кремирање – Kurir.mk

За влакно избегала да биде запалена: Се разбудила пред да биде кремирана, драмата не завршила тука

Дарко Андоновски — Tue, 18 May 2021 11:18:01 +0000

Стара жена од Индија за влакно избегнала да биде жива запалена откако нејзиното семејство мислело дека е умрена од коронавирус и ја спремиле за кремирање. Шакунтала Гајквад (76) пред една недела била позитивна на коронавирусот, а нејзиното семејство ја однело во болница, а поради немање на место ја вратиле дома. Додека тие чекале брза помош таа изгубила свест, а семејството мислело дека е почината, по што веднаш започнале процес на кремирање. Меѓутоа, неколку минути пред да биде запалена жената се разбудила во паника и започнала да плаче. Локалната полиција го потврдила случајот, додаваат тамошните медиуми. Подоцна таа е префрлена во болница каде се уште се лекува.

„Како да не сме во главниот град, луѓето умираат како животни“: Овде короната немилосрдно коси (ФОТО)

Магдалена Андонова — Tue, 27 Apr 2021 08:36:31 +0000

Во Индија се регистрираат стотици илјади нови случаи на коронавирус секој ден, а властите се соочуваат со ужасни проблеми. Нема повеќе кислород во болниците и нема повеќе места за чување тела во мртовечници. Се проценува дека едно лице од Ковид-19 умира во Делхи на секои четири минути, а работниците веќе не можат да ги кремираат остатоците. Чарнајев работи во крематориумот со децении, но последните недели не може да застане од работа. Тој вели дека никогаш не доживеал вакво нешто. - Никогаш не сум видел нешто толку ужасно. Само не верувам дека сум во Делхи, главниот град на Индија. Луѓето не добиваат кислород, тие умираат како животни - тврди Чернаев. Тој вели дека немаат доволно ресурси потребни за да кремираат некого. Луѓето кои работат во болници се распарчени. Многумина се борат за животот на заразените, а во исто време мораат своите најблиски кои починале од кoроната да ги испратат на вечно почивање. Една од нив е Шиванги, која додека чекаше да биде кремиран нејзиниот дедо, постојано го држи телефонот во раце и ги повикува сите живи за да обезбеди кислород за болницата во која работи. - Ова е ужасно. Не разбирам што прави оваа влада, ова е катастрофа. Веќе не можете да живеете во Делхи. Не можете веќе да умирате овде како личност - вели таа за Би-Би-Си. Шиванги тврди дека нејзиниот дедо починал токму поради недостаток на кислород. Нејзините колеги се очајни, велат тие повеќе не знаат што да прават. - Понекогаш плачеме од мака, бидејќи веќе не знаеме што да правиме. Не сме во можност да им помагаме на пациентите - велат лекарите. Да потсетиме, болниците низ цела Индија се полни со дупки, а овој пат креветите се претежно зафатени од млади луѓе; дури 65 проценти од хоспитализираните се на возраст под 40 години.

УЖАСНО: Кремираните останки на неговиот татко ги оставил во тоалет, му се заканува затвор

Ивана Ефремовски — Tue, 21 Jan 2020 11:50:18 +0000

Еден човек е уапсен во Јапонија откако, наводно – намерно ги оставил кремираните останки на неговиот татко во тоалетот на една метро станица. Кога таткото на Хироаки Хишиџима починал лани во септември, градските власти во Токио го кремирале неговото тело. Хишиџима отишол да ги земе останките на татко си во ноември заради погреб, но се исплашил дека неговата мајка ќе се налути ако ја однесе пепелта на таткото дома, па го оставил во тоалетот на метро станицата. Според јапонските закони, оставањето посмртни останки на јавно место, освен ако не се работи за гробишта, се казнува со парична казна или до три години затвор. Јапонците сè почесто се соочуваат со проблеми околу тоа – што да се прави со останките од некој близок или роднина. Населението се зголемува, па со тоа расте и стапката на смртни случаи. Тоа пак, резултира со поголеми цени на гробните места. (МИА)

Грчката црква одбива верски погреб во случај на кремирање

Ивона Петрова — Thu, 05 Dec 2019 07:30:41 +0000

Грчката православна црква, два месеца откако е отворен првиот крематориум во Грција, повторно посочи дека е против кремирање и дека одбива верски погреб во случај на кремирање на покојникот. „Мртвите тела не се отпад… Црквата се противи на палењето…, трагично е да се запали или исечка нешто што има вистинска вредност“, пишува во документот на Црквата на четири страници упатен до народот, кој ќе им биде поделен на верниците во сите цркви. Бидејќи „Црквата ја почитува слободата на оние што ќе одлучат да се препуштат на огнот… и тие мора да ја признаат слободата на Црквата дека не е должна да слави негово… отфрлање на погребната традиција“, се наведува во текстот. Како една од последните земји во Европската унија што дозволи кремирање, Грција го отвори својот прв крематориум на почетокот на октомври, изграден со приватни средства во Рикони, 80 километри од Атина. Во земја во која повеќе од 90 проценти од жителите велат дека се православни, крематориумот е блокиран од Грчката православна црква, која се придржува кон православниот погребен ритуал. Во отсуство на крематориум, стотици грчки семејства беа принудени да ги пренесат остатоците на нивните роднини во соседна Бугарија. Во 2006 година првпат законски е одобрено „кремирање на телото“, што беше побарано и од приврзаниците на секуларизмот и многу општини во кои нема место на гробиштата.