кристиано роналдо – Kurir.mk

Роналдо стана првиот играч кој постигнал 450 погодоци во најдобрите пет европски шампионати

Магдалена Андонова — Mon, 28 Sep 2020 10:40:43 +0000

Напаѓачот на Јувентус, Кристијано Роналдо постигна два гола во натпреварот од второто коло на италијанскиот шампионат против Рома (2:2). Благодарение на ова, тој постави нов рекорд. Португалецот стана првиот фудбалер кој постигнал 450 погодоци во најдобрите пет европски шампионати. Претходно, Роналдо играше во Премиер лигата за Манчестер Јунајтед и во Шпанското првенство за Реал Мадрид. Триесет и петгодишниот напаѓач оваа сезона одигра два натпревари за Јуве. Има три гола и една асистенција. (МИА)

Ефект Роналдо: Пораст на приходите на Јувентус за 58.000.000 евра од маркетинг

Ристе Здравков — Fri, 18 Oct 2019 07:46:18 +0000

Доаѓањето на Кристијано Роналдо му помогна на Јувентус да стане еден од најуспешните брендови во фудбалскиот свет. „Газета дело спорт“ го објави финансискиот извештај во кој се наведува дека присуството на Португалецот и помогна на „Старата дама“ за заработи дополнителни 58 милиони евра, за колку што пораснале приходите од маркетингот. Клубот од Торино првпат се најде меѓу 10-те најуспешни фудбалски брендови по продажбата на дресот. Италијанскиот гигант заработил речиси 45 милиони евра само на тоа. Популарноста на клубот се зголемува, но и бројот на лица кои го следат Јувентус на социјалните мрежи, па сега тој изнесува 85 милиони. Старата дама по овој параметар е четврта во светот по Реал Мадрид, Барселона и Манчестер Јунајтед. извор: dribling.mk

Роналдо го сака Крос во Јувентус

Ристе Здравков — Sat, 15 Sep 2018 13:26:56 +0000

Ѕвездата на Јувентус, Кристијано Роналдо бара од раководството на клубот да испрати понуда за трансфер на неговиот поранешен соиграч од Реал Мадрид, Тони Крос во јануарскиот преоден рок, тврди електронското издание Goal.com. Според Португалецот, германскиот репрезентативец ќе заврши одлична работа во средниот ред на тимот и ќе го направи клубот од Торино уште посилен во иднина. Тој дури разговарал за прашањето со тренерот на тимот Масимилиано Алегри, кој се согласил со неговите аргументи. Крос и Роналдо одржуваат доста блиски односи од престојот на „Бернабеу“ и не е исклучено освојувачот на пет „Златни топки“ да има голема улога во неговото привлекување на стадионот „Јувентус“. Крос е во Реал од 2014 година и е еден од најважните играчи на тимот.

ВИДЕО: Прошетка низ новиот дом на Роналдо

Ристе Здравков — Wed, 18 Jul 2018 11:25:57 +0000

Минатата недела, ѕвездата на Реал Мадрид, Кристијано Роналдо го направи најнеочекуваниот трансфер ова лето со преминот во Италијанскиот клуб Јувентус. Но тоа не е толку важно, во однос на новоста за неговиот нов луксузен дом во Торино наречен “La Mandria”, каде оваа фудбласка икона ќе престојува со неговата фамилија во наредните четири години. Да не одолговлекувам повеќе, уживајте во видеото.