крис смолинг – Kurir.mk

Рома ќе потпише нов договор со Смолинг

Бошко Тасиќ — Mon, 24 Apr 2023 05:05:52 +0000

Дефанзивецот на Рома, Крис Смолинг, постигна договор со раководството на клубот за продолжување на соработката до летото 2025 година. Актуелниот договор на 33-годишниот фудбалер со Рома истекува на крајот од актуелната сезона. „Блиску сме до нова соработка, наскоро и официјално ќе биде објавен новиот договор“, изјави Смолинг за Скај Спорт. Крис Смолинг е дел од Рома од 2019 година.Потоа одигра една година на позајмица од Манчестер Јунајтед, по што беше откупен од италијанскиот клуб.

Интер му нуди договор на Смолинг до 2025 година

Ивона Петрова — Sat, 21 Jan 2023 12:18:54 +0000

На дефанзивецот на Рома, Крис Смолинг, му е понуден договор од Интер. Италијанскиот новинар Николо Шира објави дека „нероаѕурите“ сакаат да потпишат договор со 33-годишниот Англичанец до крајот на сезоната 2025 година со плата од 3,5 милиони евра годишно. Трансферот се планира да се реализира на лето, кога актуелниот договор на играчот со Рома истекува. Претходно беше објавено дека Јувентус е заинтересиран за Смолинг. Оваа сезона дефанзивецот одигра 24 натпревари за римскиот клуб во сите натпреварувања и постигна три гола. Вредноста на Смолинг според „Transfermarkt“ е осум милиони евра.

Смолинг е повреден и може да го пропушти почетокот на сезоната во италијанското првенство

Тале Кристо — Tue, 17 Aug 2021 19:42:44 +0000

Дефанзивецот на Рома, Крис Смолинг ќе го пропушти почетокот на сезоната. Триесет и едногодишниот фудбалер се здоби со повреда на бутниот мускул за време на тренингот, пренесува „Ил Темпо“. Очигледно, фудбалерот нема да игра барем на два од првите натпревари на Рома. Рома ќе го одигра првиот натпревар во новата сезона в четврток, 19 август. Екипата предводена од Жозе Мурињо ќе игра против турскиот Трабзонспор во првиот натпревар од плејофот на Конференциската лига на УЕФА. Во првото коло од Серија А, следниот викенд, римјаните ќе ја пречекаат Фиорентина.

Интер е заинтересиран за Смолинг, Јунајтед сака 20 милиони евра за дефанзивец

Магдалена Андонова — Thu, 17 Sep 2020 12:50:59 +0000

Дефанзивецот на Манчестер јунајтед, Крис Смолинг може да го напушти клубот. Рома сакаше да го откупи 30-годишниот Англичанец, но понудата на Римјаните не им одговараше на Јунајтед. Англискиот клуб го проценува Смолинг на 20 милиони евра. Сега Интер е заинтересиран за дефанзивецот, пренесува Калчомеркато. „Неро-азурите“ одржуваа добри односи со Јунајтед по трансферите од Алексис Санчез и Ромелу Лукаку, нешто што може да помогне во зделката. Смолинг минатата сезона забележа 30 настапи во Серија А, играјќи за Рома како позајмен играч. (МИА)

Рома ќе ја зголеми понудата за Смолинг на 20 милиони евра, Јунајтед бара 25

Дарко Андоновски — Thu, 03 Sep 2020 06:56:09 +0000

Напредуваат преговорите меѓу Рома и Манчестер јунајтед за трансфер на дефанзивецот Крис Смолинг, кој минатата сезона ја помина во римскиот клуб на позајмица. Рома ќе ја зголеми понудата за 30-годишниот Англичанец на 20 милиони евра плус бонуси, додека Јунајтед го проценува играчот на 25 милиони, пренесува „Sky Sport Italia“. Според изворот, буџетот за трансфер на Рома се зголемил со доаѓањето во клубот на новиот сопственик Дан Фридкин.

Мурињо тргна по потписот на дефанзивецот на Јунајтед

Ивона Петрова — Tue, 03 Mar 2020 07:52:32 +0000

Менаџерот на Тотенхем, Жозе Мурињо е заинтересиран да го привлече дефанзивецот на Манчестер Јунајтед, Крис Смолинг во клубот, пишува Тутоспорт. 30-годишниот дефанзивец во моментов игра на изнајмување во Рома и настапува добро. „Волците“ прават се од себе за да го привлечат трајно, но се чини дека имаат сериозна конкуренција за неговиот потпис. Смолинг е во добри услови со Мурињо уште од нивниот престој на „Олд Трафорд“ и тоа може да биде во корист на „петлите“. Засега, фудбалерот не брза да ја реши својата иднина и ќе почека до крајот на сезоната за да ги разгледа сите опции. Мурињо треба да ја засили одбраната на Тотенхем во текот на летото. Тој сигурно ќе мора да најде замена за Јан Вертонген, чиј договор истекува и во овој момент одбива да потпише.

Рома нуди 12 + 3 милиони евра за Смолинг, Манчестер бара 18 милиони

Дарко Андоновски — Tue, 05 Nov 2019 14:00:16 +0000

Италијанскиот фудбалски прволигаш Рома сè уште е заинтересирана да го откупи дефанзивецот на Манчестер јунајтед, Крис Смолинг. Според информациите објавени од новинарот на „Ла газета дело спорт“, Николо Скири, римјаните нудат 12 милиони евра за 29-годишен фудбалер, плус три милиони бонуси. Од друга страна, англискиот клуб сака да заработи од продажбата на играчот 18 милиони. Рома сака да склучи договор со Смолинг со важност до 2024 година. Платата на Англичанецот би била 3,2 милиони евра годишно.

Смолинг: Меси знае дека не го удрив намерно

Ивана Ефремовски — Fri, 12 Apr 2019 12:14:52 +0000

Фудбалерот на Манчестер јунајтед, Крис Смолинг изјави дека не го удрил намерно Лионел Меси и дека капитенот на Барселона е свесен за тоа. -Разговаравме по натпреварот. Меси знае дека тоа беше несреќен случај. Се ракувавме. На теренот се води беспоштедна борба, сите се трудиме да бидеме најдобри. Но, надвор од него има почитување меѓу фудбалерите, изјави Смолинг. При еден воздушен дуел меѓу него и Меси,во средата за време на четвртфиналниот меч од Лигата на шампионите, Смолинг со раката го поткачи Аргентинецот в лице, при што му го повреди носот и очниот капак. Поради повредата, Меси ќе биде надвор од теренот и неизвесен е неговиот настап на реваншот со Манчестер јунајтед закажан за 16 април. (МИА)

Цел свет му се смее: Додавањето на Смолинг заврши во десеттиот ред на трибините (ВИДЕО)

Дарко Андоновски — Mon, 10 Dec 2018 07:20:59 +0000

Англискиот фудбалер и член на Манчестер Јунајтед, Крис Смолинг е неславен сопственик на најлошото изведено додавање оваа сезона во Премиер Лигата. Во текот на вчерашниот натпревар на Јунајтед и Фулам, Смолинг се обиде да одигра едно додавање на десната страна, но топката заврши во десеттиот ред на трибините и неколку метри од играчот кој му беше цел. Инаку, Јунајтед натпреварот го заврши со победа од 4:1 и се искачи на шестата позиција на табелата со 26 освоени бодови.

Pass of the season from Chris Smalling.. pic.twitter.com/CzJqcbPbRB
— Football HQ (@FootbaII_HQ) December 9, 2018

Смолинг ќе добие нов договор од Јунајтед

Ивона Петрова — Thu, 22 Nov 2018 16:36:14 +0000

Манчестер Јунајтед започна преговори со централниот дефанзивец Крис Смолинг за нов договор, објави „Дејли мејл“. Сегашниот договор на поранешниот фудбалер на Фулам истекува на крајот од сезоната, но клубот има право да го продолжи за уште 12 месеци. Сепак, од „Олд Трафорд“ одлучија да не губат време и повторно да потпишат со играчот, кој денеска полни 29 години. Според изданието, новиот договор ќе биде за три сезони, а платата на Смолинг ќе се зголеми за 40.000 фунти неделно. Дефанзивецот сега ќе добие 120.000 фунти. МИА