крема – Kurir.mk

Залудно ставате спреј и крема за сончање ако ги правите ОВИЕ ГРЕШКИ

Ивана Ефремовски — Fri, 07 Jul 2023 18:21:42 +0000

Дали користите спрејови за прскање и креми за заштита од штетни сончеви зраци? Важно е да знаете како да ги нанесете правилно, така што заштитата навистина функционира. Повеќето луѓе не нанесуваат доволна количина. Спреј треба да се нанесува на кожата во изобилство, сè додека не стане видлива на површината на кожата. После тоа, треба да се нанесуваат дополнително и препорачливо е да се примени неколку пати на ден, бидејќи поради сонцето повеќе се потиме. Спреј треба да се нанесува на лицето или на телото околу шест секунди, така што заштитата е соодветна. Така правите голема штета и си го доведувате здравјето во опасност. Можете да изгорите мислејќи дека сте ставиле доволен фактор. Болестите кои може да ги фати кожата при големо изложување на сонце, без добра заштита, сигурно веќе ги знаете. Нанесете го лосионот дома пред да одите на сонце. Намачкајте се убаво, низ целото тело, а од кремата оставете и слој. Задолжително понесете ја и со вас на плажа, процесот мора да се повтори. Кога станува збор за заштита на лицето, никогаш не нанесувајте директно од кремата, а посебно не од спрејот. Ќе вдишете во нос честички кои може да бидат штетни. Нанесете на дланките, па размачкајте на лице откако ќе истриете.

НАНЕСУВАЈТЕ ЈА ОВАА МАСТ 5 НОЌИ ПО РЕД Сите темни дамки и мозолчиња ќе исчезнат од вашето лице

Ристе Здравков — Fri, 09 Sep 2022 17:42:53 +0000

Оваа природна маска е многу ефикасна за кожата. Го чисти, ја намалува видливоста на лузните, го храни и ја намалува можноста за појава на брчки Сите сакаме да имаме што е можно поубава кожа, особено кожата на лицето. Многумина од нас имаат проблеми со кожата, а најчести од нив се акните. Потребни состојки: 1 капсула витамин Е 1 таблета витамин Ц розова вода Начин на подготовка: Најпрво здробете ја таблетата со витамин Ц, а потоа додадете ја капсулата со витамин Е и добро измешајте. Откако убаво ќе се измеша додадете 23 капки розова вода. Сето тоа повторно измешајте го додека не добиете фина смеса. Добиената маска нанесете ја со кружни движења. Избегнувајте ги областите околу устата и очите. Подготвената маска се препорачува да се нанесува навечер, пред спиење. Наутро исплакнете со вода. По неколку апликации, ќе забележите позитивни резултати. Покрај тоа, за да бидете здрави и да имате здрава кожа, секако, јадете многу овошје и зеленчук и пијте многу вода.

НАПРАВЕТЕ СИ САМИ КРЕМА ЗА САМОПОТЕМНУВАЊЕ: Поздрава и поевтина алтернатива за постигнување на егзотичен летен тен

Магдалена Андонова — Mon, 27 Jun 2022 20:43:57 +0000

Несомнено е дека лажниот тен е попожелен од лежењето на сонце или во солариум, каде што постои ризик од оштетување на кожата. Во тој случај, многумина прибегнуваат кон производи за самопотемнување. Истражувавме како тие функционираат, дали формулата е безбедна, како и најдобрите алтернативи за вашето лице и тело. Како функционираат тие? Активната состојка во сите производи за заштита од сонце е дихидроксиацетон. Исто така познат како DHA, ова е едноставен јаглехидрат кој може да се добие или хемиски или од природни извори како што се цвекло и шеќер од трска. Кога нанесувате производ кој содржи DHA, тој реагира со амино киселините во горниот слој на вашата кожа. Ова создава пигменти наречени меланоидини, кои изгледаат кафеави бидејќи апсорбираат одредени бранови должини на светлина. Овој процес е познат како „Мајлард реакција“. Почнува во рок од два до четири часа по нанесувањето на средството за самопотемнување и трае до 72 часа. Добиениот тен може да трае до 10 дена, но ќе почне да бледне во рок од три до седум дена бидејќи природно ги отстранувате мртвите клетки од кожата. Дали се безбедни? Потемнувањето без сонце е безбеден и безопасен начин за постигнување тен. За разлика од сончањето и лежалките, „самопотемнувањето“ не вклучува изложување на УВ светлина, штетно зрачење кое може да предизвика рак на кожата. Повеќето производи за самопотемнување содржат навлажнувачки состојки кои ја одржуваат кожата здрава и еластична. Тие не предизвикуваат стареење на кожата, воспаление и црвенило бидејќи не вклучуваат изложување на УВ зраци. Иновации Навлажнувачите за самопотемнување го имаат истиот ефект како хидратантните креми, но во исто време создаваат постепено и привремено „потемнување“ кога се нанесуваат. Кремите за сончање со додаток на „самопотемнување“ ја штитат кожата од штетните УВ зраци, користејќи УВ филтри, како и секоја нормална крема за сончање. Разликата е во тоа што тие создаваат сјај во исто време, без разлика на сончевата светлина, бидејќи содржат или DHA или еритролоза. Направете сами Обидете се да направите природен само-потемувач дома, кој не само што ќе ви заштеди пари, туку и ќе ви овозможи да контролирате што точно ставате на вашата кожа. - 1 шолја лосион со добар квалитет, без мирис - 1 до 2 лажици какао за печење - 8 до 10 капки есенцијално масло од темјан и мала тегла Во лосионот додадете го какаото и убаво измешајте. Потоа, додадете етерично масло од темјан, кое има антисептички, антигабични, антибактериски, антимикробни и антиинфламаторни својства. Домашната крема за самопотемнување ставете ја во тегла, затворете ја и чувајте ја на ладно и суво место. По пилингот, исушете ја кожата и нанесете ја кремата.

ДАЛИ ЗНАЕТЕ ШТО ЗНАЧАТ БРОЈКИТЕ НА КРЕМИТЕ ЗА СОНЧАЊЕ? Сите мислат дека заштитен фактор 50 е најјак, дерматолог ја открива вистината!

Ристе Здравков — Thu, 23 Jun 2022 18:01:48 +0000

Пред да започнете со сончање, важно е да го купите вистинскиот крем за сончање и да го користите правилно. Кога купувате крема за сончање, на амбалажата гледате „SPF 50“ и мислите дека тоа е најсилната заштита со која нема шанси да се изгори. Сепак, тоа не е точно. Тоа е највисоката заштита што постои, но доколку не ја применувате редовно, тогаш сте во голем ризик. Што значи фактор 50? „Тоа значи дека производот ве заштитува од 98 проценти од УВБ зраците кои доаѓаат во контакт со вашата кожа. Нивоата на заштитен фактор отсекогаш им задавале проблем на клиентите. Некои мислат дека бројот на заштитен фактор одговара на минутите што можете да ги поминете на сонце по нанесувањето, а некои мислеа дека етикетата го покажува нивото на заштита“, вели дерматологот и открива: “СПФ бројот технички покажува колку минути можете да бидете на сонце без да изгорите. Има проблем кој не го зема предвид типот на кожата, пливањето, сончањето, потењето и УВ индексот за тој ден. Заштитните креми можат да бидат ефективни до 40 минути на сонце или до 80 минути во вода. Луѓето мора да ги нанесуваат на секои два часа“, предупредува дерматолог. Што да барате на етикетите на кремите за сончање? За да си обезбедите соодветен заштитен фактор, треба да обрнете внимание на декларацијата. “Постојат два вида креми за сончање: минерални и хемиски. Хемиските содржат состојки кои ги апсорбираат УВ зраците, а минералните ги одбиваат. Доколку имате чувствителна кожа, склона на иритации, изберете минерални”, вели дерматологот.

Оваа состојка е многу штетна: Веднаш прочитајте ја содржината на вашите креми

Ивана Ефремовски — Tue, 16 Nov 2021 13:28:18 +0000

Хемикалиите кои се ставаат во козметичките производи се наменети за продолжување на рокот на траење, а воедно се и многу штетни за нашето здравје. Што се парабени? Тие денес се синоним за опасност и сериозна болест. Тоа е причината зошто познатите компании гласно нагласуваат дека нивните производи се без парабени. А што се всушност парабени и зошто се наоѓаат во нашите козметички производи? Парабените се хемиски конзерванси кои се користат за да го продолжат рокот на траење на козметичките производи и да спречат раст на микроорганизми. Во козметиката започнале да ги користат во 30-тите години од минатиот век. Од тогаш тие се наоѓаат во шампоните, кремите, кармините…. Немаат боја, вкус, ниту мирис. Производители ги сакаат бидејќи се евтини и овозможуваат нивните производи подолго да траат. Но, човековото здравје не ги сака. Бројни истражувања покажуваат дека парабените се многу штетни, а било спроведено и големо истражување кое ја вознемирило светската јавност. Имено, тоа било првото истражување кое ги поврзало парабените и ракот на дојка. Научниците напоменуваат дека е потребно да се спроведат дополнителни истражувања за да се открие точната поврзаност на оваа опасна хемикалија и развојот на канцерогени клетки. Поради „лошиот углед“ парабените во последните години се избегнувани од производителите. Некои научници предупредуваат дека и производите на кои пишува дека не содржат парабени треба внимателно да се користат.

Овие работи МОРА да ги знаете за кремот за сончање, некои ваши претпоставки се погрешни

Ивана Ефремовски — Wed, 14 Jul 2021 20:27:10 +0000

Еден од главните совети е дека кремот за сончање треба да се нанесува на секои два часа. Без заштитен крем, на сонце може да изгорите за само 10 минути. Треба да сфатите дека кремите со заштитен фактор не се само миризлива течност, туку препарат кој ќе го заштити вашето здравје од злокобни болести, но и кожата од предвремено стареење. Еве пет факти што секој треба да ги знае за кремите за сончање:

Кремите за сончање на СИТЕ им се потребни. Не е важно дали имате светол тен и дали веќе сте малку исончани. Кремите за сончање се првенствено во служба на здравјето, а не на убавината.
Најдобро е кремите за сончање да ги нанесете дваесеттина минути пред излегување на плажа и да нанесувате нов слој на секои два часа.
Водоотпорните креми не можат да пружат целодневна заштита, токму како што тоа не можат да го направи ниту еден друг крем без разлика на тоа што пишува на амбалажата. По 40 минути во вода тие го губат дејствието, па пожелно е кога ќе излезете од вода повторно да се намачкате со заштитен крем.
Факторот не ја означува „јачината“, туку „должината на траење“. Многу жени избираат пониски фактори со намера побрзо да поцрнат, но тоа е бесмислено, бидејќи факторот го означува траењето на заштитата. На пример, фактор 15 трае 150 минути, фактор 30 – 300 минути. Потоа е потребно повторно нанесување на кремот. Без крем на сонце може да изгорите веќе после 10 минути.
Кремот за сончање е неопходен и во град, но и за време на облачните денови, бидејќи облаците пропуштаат дури 80% UV зраци.

Кога купувате креми, проверете дали ги имаат ОВИЕ состојки – ќе ја обноват вашата кожа!

Магдалена Андонова — Sun, 06 Jun 2021 15:35:18 +0000

Во исто време, кожата на рацете се разликува по тоа што е ранлива и чувствителна, а нејзината природна одбрана е слаба поради малиот број на лојните жлезди. Пролетната сезона носи убаво време, но нашето тело страда од недостаток на витамини по долгата зима. Ова не е изненадувачки, бидејќи по зимата и есента, со отсуство на сонце и диета богата со свежо овошје и зеленчук, во телото се појавува авитаминоза. Недостаток на витамин може да се манифестира на многу начини, од хроничен замор до опаѓање на косата, но најчест проблем е сувата кожа, особено на рацете. За почеток, мора да запомните дека е потребно редовно миење на рацете, не само за време на пандемија, туку и воопшто. Измијте ги со благ сапун, не заборавајте да ја исушите кожата добро со крпа и да нанесете лесна крема. Исто така, важно е да се направи пилинг на кожата на рацете за да се исчисти епидермисот и да се ослободат од мртвите клетки на кожата. Бањите и сите видови маски за чистење се исто така совршени. Изберете ги оние со природни состојки за да добиете максимална корист. Сувата кожа на рацете, се разбира, треба постојано да се храни. На пролет, најдобро е да користите негување и заштитен крем за раце, а не хидратантна крема. Бидете сигурни дека кремот содржи хранливи масла, витамини А, Ц и Е, есенцијални масла и други билни состојки. Многумина од нас имаат навика да нанесуваат крема на рацете непосредно пред да излезат надвор - проверете дали поминувате барем половина час помеѓу нанесувањето на кремата и напуштањето на куќата. Со овие едноставни совети, вашата кожа ќе биде хидрирана и негувана.

Тоа е тренд во светот, а кај нас чудно: Викторија Бекам користи крем од сопствената крв

Ивана Ефремовски — Thu, 17 Jan 2019 10:09:42 +0000

Крем „од крв” е новиот козметички хит во светот, кој ефикасно го спречува создавањето на брчките и го стимулира колагенот. Модната дизајнерка и поранешната „спајсица“ Викторија Бекам (44) користи хидратантен крем направен од нејзината сопствена крв кој чини 1 200 фунти. Викторија на „Инстаграм“ им откри на своите следбеници дека кремот е производ на лекарката Барбара Стурм, која е еден од најпопуларните холивудски дерматолози, и дека во него се наоѓаат нејзините сопствени клетки. Таа мора да го нанесува кремот секој ден, за да го задржи младешкиот изглед на лицето и еластичноста на кожата. -Од детството имам лоша кожа и отсекогаш сум се обидувала да го сокријам лицето со секаков вид препарати, производи или шминка. За среќа, не треба повеќе да се грижам за тоа, неодамна призна Викторија. Бекам не е единствената која ги користи овие производи, познати клиенти кои го пробале кремот од крв беа Џада Пинкет Смит (47), Џон Малкович (65), Кејт Мос (45), Гвинет Палтроу (46) и многу други.