Кристијан Берге – Kurir.mk

Берге повеќе не е селектор на Норвешка

Бошко Тасиќ — Thu, 24 Feb 2022 19:34:53 +0000

Машката ракометна репрезентација на Норвешка остана без селектор откако Ракометната федерација на Норвешка соопшти дека ја прекинува соработката со Кристијан Берге. Главната причина е желбата на Берге да седне на клупата на новиот проект Колстад. По завршувањето на Европското првенство каде што Норвешка го освои 5. место, Берге доби ултиматум од Ракометната федерација на Норвешка и требаше да одбере дали сака да продолжи како селектор или да ја прифати понудата на Колстад бидејќи во Ракометната федерација не сакаат да имаат селектор кој ќе работи и во клуб. Федерацијата сè уште нема најдено замена бидејќи според договорот, Берге требаше да ги предводи Норвежаните до 2025 година. Берге е селектор на Норвешка од 2014 година со која освои две сребра на Мундијалите во 2017 и 2019 година, а пред две години на Европското првенство Норвежаните беа бронзени.

Норвешка ќе добие нов селектор

Бошко Тасиќ — Tue, 01 Feb 2022 21:22:32 +0000

По третиот последователен неуспех на големите натпреварувања, во Норвешка се наметна прашањето дали селектор треба да биде Кристијан Берге. Берге има договор со Норвешката федерација до 2025 година. Берге е првиот кандидат за клупата на најголемиот клупски проект досега во Норвешка – Колштад. Федерацијата му постави ултиматум на селекторот, а му даде рок од три недели да одговори – доколку го преземе Колштад, Берге нема да може да продолжи со селекцијата.

Се подготвува нов дрим-тим на ракометната мапа во Европа

Бошко Тасиќ — Sun, 19 Sep 2021 07:45:36 +0000

Ракометниот клуб Колштад ќе се обиде да ги собере на едно место најдобрите од норвешкиот ракомет. Неколку имиња веќе се контактирани. Најзвучно од нив е Сандер Сагосен, кој моментално ја игра втората од трите планирани сезони во редовите на Кил. Покрај него, контакт е остварен и со норвешките репрезентативци Магнус Абелвик Рад и Магнус Гулеруд. На тренерската позиција планирано е да се доведе селекторот на Норвешка, Кристијан Берге. Покрај Норвежани, проектот ќе вклучи и неколку исландски интернационалци.

Кристијан Берге нов тренер на Рајн Некар Левен?

Бошко Тасиќ — Fri, 02 Apr 2021 17:32:16 +0000

Германскиот ракометен клуб Рајн Некар Левен, е во потрага по нов тренер откако Мартин Швалб одлучи да се врати во тимот на Хамбург.

“Лавовите“ со ова го продолжуваат патот започнат по заминувањето на Николај Јакобсен во летото 2019 година. По него Кристијан Андерсон брзо ги истроши своите кредити, а корона пандемијата не дозволи да се излече реален заклучок за работата на Мартин Швалб.

Норвешките медиуми ја пренесуваат изјавата на селекторот на норвешката ракометна репрезентација Кристијан Берге, кој призна дека е во преговори со Р.Н.Левен.

Берге има догвор со репрезентацијата на Норвешка до 2025 година.