криминали – Kurir.mk

Приведени криминалци од Тетово барани со потерници

Тале Кристо — Sun, 19 Jun 2022 12:43:55 +0000

На 18.06.2022 во 18.20 часот на ул.„Саво Тасески“ во Тетово, полициски службеници од СВР Тетово го лишиле од слобода Д.И.(63) од Тетово. Тој бил баран по Централна потерница од Основен суд Тетово за издржување казна затвор од една година за сторено кривично дело по член 215 од Кривичниот законик. Лицето било спроведено во казнено-поправната установа Затвор Тетово за издржување на казната. На 18.06.2022 во 18.20 часот на ул.„Саво Тасески“ во Тетово, полициски службеници од СВР Тетово го лишиле од слобода А.Е.(45) од Тетово. Тој бил баран по Централна потерница од Основен суд Тетово за издржување затворска казна за сторени кривични дела по член 383 и член 206 од Кривичниот законик. Лицето било спроведено во казнено-поправната установа Затвор Тетово за издржување на казната.

ВМРО-ДПМНЕ: МВР со Спасовски го следат само криминали и скандали – оставка веднаш

Тале Кристо — Thu, 21 Apr 2022 06:57:37 +0000

Македонија е претворена во див запад, а Оливер Спасовски молчи и бега од одговори и одговорност, велат од ВМРО-ДПМНЕ. Пред неколку дена се случи кражба на оружје, муниција и бомби од депо на МВР во Охрид и нема никаква информација кој го направил тоа и каде е оружјето. Оливер Спасовски не може да обезбеди сигурност на објектите на МВР, а камо ли пак да гарантира безбедност на граѓаните. Уште не е разрешен овој случај, а веќе нов скандал се случува во Крушевско. Масло од марихуана во вредност од над 2 милиони евра е украдено, а МВР и Спасовски и за ова молчат. Уште се свежи сеќавањата на кадарот на Спасовски кој беше фатен во транспорт на марихуана, и затоа со право јавноста се прашува дали МВР ќе го разреши воопшто и овој случај. Овие скандали се надоврзуваат на убиството на ракометарот кој институциите се обидоа да го заташкаат, но и матната јавна набавка која МВР ја направи со компанија која е на црната листа на САД. Се скандал до скандал, се криминал до криминал. Спасовски е неспособен и криминоген. Затоа мора да си поднесе оставка веднаш, стои во партиското соопштение на ВМРО-ДПМНЕ.

Стојаноски: СДСМ секојдневно и приредува срам на цела нација, Македонија стана земја позната низ светот во однос на корупција, криминал и дрога

Магдалена Андонова — Tue, 13 Apr 2021 12:29:03 +0000

На денешната седница на Собранието на Република Македонија во однос на националната стратегија за спречување на корупцијата се обрати и пратеникот од редовите на ВМРО-ДПМНЕ, Бојан Стојаноски кој се осврна на материјата предвидена за седницата и образложи зошто е неопходна национална стратегија за спречување на корупцијата во Република Македонија. Стојаноски потенцираше дека при крајот на 2016-та година и почетокот на 2017-та година, односно кога СДСМ доаѓало на власт, индексот на корупција бил далеку помал од денешниот. Тој додава дека е неблагодарно и несериозно СДСМ да зборува за спречување на корупција, а истовремено таа да царува во власта, како и кај блиските соработници на Заев. Стојаноски вели дека во 2017-та година Македонија била на 90-то место по индексот на корупција, а оваа година е на 111-то место по Транспаренси Интернешнал, што говори за пад од 21 место, односно зголемување на корупцијата. Стојаноски вели дека националната стратегија треба да се донесе, но исто така истата да придонесе за превземање на чекори кои ќе вродат со плод по донесувањето на стратегијата, а да не биде само клише напишано во прирачниците како би требало да функционира една национална стратегија против корупцијата. Тој вели дека за лошата ситуација во однос на корупцијата е исклучиво виновна владината гарнитура и никој друг, бидејќи само за изминатата година државата паднала за дополнителни 5 места во однос на корупцијата. "Овие бројки не се комуницирани и пласирани од опозицијата, ниту пак опозицијата е виновна што бројките се такви. Овие бројки се директно пласирани од Транспаренси Интернешнал и тука нема што да се додаде. Мене нема да ме зачуди повторно да префрлате дека опозицијата е виновна за се, но фактите говорат нешто сосема друго. Граѓаните секојдневно имаат прилика да се уверат каква криминална банда ја води државата. Секојдневно се среќаваме со низа коруптивни скандали низ призма на тендери, провизии, владини хонорари, трговија со дрога и уште многу работи кои се синоним за вашето владеење. Американската ДЕА која што се зафаќа со големи коруптивни скандали поврзани со дрога, дочекавме да реагира за мафијаши и трговци со дрога во нашата земја, кои што се блиску поврзани со фамилијата Заеви. Ете тоа е вистинската слика за корупцијата во државата. Ова е голем срам за целата земја, срам кој што го приреди СДСМ и власта", истакна Стојаноски. Замислете, ДЕА работела на случаи од типот на Пабло Ескобар, а сега работи на сличен случај со иста содржина, но овој пат инициран од началникот на СВР Прилеп, кој директно е инволвиран во случајот со трговијата со дрога. Треба да биде јасно и да се знае дека во Република Македонија граѓаните треба да ја согледаат реалноста и да сфатат какви луѓе речиси 5 години раководат со земјата. Граѓаните треба да знаат дека овој мрак кој што се случува во државата е рефлексија на работењето на Владата и СДСМ изминатите години. Корупцијата најпрво треба да престане во партиските штабови на СДСМ, а дури потоа и насекаде низ државата. Со вакви примери, Република Македонија не може да ја очекува светла иднина, заврши Стојаноски.

Мицкоски: Се задолжија милијарди, а сега со зголемување на даноците народот треба да ја плаќа нивната неспособност и криминалии!

Тале Кристо — Thu, 25 Mar 2021 08:11:53 +0000

Заев со покачување на даноците директно удира по џебот на народот. Во време на корона ќе страдаат најсиромашните, но и сите други. Се задолжија милијарди, а сега народот треба да ја плаќа нивната неспособност и криминалии, реагира преску социјалната мрежа на Фејсбук лидерот на ВМРО-ДПМНЕ Христијан Мицкоски, откако вчера министерот за финансии Фатмир Бесими најави зголемување на даноците. Ова е план на Заев и Бесими да му ја одерат кожата на народот. Одете си, секој ден поминат во тие фотелји е на штета на државата и народот, пишува во својата реакција Мицкоски.

Мицевски: Единствената цел на Законот за ЈО е СДСМ да не одговара за криминалите

Ивона Петрова — Fri, 14 Feb 2020 20:19:50 +0000

Координаторот на пратеничката група на ВМРО-ДПМНЕ, Никола Мицевски во вклучувањето на телевизија 24 истакна дека единствената цел на Законот за јавно обвинителство е СДСМ, односно власта да се заштити од кривичните дела кои ги стори изминатите три години. Тој посочи дека во Собранието беше организирана јавна дебата токму за Законот, а правните експерти имаа низа забелешки за законот, но власта не прифати ниту една од забелешките. -Во процедура имаме закон за јавно обвинителство за кој што имаше јавна расправа и од чија што јавна расправа не беа прифатени забелешките на експертите од оваа област. Се пушти законот во кратка постапка со одложено дејство за 4 ипол месеци. Навистина не гледам причина зошто тоа би се направило доколку не ја имаме едната и единствена причина, обид на власта за бегство односно за заштита со законот за јавно обвинителство и неможност за одговарање од одредени кривични дела кои што оваа власт изминативе три години ги има направено.

Пандов: Заев е во паника, за три години направи еден куп криминали

Тале Кристо — Tue, 11 Feb 2020 20:10:15 +0000

Во гостувањето во МРТ 1, аналитичарот Александар Пандов потенцираше дека Зоран Заев е во паника бидејќи изминатите три години направи еден куп криминали за кои ќе треба да одговоара и токму ова е причината поради која не партиите не може да се договорат за законот за обвинителство. Според него Заев е загрижен за себе за неговото семејство како и за најбилските соработници па така нормално е да го прави ова што го прави. -Ако ти тргнуваш во политиката кога ги гледаш нештата од сам себе и ако си ти чесен, поштен човек, нормално е со чудење да гледаш и викаш зошто еден закон кој што е нормална работа да се донесе било каде, кај нас не може да се донесе. Затоа што има куп криминали Заев направено, кој што е претседател на СДСМ и се плаши за него за неговот семејство, за неговите блиски околу него и нормално е во паника сега, да го прави ова што го прави.