кристијан даниелсон – Kurir.mk

Мицкоски оствари средба со Директорот на Директоратот за проширување во Европската Комисија Кристијан Даниелсон

Дарко Андоновски — Wed, 29 Aug 2018 15:13:52 +0000

Претседатлот на ВМРО-ДПМНЕ, д-р Христијан Мицкоски, оствари средба со Директорот на Директоратот за проширување во Европската Комисија Кристијан Даниелсон. Во текот на средбата Мицкоски ја афирмираше заложбата на ВМРО-ДПМНЕ поврзани со членството на Република Македонија во Европската унија. Мицкоски нагласи дека ВМРО-ДПМНЕ верува во реформите и идеолошките постулати на европската интеграција. Мицкоски ги повтори ставовите на ВМРО-ДПМНЕ поврзани со Договорот со Република Грција и укажа дека Партијата не може да се согласи со содржината на истиот бидејќи е спротивен со македонскиот правен систем како и меѓународните стандарди и практики. Соговорниците се согласија дека е потребна понатамошна комуникација помеѓу ВМРО-ДПМНЕ и претставниците на Европската комисија со цело зголемената потреба од севкупни реформи на македонскиот правен, политички и економски систем.

Даниелсон ќе ја отвори серијата дијалози „Замислете ја иднината заедно!“

Матеја Петровски — Wed, 29 Aug 2018 05:49:30 +0000

Директорот на Директоратот за проширување и соседска политика при Европската комисија Кристијан Даниелсон денеска во Скопје формално ќе ја отвори серијата дијалози со граѓаните „Замислете ја иднината заедно!“, што ја организира Делегацијата на ЕК во Македонија. Европската делегација во Македонија, почнувајќи од денеска, во наредните неколку дена ќе организира серија дебати и панели во повеќе градови ширум земјата, на кои граѓаните ќе можат директно да му поставуваат прашања на евроамбасадорот Самуел Жбогар и да се интересираат за разни теми (животна средина, земјоделство, прекугранична соработка, локален развој...), релевантни за избраната општина. Делегацијата на ЕУ во земјава, исто така ќе организира работилници за финансиската помош на ЕУ во повеќе градови, каде граѓаните ќе можат да добијат информации за фондови, проекти, и да се советуваат како успешно да аплицираат за проекти. (Миа)