криминалци – Kurir.mk

Амнестија на гласачкото тело по скратена постапка

Љупчо Цветановски — Tue, 03 Oct 2023 13:33:19 +0000

Таче и Алија се разбудиле среде ноќ, облеани во ладна пот. Не им било лесно на пустите, ги фаќал силен уплав затоа што добро знаеле дека наскоро ќа траснат од власт. Без меко атерирање. А тоа болело. Абе, многу. Многу повеќе од болката во мешето на Ќуран кога ги распродавал македонските идентитетски одредници. Веќе подолг период, сон не ги фаќал пустите, а и кога ќе успееле, се буделе со врискање од силниот кошмар. Се викал МАКЕДОНИЈА. За некого најубав сон, за некого ноќна мора. Кој, што си заслужил... Па така ненаспани и со подочњаци до колена, владините „капо ди тути каповци“ утрото ќе свикале по своите гавази, советничиња, експерти и новинарчиња – аман, чаре да се бара, гласачко тело северџганистанско да се анимира, спас да се најде, дојдеа е нож до северну коску. Сламка ли беше... И така, ајваните драматично ќе почнеле да си ги траскаат од ѕид празните главички, глумејќи дека нешто работат, па се туфкале, пуфкале, лелекале, пискале и куделе, ама чаре не се наоѓало. Од празните главички излегувала само природната реакција и супстанца. Ништо. Празнотија... И наеднаш, некој во Мала Речица свикал „Еурека“!!! Му го текнувало дека ќе му го игруваат на стара карта. Еден бајат, ама проверен рецепт. Ќе играат со и за криминалците. Веднаш им дојавиле на Бихаќка, каде со елан заиграле и направиле мега-журка, како онаа за НАТО влезот де. Седокосиот Алија ја прифатил идејата со акламација и инстант орле со рачињата направил, аберот го рашириле Груби и Бујар пафтајќи со прстињата омрсени од власт, а Таче, кој по Али немал право на глас, морал пресреќен само да заигра некое влашко оро на фотоволтаичното поле на жена му, нива дарена од државата. Љупче Путерот, Маричиќ и Обиџуко не ни сфатиле за што се работи, ама ко секогаш орно завикале „Браво шефе, секоја чест шефе, љубим ноге шефе!!!“ Што било чарето? Па, забеганата и неинвентивна владина банда се „сетила“ да ги амнестира криминалците. По скратена постапка, разбира се. Нивните најдобри и најлојални другарчиња, дилери и шарени празноглавци. Оти крвта не била вода, а грижата за своите била обврска, нели. Нова екипа за полнење на гласачки кутии, закани врз гласачи, новокомпонирана партијска мафија за избори. Јуууууууу, свикал Ќурка и насмејан до уши „одма„ се јавил во Фондот за иновации, да му дадат грант од макар три милиони евра на оној од Мала Речица на кој му текнала оваа толку ветва, нова идеја и „иновација“... Не ги интересирало каков пример даваат. Пораката била јасна: Лажи, кради, манипулирај, тепај, мами, клевети, боди, сечи - и судијката партијска ќе те осуди на помала казна, па оп - Таче и Алија ќе те ослободат/амнестираат. Криминалци за криминалци, фамилија е светиња, нема тука лабаво. И така, во земјата која некогаш беше и држава се подготвувала амнестија на гласачкото владино тело. По скратена постапка, нормално. Ова било јадрото на СДСС и ДУИ, криминалците, останатите од болументата гласачка биле тендераши, нововработени, како и оние со желба за унапредување и вработување, кој од кој понеспособен. И тука завршувале... Прво, власта се самоамнестирала со измени на Кривичниот законик, а сега ги амнестирала и своите најверни поданици. Криминална влада? Не, криминогена, арамиска, апашка и ред други зборови кои се само галовни за ова качачка банда. Седма година агонија, а амнестија саде неколку дена по петгодишнината од референдумскиот бунт, победа и бојкот, суверенистички чин кој Заевци заштитени од странските мецени го извитоперија, укашкаа, укакаа и укаљааа... На 30-ти септември годинава, минатата сабота, нашата Македонија наврши 5 години од најголемата Пирова победа во историјата. Но ова не е 2018-та, колку Заевци, Тачевци и Алиевци да посакуваат, минаа тие црни времиња. Овие 5, „една рака“ лета, поради сопствената грижа на совеста се престоривме во темирани бомби, не спиеме навечер од гнев, а парадоксално - повторно не сме доволно будни. Сепак, теши што крајот наближува. Со него и крајот на насилната зомбификација на македонското национално ткиво, епизода која остана во обид и која не им успеја на овие вуду северџани кои ги ситнат последните денови од својата неуспешна вештерска кариера. По 7 години јад, сега веќе се месеци, наскоро ќе бидат денови, а гневот само ќе расте. Се обидоа од петни жили да не разединат, раскараат, заплашат и ништат, секојдневните понижувања требаше да донесат нов бран апатија и рамнодушност и да го доразорат она малкуто останато здраво ткиво, ама не успејаа. Пирејот ќе го возврати ударот. Македонија исто. Светлото на крајот на македонскиот тунел, разрушен од гнилите северни тули, веќе се гледа, наѕира и блешти. Се’ што треба е да издржиме уште малку, па да гледаме реприза на антологискиот северџганистански сеир, новокомпонирани плачки, та будење на ненадминливите НВО бапчорки, па заштитничките пресови на амбасадорските маќеи и очуви со Тачевци во скутот, непреповиени и со пелени полни со антимакедонски истресок кои се цедат на сите страни, лелек на „новинарските“ им здруженија, лажните вести на неизживеаните, патетични Џабировци и садизмот на Тричковци, плачките на сороспиите и останата багра. Ми фалат будалчињата непрокопсани и толку „промуќурно“ приглупи. Ајде, уште малку, па пак ќе си ги имаме во маало, по интернет, на ТВ, во весници. Кампови, фарбања, патетични протести, агресивни изливи, абе цепки. Многу, премногу ќефови во најава, забава до бессвест... Амнестирајте, самопомилувајте се, крадете ко улави, тендерисувајте, продавајте, аздисувајте, џабе ви е. Раката на Македонија можеби е спора, оти е човечна, исто како и Македонецот. Арно ама, не простуваат, никогаш...

Моќна криминална група од Западен Балкан разбиена во меѓународна акција, уапсени 37 лица (ВИДЕО)

Ристе Здравков — Fri, 26 May 2023 08:00:00 +0000

Моќната криминална ќелија, како што соопшти Европол, главно била вклучена во трговија со дрога и огнено оружје ширум Европа. Меѓу уапсените е и водачот на криминалната група, државјанин на Босна и Херцеговина, кој во моментот отслужува затворска казна во Италија, од каде што, според агенцијата, ги организирал и координирал активностите на бандата Во меѓународна полициска акција уапсени се 37 лица поврзани со, како што се наведува, многу насилна криминална банда од Западен Балкан, соопшти Европол. Акцијата, која опфаќа повеќе симултани рации во повеќе европски земји, била координирана од команден центар во Загреб, Хрватска, со поддршка на службеници на Европол распоредени на терен. Моќната криминална ќелија, како што соопшти агенцијата, главно била вклучена во трговија со дрога и огнено оружје ширум Европа. „Во текот на истрагата беа уапсени вкупно 37 осомничени, вклучително и водачот на бандата, државјанин на Босна и Херцеговина, кој Европол го смета за цел од висок степен и кој во моментот отслужува четиригодишна затворска казна во Италија“се наведува во соопштението на Европол. Водачот на криминалната група е осомничен дека организирал шверц на дрога и огнено оружје давајќи им наредби на своите подредени од зад решетки. Вчера, истовремено, биле извршени серија рации низ Хрватска, Словенија, Босна и Херцеговина, Холандија, Италија, Белгија и Германија. Заедно со апсењата полицијата запленила околу 148 000 евра во готовина, 18 парчиња огнено оружје, меѓу кои два митралези и 500 грама ТНТ со далечински детонатори. Исто така, во акцијата биле запленети и 15 килограми кокаин, 11 килограми хероин, како и одредени количини амфетамин, марихуана и хашиш. Покрај полициски службеници и припадници на други надлежни служби од земјите во кои биле извршени претресите, во операцијата учествувале и агенти на американската Агенција за борба против дрога – ДЕА, се наведува во соопштението. Меѓународната истрага уследи по она што Европол го опиша како „сложена истрага“ спроведена од хрватската полиција како дел од оперативната група „Балкански картел“.

ПАДНАА 15 КРИМИНАЛЦИ – голема полициска акција во овие моменти на повеќе локации во Скопје!

Дарко Андоновски — Sun, 02 Apr 2023 12:34:59 +0000

Голема полициска акција е во тек во Скопје во која досега се уапсени 15-на криминалци, според она што првично го објави МВР. Се прават претреси на дваесетина локации, а уапсени се петнаесетина криминалци, пред сè дилери и разбојници, информира МВР. Оттаму потврдуваат дека во тек е полициска акција, но детали најавуваат по нејзиното завршување.

Драматична акција на МВР во Скопје – еден од уапсените сакал да избега, но кога го отвориле неговиот ранец му немало спас (ВИДЕО)

Дарко Андоновски — Sun, 25 Dec 2022 15:03:31 +0000

На 25.12.2022 од страна на Единицата за недозволена трговија со дрога, Сектор за недозволена трговија со дрога оружје и опасни материи при Оддел за криминалистичка полиција, во заедничка акција со СВР Скопје - Единица за недозволена трговија со дрога и оружје и со Специјалната антитерористичка единица „Тигар“, со поддршка од Одделот за сузбивање на организиран и сериозен криминал во Катланово лишeни се од слобода три лица, и тоа М.Ш.(48), Е.Т.(30) и А.З.(19), сите од Скопје, бидејќи кај нив бил пронајден ранец со 14 компресирани пакувања со синтетичка дрога амфетамин, со тежина од околу 7 килограми, чија вредност е околу 40.000 евра.

Имено, во текот на ноември и декември 2022 година, по наредба на Јавен обвинител од ОЈО Скоје, беше спроведено криминалистичко истражување насочено кон лица дилери, кои вршат продажба на синтетичка дрога амфетамин и на марихуана од Скопје, Велес, Гевгелија и Тетово. Во текот на истрагата лишени од слобода се 13 лица и запленет е околу 1 килограм синтетичка дрога амфетамин и марихуана, за што досега се поднесени 8 кривични пријави до надлежните Основни јавни обвинителства во Скопје и Велес, а на дел од лишените лица одредени им се мерки притвор.

Во текот на денешниот ден извршени се претреси на 5 локации во Скопје, при што се пронајдени марихуана, хероин, амфетамин и предмети кои потекнуваат од извршени кривични дела кражби. Запленети се и парични средства кои потекнуваат од продажба на наркотични и синтетички дроги, а запленети се четири патнички возила (голф 5, ауди А3, мерцедес и рено клио) за кои во текот на истрагата беа обезбедени докази дека биле употребувани за продажба на дроги. Притоа, лишена од слобода е и Р.И.(39) од Скопје, а против други лица инволвирани во извршените кривична дела, за кои се обезбедени докази, ќе бидат преземени дополнителни мерки за нивно пронаоѓање и лишување од слобода, како што изјави Сузана Прањиќ Талевска, портпарол на МВР.

Од страна на СВР Скопје - Единица за недозволена трговија со дрога и оружје до надлежното Основно јавно обвинителство Скопје ќе биде поднесена кривична пријава против 5 лица за извршено кривично дело по член 215 од Кривичниот законик.

Министерството за внатрешни работи и во претпразничниот период ќе продолжи со преземање на засилени мерки и активности во борбата против недозволената трговија со дрога и наркотични средства.

Претрес во Штип, приведени тројца криминалци

Ивана Ефремовски — Fri, 16 Dec 2022 13:37:29 +0000

На 15.12.2022 во Штип, полициски службеници од СВР Штип ги лишиле од слобода Т.З.(44), М.Д.(19) и А.Ј.(22), сите од Штип. При претрес во домот на Т.З., извршен со судска наредба, во кој биле затекнати М.Д. и А.Ј., биле пронајдени и одземени марихуана, бела грутчеста материја, две дигитални ваги, пари и предмети кои потекнуваат од извршени кривични дела „кражба“ и „тешка кражба“. Лицата биле задржани во полициска станица и по целосно документирање на случаите против нив ќе бидат поднесени соодветни пријави.

Приведени криминалци барани со потерници

Катерина Бојаџиева — Mon, 12 Dec 2022 14:27:51 +0000

Денеска (12.12.2022) во 13.10 часот на ул.„Бутелска“ во Скопје, полициски службеници од Оперативен тим потраги при СВР Скопје го лишиле од слобода Д.Л.(32) од Скопје. За него била распишана централна потерница по наредба од ОЈО-Скопје за издржување мерка притвор за сторено кривично дело по член 237 од Кривичниот законик. Лицето ќе биде спроведено во надлежната казнено - поправна установа за издржување на мерката притвор. Денеска (12.12.2022) во 13.00 часот на ул.„Боро Менков“ во Скопје, полициски службеници од Тим потраги од Одделенијата за криминалистички работи Ѓорче Петров и Центар и Бит Пазар го лишиле од слобода Е.С.(35) од Скопје. Тој бил баран по централна потерница по наредба од Основен кривичен суд Скопје за издржување казна затвор од две години за сторено кривично дело по член 247 од Кривичниот законик. Лицето ќе биде спроведено во надлежната казнено - поправна установа за издржување на казната.

Мицкоски: Точно знаеме кои се криминалците од Арачиново и ви ветувам, уште од првиот ден по смена на власта, тие нарко банди ќе одговараат

Тале Кристо — Sun, 04 Dec 2022 14:00:35 +0000

Точно знаеме кои се криминалците од Арачиниво кои пред неколку дена нападнаа и избркаа полицајци кои си ги извршуваа работните активности и ќе оставиме на институциите да си ја завршат својата работа, вели претседателот на ВМРО-ДПМНЕ, професор д-р Христијан Мицкоски од денешната акција насловена „Отворен ден на општините – Твојата идеја за промени“, каде што граѓаните предлагаат идеи за реализација на проекти кои ќе бидат вклучени во општинските буџети за следната година, одговарајќи на новинарско прашање запрашан за коментар по вчерашната констатација на Министерството за внартешни работи, дека полицајците не биле нападнати туку дека тие не си ја извршиле работната задача, по што против нив ќе бидат покренати дисциплински постапки. Мицкоски посочи дека уште од првиот ден после промената на власта и преземањето на раководењето на институциите, вклучително и на МВР, од страна ан ВМРО-ДПМНЕ, овие лица и нарко банди кои сите ги знааат, ќе бидат изведени пред лицето на правдата и ќе одговараат. „Ќе оставиме институциите да си ја завршат својата работа, а првиот ден кога ние ќе ги превземеме институциите ќе видите точно за кои луѓе станува збор и тие луѓе ќе бидат изведени пред лицето на правдата. Еве, јас ви ветувам, држетеме за збор. Точно знаеме кој се луѓето, кои возила ги возат, како изгледаат, со што се занимаваат, каде се движат и што прават. Првиот ден кога ВМРО-ДПМНЕ ќе ги превземе институциите и ќе го превземе Министерството за внатрешни работи, еве ви ветувам дека тие луѓе, лично, пред вас ќе бидат изведени и пред лицето на правдата“, истакна Мицкоски.

Приведени криминалци барани со потерници

Тале Кристо — Sat, 18 Jun 2022 09:07:22 +0000

На 17.06.2022 во 18.05 часот на ул.„Македонско-косовска бригада" во Скопје, полициски службеници од Оперативен тим потраги при СВР Скопје го лишиле од слобода С.Ш.(22) од Скопје. Тој бил баран по Централна потерница од Основен кривичен суд Скопје за издржување казна затвор од две години за сторено кривично дело по член 236 од Кривичниот законик. Лицето било предадено во Казнено-поправната установа Затвор Идризово за издржување на казната. На 17.06.2022 во 12.10 часот на ул.„Христо Смирненски" во Скопје, полициски службеници од Оперативен тим потраги при СВР Скопје го лишиле од слобода С.И.(29) од Скопје. Тој бил баран по Централна потерница од Основен кривичен суд Скопје за издржување затворска казна.Лицето било предадено во Казнено-поправната установа Затвор Скопје за издржување на казната.

Приведени 3 лица – во нивно возило пронајдена дрога, странски документи и остри предмети

Магдалена Андонова — Fri, 03 Jun 2022 11:45:21 +0000

На 02.06.2022 во Виница, полициски службеници на СВР Штип – Полициска станица Виница ги лишиле од слобода Д.С.(34) од Крива Паланка, С.Т.(22) од Зрновци, кочанско и Б.И.(37) од с.Грдовци, кочанско. При претрес, извршен со судска наредба, во патничко возило „ауди“, со кочански регистарски ознаки, управувано од Д.С., сопственост на Б.И., во кое сопатник бил С.Т., биле пронајдени и одземени бела прашкаста материја, дробилка, остри предмети, странски лични документи, пари и други предмети за кои постои сомнение дека потекнуваат од повеќе кривични дела. По извршени проверки било утврдено и дека Д.С. бил баран по потерница за доиздржување затворска казна од 12 години, а бил осуден на вкупно 22 години казна затвор за сторени повеќе кривични дела. Тој бил спроведен во Казнено-поправната установа Затвор Штип за доиздржување на казната. Пронајдените предмети кои потекнуваат од кражби ќе бидат вратени на сопствениците и по целосно документирање на случајот против тројцата ќе бидат поднесени соодветни пријави.

Петков носи список со 19 имиња на криминалци во Обвинителството

Тале Кристо — Wed, 09 Feb 2022 13:46:59 +0000

Бугарскиот премиер, Кирил Петков денеска дојде во Обвинителството на распит за имињата што ги спомна на средба со главниот обвинител Иван Гешев минатата недела. Петков истакна дека има список со 19 имиња, од кои дел веќе прочитал на брифинг. – Тоа се имиња кои се информации од јавен карактер, имиња кои добро ги знаете, изјави тој. – На списокот нема фирми, само поединци. Обвинителството пред неколку дена соопшти дека на средба премиерот посочил имиња и прекари на лица кои според него се основа на криминалот во таа држава и против кои не се преземени потребни дејствија за да се бараат кривична одговорност.