Крис Хипкинс е новиот премиер на Нов Зеланд

Катерина Бојаџиева — Wed, 25 Jan 2023 07:23:44 +0000

Лидерт на Лабуристичката партија на Нов Зеланд, Крис Хипкинс положи заклетва како 41. премиер на Нов Зеланд. Хипкинс (44) досега ја извршуваше функцијата министер за полиција и борба против коронавирусот. Тој на 22 јануари беше избран за лидер на Лабуристичката партија на Нов Зеланд, откако претходната премиерка Џасинда Ардерн минатата недела поднесе оставка. Кармел Сепулони положи заклетва како нов заменик-премиер. Таа по потекло е од Пацификот и е прва личност на таа функција. Хипкинс, познат по прекарот Чипи, ќе ја води земјата до општите избори во октомври. Ардерн ќе остане пратеничка до април.

Крис Хипкинс ќе биде новиот премиер на Нов Зеланд

Ивона Петрова — Sat, 21 Jan 2023 10:12:15 +0000

Министерот за образование, полиција и за јавни служби на Нов Зеланд Крис Хипкинс ќе биде нов премиер на таа земја бидејќи тој беше единствениот кандидат да ја наследи Џасинда Ардерн на чело на Лабуристичката партија. Хипкинс (46) в недела треба да ја добие поддршката од сопартијците, но тоа сега е само формалност.Официјалниот трансфер на власта ќе следи во наредните денови. Хипкинс рече дека е многу горд што ја презема улогата и дека тоа е најголемата одговорност и привилегија во неговиот живот. Ардерн ги изненади граѓаните во четвртокот кога ја објави својата оставка по пет и пол години како премиерка. Фактот што немаше други кандидати да ја наследат како лидер на партијата покажува дека пратениците од Лабуристичката партија застанаа зад Хипкинс за да избегнат долготрајна трка за премиерската функција. Хипкинс ќе биде на функцијата нешто повеќе од осум месеци пред општите избори. Анкетите покажуваат дека Лабуристичката партија во моментов е зад нејзиниот главен противник, конзервативната Национална партија.

Крис Хипкинс – Kurir.mk

Крис Хипкинс е новиот премиер на Нов Зеланд

Крис Хипкинс ќе биде новиот премиер на Нов Зеланд