надвор од официјалната продавница со апликации или официјалната програма. Сигурно веќе сте имале прилики да видите поп-ап прозорци кои ви бараат да уплатите одредена сума пари за да го отстраните вирусот или да ги отклучите вашите документи, но не наседнувајте на такви барања, бидејќи е во прашање измама. 4. Непроверени онлајн веб-сајтови за купување Можеби сте помислиле дека веќе го знаете ова, но не е штетно да повториме колку е опасно оставањето на податоците од својата картичка на веб-сајтови чија сигурност претходно не сте ја провериле. Секогаш внимавајте на вашите лични податоци, како ги користите и на кој начин ги споделувате, а овие лични податоци никако не треба да ги испраќате преку текстуална порака.