крем – Kurir.mk

Крем супа со тиквички: Зачинето топло јадење со прекрасен вкус

Ристе Здравков — Tue, 04 Apr 2023 07:42:24 +0000

Состојки: 2 помали тиквички прстофат мелен ким прстофат мелено морско оревче 1 лажица сечкан власец 1 лажичка сечкан магдонос 1 лажичка сецкан копар 1 литар бујон од зеленчук 1 крем за готвење 2 лажици рендан пармезан 1 чешне лук 1 кромид 1 лажица брашно 2 кришки бајат леб Подготовка: Кромидот исечкајте го и пржете го во маслиново масло. Додадете ги сечканите тиквички и динстајте додека малку да омекнат. Истурете го бујонот и варете додека тиквичките целосно не омекнат. Се меша кремот за готвење со брашно, се додава кимот, морското оревче, магдоносот, копарот, власецот, ситно сечканиот лук и пармезанот. Тргнете ги тиквичките од оган и изматете ги со миксер. Додадете ја павлаката со зачините и варете уште 5 минути. Сол и бибер по вкус. Парчињата леб исечкајте ги на коцки и пржете ги на малку масло додека не поруменат. Се ставаат во супа пред сервирање.

Никогаш повеќе нема да купите Нутела: Направете сами вкусен крем од лешници и чоколадо

Ивана Ефремовски — Sun, 31 Jan 2021 13:10:05 +0000

Пробајте го рецептот за вкусен крем од лешници и чоколадо. Потребно ви е: 300 мл слатка павлака 2 пакетчиња ванилин шеќер Неколку капки ванила 200 г пржени лупени лешници 230 г млечно чоколадо 2 лажици какао 75 г масло Начин на подготовка: Смелете ги лешниците и исечкајте го чоколадото. Во сад ставете слатка павлака, ванилин шеќер и неколку капки ванила. Варете го додека да почне да врие за да се растопи чоколадото. Додајте ги лешниците и варете на умерена температура околу 10 минути со постојано мешање. Тргнете од оган, па промешајте за да добиете убав крем. Кремот од лешници повторно вратете го на оган. Додајте масло, чоколадо и какао и мешајте додека да се растопи чоколадото. Оставете го да се излади, а потоа истурете го во тегла, затворете и оставете го да отстои преку ноќ.

Погрешно ги нанесувате спрејот и кремата за сончање: Правите грешка која може да ви го доведе здравјето во опасност

Ивана Ефремовски — Sun, 28 Jul 2019 11:56:12 +0000

Дали користите спрејови за прскање и креми за заштита од штетни сончеви зраци? Важно е да знаете како да ги нанесете правилно, така што заштитата навистина функционира. Повеќето луѓе не нанесуваат доволна количина. Спреј треба да се нанесува на кожата во изобилство, сè додека не стане видлива на површината на кожата. После тоа, треба да се нанесуваат дополнително и препорачливо е да се примени неколку пати на ден, бидејќи поради сонцето повеќе се потиме. Спреј треба да се нанесува на лицето или на телото околу шест секунди, така што заштитата е соодветна. На пример, за само две, три секунди, со примена на спреј до фактор 30, добивате заштита како да сте ставиле фактор од 15, објасни дерматолог д-р Раман Мадан. Така правите голема штета и си го доведувате здравјето во опасност. Можете да изгурите мислејќи дека сте ставиле доволен фактор. Болестите кои може да ги фати кожата при големо изложување на сонце, без добра заштита, сигурно веќе ги знаете. Нанесете го лосионот дома пред да одите на сонце. Намачкајте се убаво, низ целото тело, а од кремата оставете и слој. Задолжително понесете ја и со вас на плажа, процесот мора да се повтори. Кога станува збор за заштита на лицето, никогаш не нанесувајте директно од кремата, а посебно не од спрејот. Ќе вдишете во нос честички кои може да бидат штетни. Нанесете на дланките, па размачкајте на лице откако ќе истриете.

Сладок крем од тиква

Ивона Петрова — Fri, 18 Jan 2019 11:11:40 +0000

Подготовката на овој вкусен и декоративен крем од тиква е многу едноставна … Потребно е: 200 г пире од печена тиква 100 мл сок од портокал изрендана кора од 1 портокал 2 г желатин 300 мл слатка павлака 2 лажици мед цимет во прав гранола, за посипување Подготовка: – Сокот од портокал загрејте го и во него растопете го желатинот. Додадете го пирето од тиква, медот и циметот. Оставете го да се излади. – Одвоите малку од смесата и тргнете ја на страна. – Изматете ја слатката павлака и постепено додадете ја во изладената смеса. – Добиениот крем распоредете го во чаши за сервирање и тоа прво ставете од делот што го одвоивте без слатка павлака (тоа е потемниот долен дел што се гледа во чашите), а потоа тој со слатката павлака и ставете ги во фрижидер да се изладат убаво. – Пред да го послужите кремот одозгора посипете со гранола или пак со препечени ливчиња бадеми. МИА

Штрудла со крем од ванила

Ивона Петрова — Tue, 25 Dec 2018 10:44:00 +0000

Многу вкусен кремаст колач кој лесно и брзо ќе го подготвите …

Потребно е: 500 гр кори за пита

за филот за корите: 3 поголеми јајца 3 лажици шеќер 200 мл масло 1/2 чаша (од 200 мл) пченичен гриз 1 кесичка прашок за пециво малку изрендана кора од лимон 200 мл јогурт

за филот за штрудлата: 2 л млеко 20 лажици шеќер 6 пудинзи од ванила

Подготовка: – Најпрво сварете ги пудинзите во млекото (како на упатството на кесичките). Оставете ги да се изладат со повремено мешање, за да на се фати коричка.

– Изматете ги јајцата со шеќерот и додадете ги маслото, гризот помешан со прашокот за пециво, јогуртот и кората од лимон.

– Преброите колку има кори и поделете ги на 4 дела, така да добиете 4 штрудли.

– Почнете со редење на корите. На првите три ставете по 3-4 лажици од филот за корите, а ма четвртата ставете од врелиот пудинг (филот за штрудлата) и замотајте. Истата постапка повторете ја со преостанатите кори.

– Штрудлите премачкајте ги со преостанатиот фил за корите, наредете ги во тава на хартија за печење и ставете ги да се печат во загреана рерна на 180 целзиусови степени околу 25-30 минути.

– Почекајте да се излади, исечете ја на парчиња и посипете со шеќер во прав

Лесна, кремаста салата од компири (ВИДЕО)

Ристе Здравков — Wed, 17 Oct 2018 14:26:56 +0000

Направете сочна и кремаста салата од компири која се прави за максимум 10 минути. Потребни состојки: Малку повеќе од килограм млади компири 1 ½ шолја мајонез Убаво исечкан виолетов кромид 1 лажичка сенф 1 лажичка сок од лимон ¼ шолја ситно исечкани кисели краставички ½ лажичка пипер 4 тврдо варени јајца, исечкани ¼ шолја ситно исечкан власец (може да го замените со млад лук или кромид) Малку бибер Марула, по желба, за сервирање

Триаголници со крем банани

Ристе Здравков — Tue, 16 Oct 2018 13:38:54 +0000

Вкусен чоколаден десерт со крем банани кој ќе ги израдува сите генерации. СОСТОЈКИ: неколку крем банани 300 гр мелени бисквити или плазма 50 гр маргарин 1 чоколадо за готвење 1 лажица какао 100 мл вода 250 гр шеќер ПОДГОТОВКА: Mелените бисквити, маргаринот и шербетот(водата и шеќерот ги мешаме на оган да се згуснат) ги ставаме во сад, а откако ќе се соединат ставаме во калап со форма на триаголник. На средината ставаме од бананите кои претходно сме ги исекле на ситни парчиња. Откако ќе се стврдне во фрижидер, над ролатот ставаме чоколадо за готвење кое сме го растопиле заедно со какаото.