Кристијан Ацу – Kurir.mk

Кудус од Ајакс постигна фантастичен гол и го соблече дресот за да му одаде почит на Атсу, но сите зборуваат за потегот на судијата

Ристе Здравков — Mon, 20 Feb 2023 13:06:35 +0000

Ајакс победи против Спарта со 4:0 и ја продолжи потерата кон првото место на табелата во Холандија, но она за што зборуваат сите во оваа земја е реакцијата која ја имаше судијата по последниот погодок на овој меч. Мохамед Кудус постигна фантастичен гол од слободен удар и ги постави конечните 4:0, но за време на прославата на голот, реши да му одаде почит на својот сонародник од Гана. Кристијан Атсу го загуби животот во катастрофалниот земјотрес во Турција и неговото безживотно тело за жал беше пронајдено после 12 дена, поради што Кудус реши својот погодок да го посвети на поранешниот фудбалер на Челси и Њукасл. Фудбалерот на Ајакс го соблече дресот и на маицата под него имаше порака за Атсу, која овојпат го трогна и главниот судија на натпреварот. Во вакви ситуации, судиите ги следат правилата и стандардно покажуваат жолти картони, но Ван Бокел го заобиколи законот и наместо да покаже опомена, го прашуваше емотивниот Кудус дали е добар. – Ние имаме наши фудбалски правила, но ова е над фудбалот. Животот и смртта се над фудбалот. Судијата ми пријде, ми порача дека не е дозволено да го правам тоа, но ми додаде дека сфаќа дека тоа е поголема ситуација од фудбалот. Голем респект од мене до судијата, – порачал Кудус по средбата.

Kudus' first ever free kick for Ajax and he puts it perfectly in the top corner. He can virtually do nothing wrong at the moment. What a goal and what a lovely tribute for his friend Christian Atsu who sadly passed away in the earthquake in Turkey. 🇬🇭❤️ pic.twitter.com/JgIOlrhwOe
— Marc Geschwind (@MarcGeschwind) February 19, 2023

Kudus: "We have football rules but this is beyond football, this is about life and death. The referee told me it's not allowed (shirt removal) but he understands because this is a bigger situation than football. A big respect from me to the referee." pic.twitter.com/kpr623CrPX
— 𝐀𝐅𝐂 𝐀𝐉𝐀𝐗 💎 (@TheEuropeanLad) February 19, 2023

🇬🇭 Kudus on not being booked by the referee: "We have football rules but this is beyond football, this is about life & death. The referee told me it's not allowed, but he understands because this is a bigger situation than football. A big respect from me to the referee" 👏🏾👏🏾👏🏾 pic.twitter.com/6l1FgmerYj
— Bortey 🇬🇭 (@joelbortey) February 19, 2023

Телото на фудбалерот Атсу пронајдено под урнатините во турскиот град Антакија

Тале Кристо — Sat, 18 Feb 2023 10:05:39 +0000

Телото на фудбалерот Кристијан Атсу е пронајдено во урнатините на турскиот град Антакија дванаесет дена по силните земјотреси, пишуваат турските медиуми, повикувајќи се на соопштението на менаџерот Мурат Узунмехмет. Атсу имаше 31 година и беше играч на турскиот прволигаш Хатајспор. Иако неколку часа по земјотресот беше објавено дека тој е пронајден и хоспитализиран, оваа информација два дена подоцна беше демантирана. Ден пред земјотресот, фудбалерот од Гана беше единствениот стрелец во победата на Хатајспор над Касимпас од 1:0. Атсу ја започна кариерата како играч на Порто, од кој беше продаден во Челзи. Како член на Челзи беше на бројни позајмици, а на крајот беше купен од Њукасл и таму остана од 2016 до 2021 година. Тој пристигна во Турција на почетокот на оваа сезона. За репрезентацијата на Гана играше 65 пати.

Се огласи семејството на Атсу: Го нема, не знаеме каде е

Ивона Петрова — Sun, 12 Feb 2023 11:18:22 +0000

Семејството на фудбалерот Кристијан Атсу најде сила да се огласи откако тој исчезна под урнатините по земјотресот во Турција. Се уште се трага по исчезнатиот Кристијан Атсу кој по земјотресот во Турција остана под урнатините на зградата во која се наоѓаше во моментот. Иако клубот во еден момент објави дека Атсу е извлечен од урнатините, тоа не беше случај, а сега се огласи неговото семејство. Сопругата на Мари Клер Рупио, која ја запозна додека играше за Порто во 2012 година, истакна дека се уште верува дека фудбалерот од Гана е жив! -Атсу се уште го нема, не се знае каде точно, но верувам дека се уште е жив. Се молам за него. Поднесов барање до Хатајаспор, турските власти, британската влада да обезбедат опрема. Тие не можат да навлезат длабоко без опрема, а времето истекува, рече таа. Се огласи и Кристијана Атсупиде, сестрата на Атсу , која е целосно несвесна за гласините кои доаѓаат од секаде. -Ако некој го видел, тогаш каде е? Го нема. Јас страдам, имам непроспиени ноќи, се надевам дека ќе го најдат, рекла Кристијана.

ВИДЕО: Клубот потврди, фудбалерот Атсу извлечен жив

Ивона Петрова — Tue, 07 Feb 2023 08:03:19 +0000

Фудбалерот на Хатај, Кристијан Атсу е извлечен жив од под урнатините во истоимениот град. Потпретседателот на клубот, Мустафа Озат за локалните медиуми потврдил дека интернационалецот од Гана кој е поранешен фудбалер на Челси, Њукасл и Евертон, е извлечен повреден од срушениот хотел каде престојувал. -Кристијан Атсу е извлечен од рушевините со повреди. Спортскиот директор на нашиот клуб, Танер Савут, за жал, се уште е под урнатините, изјавил Озат. Вчера вечерта се појави информација дека Атсу е пронајден жив, но набрзо беше демантирана со напомена дека тој се уште е под урнатините. Фудбалерот во неделата навечер во судиското надополнување постигна гол за победа на Хатај. Само неколку часа подоцна се случи катастрофалниот земјотрес.

İnönü Bulvarı Ekinci Mahallesi No: 62 Rönesans Rezidans Çok sayıda insanın sesinin geldiği, Hentbol oyuncusu Cemal Kütahyalı, Hatayspor Sportif Direktörü Taner Savut ve futbolcu Cristian Atsu'nun da olduğu sitede ekipler otoparka girmeye çalışıyor. pic.twitter.com/rymcNGlxan
— Ajansspor (@ajansspor) February 6, 2023

Поранешниот играч на Челси затрупан под рушевините во Турција: Вчера даде гол за победа, денеска се молат за него

Ивона Петрова — Mon, 06 Feb 2023 13:23:04 +0000

Потврдено е дека под урнатините предизвикани од земјотресот во Турција, еден од играчите на Хатај е Кристијан Ацу кој синоќа постигна гол во 97. минута за победа против Касимпаша. Потрагата по репрезентативецот на Гана моментално е во тек, сите се надеваат дека поранешниот играч на Челзи и Њукасл е жив и ќе биде спасен.

Hatayspor'un futbolcusu Cristian Atsu, göçük altında kalmış şuan arama kurtarma ekipleri tarafından arınıyormuş.Rabbim göçük altında kalan tüm insanlara güç kuvvet ver pic.twitter.com/JDSGwTNZWB
— P İ T B U L L (@atavratpitbull) February 6, 2023

Ацу за репрезентацијата на Гана одигра 65 натпревари и постигна девет гола. Тој во Хатајспор пристигна на 6 септември минатата година. Покрај него, објавена е информација и дека спортскиот директор на Хатај, Танер Савут е под урнатините по силниот земјотрес што ги погоди Турција и Сирија.