крематориум – Kurir.mk

Починатите од коронавирус ги полнат крематориумите во Кина

Ивона Петрова — Thu, 22 Dec 2022 20:48:55 +0000

Крематориумите низ Кина се борат да се справат со телата на починатите кои доаѓаат кај нив откако кинеската влада одлучи да ги укине строгите мерки на политиката „нулта ковид“, јавуваат повеќе светски медиуми. -Десет до дваесет луѓе стоеја надвор и чекаа додека службениците ги изнесоа ковчезите на тркала и ги извикуваа имињата на починатите, изјави новинарот Дака Канг за Би-Би-Си од Пекинг. Тој разговарал со претставници на погребалното претпријатие, кои рекле дека забележале зголемување на сообраќајот. -Еден од нив конкретно рече дека процениле дека таму се кремираат од 50 до 100 луѓе дневно, наспроти само неколку десетици во нормални денови, вели Канг. Ова не е слика само во Пекинг кој е дом на повеќе од 22 милиони луѓе, погребалните претпријатија се полни во поголем број градови. Од северо-исток до југо-запад на земјата, новинската агенција АФП објави дека работниците во крематориумите имаат потешкотии да се справат со зголемениот број на жртви. На околу 700 километри североисточно од Пекинг, во градот Шенјанг, вработен во погребна куќа рече дека телата на починатите остануваат непогребани и до пет дена. Крематориумите се „апсолутно преполнети“, вели тој. „Никогаш не сум имал ваква година. Но, Канг вели дека е невозможно да се знае точно колку е зголемен бројот на смртни случаи од Ковид. Кинеските власти соопштија дека имало само пет смртни случаи од вирусот во вторникот.

Коронавирусот коси во Индија: Властите наредија сечење дрвја во парковите за масовни кремирања

Магдалена Андонова — Mon, 26 Apr 2021 07:29:16 +0000

Поради огромниот број на починати пациенти од коронавирус во Њу Делхи и другите градови во Индија колони амбуланти чекаат на ред за да ги пренесат починатите во крематориумот, а на гробиштата нема слободни места за погреб, пренесува АП. Вирусот корона се шири со рекордна стапка во Индија, болниците, кои останале без резерви на кислород во медицината, молат добавувачи за помош, а ужалените луѓе на улица жалат за своите најмили кои починале чекајќи да бидат примени во болниците. Преполните гробишта и крематориумите се застрашувачки симбол на сегашната криза, но и показател дека здравствениот систем во Индија се распаѓа. Во болниците се почесто се случува еден кревет да го делат двајца, а понекогаш и три пациенти, објави АП. Во трката со времето, властите се обидуваат да набават дополнителни кревети, респиратори и резерви на медицински кислород.

Приватна фирма ќе отвори прв крематориум во Грција

Ивона Петрова — Thu, 03 Oct 2019 09:19:33 +0000

Во следните седмици, според грчките медиуми, се очекува да започне со работа првиот крематориум во Грција во сопственост на приватна фирма, а ќе биде отворен во областа Рицона во близина на островот Евија, jави дописничката на МИА од Атина. Приватната компанија, потребните дозволи за работа ги добила пред една година, кога и започнале подготовките за изградба на објектот и поставување на опремата. Кремирањето, според истите информации се очекува да чини 600 евра, а процените се дека годишно, би имало околу 10 илјади кремирања. Иако во последните години се спомнуваше дека општина Атина ќе го отвори првиот крематориум, а веќе е одреден просторот, одредени компании во тој дел судски го блокирале процесот, па така, Грците и понатаму за кремирање заминуваа во странство, што според грчкото друштво за кремирање чини околу 2500 евра. Најблискиот крематориум за Грците е во Софија. Според грчките медиуми, процените се дека во изминатите години, на годишно ниво имало над 4000 случаи на кремирања на лица од Грција во бугарската престолнина. МИА

ШОК: Експлодирало тело на починат во крематориум

Катерина Бојаџиева — Wed, 07 Feb 2018 11:40:56 +0000

Меѓу службениците од крематориум во британскиот град Болтон завладеала паника кога експлодирало тело во текот на процесот на кремација. Една од вработените потврдила дека тоа навистина се случило, како и дека до тоа дошло поради предметите кои членовите на семејството ги ставаат покрај телото на покојникот. -Има тука мобилни телефони, електронски цигари, алкохолни пијалоци…повеќето од нив навреме ги забележуваме и ги отстрануваме од покојникот пред кремирањето, но некогаш нешто ќе ни побегне како овој кокос и тогаш се случува тоа што се случи, рече таа.