крис пол – Kurir.mk

Крис Пол доаѓа во Голден Стејт

Бошко Тасиќ — Fri, 23 Jun 2023 04:55:56 +0000

Еден од најдобрите стрелци во НБА, Бредли Бил, пристигна во Феникс Санс и им се придружи на уште двајца фантастични стрелци, Кевин Дурент и Девин Букер, а тимот речиси и да не изгуби вредност во тој процес. Тие го испратија Крис Пол во Вашингтон, кого беа подготвени да го отпуштат само за да се ослободат од него, ротацискиот шутер Лендри Шамет и голем број драфт пикови во втората рунда и право да трејдуваат уште неколку идни пикови. Сепак, Пол не треба долго да остане во Вашингтон, кој е во процес на целосна „обнова“. Најсигурниот НБА инсајдер Адријан Војнаровски известува дека Пол ќе замине во Голден Стејт Вориорс, каде што ќе ги здружи силите со Стеф Кари, а младиот Џордан Пул треба да замине во Вашингтон, заедно со идни пикови на драфтот.

Крис Пол сака да остане во Феникс

Ивана Ефремовски — Fri, 16 Jun 2023 12:07:13 +0000

Кошаркарот на Феникс санс, Крис Пол сака да продолжи да игра во тимот од Аризона. Ова желба самиот Пол ја кажа при претставувањето на својата книга која е посветена на дедото на кошаркарот. - Апсолутно точно. Затоа сум овде сега, одговори Пол на прашањето дали сака да остане во Феникс. На 7 јуни медиумите објавија информација дека 38-годишниот играч ќе биде избркан. Подоцна беше објавено дека Санс разгледуваат различни опции, вклучително и трејд за ветеранот. Новиот тренер на тимот Франк Вогел коментирајќи ја веста за можно исклучување на Пол изјави дека „дошло до недоразбирање“. Договорот на Пол за сезоната 2023/24 (30,8 милиони долари) ќе стане целосно загарантиран на 28 јуни. (МИА)

Феникс го отпушти Крис Пол

Бошко Тасиќ — Fri, 09 Jun 2023 06:16:23 +0000

НБА тимот на Феникс го извести Крис Пол дека ќе ја прекине соработката со него. Искусниот 38-годишен плејмејкер претстојното лето ќе биде слободен агент. Санс има право да го задржи Пол уште една година за 30,8 милиони долари, но, најверојатно, ќе се откаже од таа опција. За да се ослободат од неговиот договор, ќе мора да му платат 15,8 милиони долари, освен ако не најдат друг начин да се разделат како, на пример, размена. Пол ги помина претходните три сезони со Санс, со кој стигна до финалето на НБА во 2021 година.

Крис Пол го пропушта следниот меч со Денвер

Бошко Тасиќ — Thu, 11 May 2023 18:49:50 +0000

Плејмејкерот на Феникс санс, Крис Пол, ќе го пропушти шестиот натпревар од серијата против Денвер поради повреда на препоните. Ветеранот на Феникс се повреди за време на натпреварот 2 од серијата и оттогаш не е на теренот. Без Пол, Санс победија на два домашни натпревари од пресметката во четвртфиналето во НБА-плејофот. - Тој дефинитивно почна да работи повеќе на тренинзите, но внимаваме да не избрзаме со неговото враќање. Сè уште немам извештај кој вели дека Крис е подготвен 80 или 90 проценти, изјави главниот тренер Монти Вилијамс. Резултатот во серијата прв до четири е 3:2 за Денвер.

Пол стана петти асистент на вечната листа во плејофот на НБА-лигата

Ивана Ефремовски — Tue, 03 May 2022 06:32:00 +0000

Кошаркарот на Феникс санс, Крис Пол се искачи на петтата позиција по број на асистенции во историјата на плејофот во НБА-лигата. Пол на натпреварот со Далас маверикс одигран рано утрово забележа три асистенции и го надмина легендарниот Тони Паркер кој своевремено настапуваше за Сан Антонио. Феиникс го доби натпреварот со 121:114 и поведе со 1:0 во серијата, а Пол стигна до 1.144 асистенција во кариерата. Пред 36-годишниот плејмејкер на листата најуспешни асистенти во НБА се наоѓаат: Меџик Џонсон (2.346), Леброн Џејмс (1.919), Џон Стоктон (1.839) и Џејсон Кид (1.263). (МИА)

Крис Пол се повреди

Бошко Тасиќ — Mon, 21 Feb 2022 15:49:50 +0000

Плејмејкерот на Финикс санс, Крис Пол, поради повреда ќе отсуствува од терените од шест до осум недели. Финикс се најдобриот тим во лигата со 48 победи и 10 порази. Како стојат работите, без Пол ќе бидат до крајот на регуларниот дел од сезоната. Регуларниот дел од сезоната во НБА-лигата ќе заврши на 10 април. „Со многу работи се бориме оваа сезона. Поради повреди губевме играчи, се случуваа работи и надвор од теренот…Смешно е и да помислиш дека без пречки ќе успееш да минеш сезона во НБА-лигата. Ова сега е малку поинаку бидејќи во прашање е Крис. Сепак ова е можност и другите момци да добијат шанса и тие да си ја подигнат самодовербата. Кога ќе се врати ќе бидеме уште подобри“, изјави тренерот на Финикс, Монти Вилијамс. Ветеранот Пол сесонава има просек од 14,9 поени и 10,7 асистенции.

Крис Пол запиша историја, тој е првиот кошаркар во НБА кој постигна ваков успех

Ивона Петрова — Sat, 23 Oct 2021 12:58:56 +0000

Кошаркарот на Феникс санс, Крис Пол е единствениот кошаркар во историјата на НБА кој постигнал 20.000 поени и 10.000 асистенции во кариерата. Ова достигнување му беше успеа на Пол ноќеска, за време на натпреварот со Лос Анџелес лејкерс. Погодокот во втората четвртина беше историски. Триесет и шестгодишниот Пол е еден од единаесетте активни играчи што се вклучени во 75-те најдобри во НБА оваа недела. Во 17 сезони поминати во најсилната кошаркарска лига на светот, Пол настапуваше за пет различни клубови. Воедно, по средбата со Лејкерс, Крис Пол се искачи на 47. место по постигнати поени во кариерата и е петти по бројот на асистенции.

Феникс Санс останаа без најдобриот кошаркар

Бошко Тасиќ — Wed, 16 Jun 2021 14:44:11 +0000

Само неколку дена откако НБА тимот на Феникс со чисти 4:0 го победи Деневр нагетс, нивниот најдобар играч Крис Пол влезе во „Корона протокол“ што значи дека е позитвен на Ковид-19 или бил во контакт со личност која е позитивна. Засега не е познато коклку време Пол ќе мора да биде во карантин, а бекот игра фантастично во плеј-офот каде просечно постигнува по 15.7 поени, 8.7 асистенции и 4.1 скок по натпревар и е најзаслужен за големиот успех на „сонцата“. КриФеникс во финалето на Западната конференција го чека подобриот од дуелот ЛА Клиперс – Јута џез чија серија е израмнета 2:2.

Крис Пол влезе во Топ 5 во историјата на НБА според бројот на украдени топки

Тале Кристо — Wed, 14 Apr 2021 07:42:59 +0000

Кошаркарот на Феникс санс, Крис Пол, имаше три украдени топки ноќеска на натпреварот против Мајами (106:86) и го помина легендарниот Морис Чикс во оваа статистичка категорија. Морис во неговата кариера стигна до 2.310, додека 35-годишниот Пол сега има 2.311 украдени топки. Тој се искачи на петтото место во историјата на НБА по овој индикатор. На првите четири позиции се: Гери Пејтон (2.445), Мајкл Џордан (2.514), Џејсон Кид (2.684) и Џон Стоктон (3.265).

Крис Пол е петтиот играч во историјата на НБА со 500 натпревари со 10 или повеќе асистенции

Тале Кристо — Tue, 06 Apr 2021 07:55:32 +0000

Крис Пол е петти играч во историјата на НБА-лигата кој одигра 500 натпревари со 10 асистенции или повеќе. Триесет и петгодишниот кошаркар на Феникс им се придружи на Џон Стоктон, Меџик Џонсон, Џејсон Кид и Стив Неш. Ноќеска Пол им помогна на Санс да ги совладаат Хјустон рокетс на гости со 133:130 постигнувајќи 19 поени, 11 асистенции, пет скока и четири украдени топки. Феникс ја освои шестата последователна победа и е на второто место во Западната конференција. Во текот на својата кариера, Пол одигра 1.067 натпревари, во просек постигнувајќи 18,3 поени, 9,4 асистенции, 4,5 скока и 2,2 украдени топки.