кристијан дисингер – Kurir.mk

Кристијан Дисингер избркан од Колдинг

Бошко Тасиќ — Fri, 08 Sep 2023 05:07:41 +0000

Поранешниот германски ракометен репрезентативец Кристијан Дисингер, требаше да биде ново засилување во Колдинг од Данска, за новата сезона, која веќе започна, но по др изгледа ќе треба што поскоро да најде нов клуб. Како што пренесува данскиот весник „JydskeVestkysten“, екс ракометарот на Вардар пристигнал во Колдинг во понеделникот и одработил само еден тренинг со данскиот суперлигаш, по што следниот ден му било соопштено дека нема да има никаква соработка.

Кристијан Дисингер заминува во Катар

Бошко Тасиќ — Mon, 13 Mar 2023 05:29:06 +0000

Германскиот ракометар Кристијан Дисингер, замина да игра во Катар и кариерата ќе ја продолжи во Ал-Духаил. 31-годишникот беше дел од романскиот Динамо Букурешт, но го раскина договорот со романскиот тим. Следна станица ќе му биде Ал-Духаил со кого потпиша договор до крајот на актуелната сезона и најави атак на титулите.

Двете сестри близначки сега се мажени за ракометари – поранешниот играч на Вардар ја запроси убавата струмичанка, еве кој му е баџанак (ФОТО)

Дарко Андоновски — Thu, 16 Jun 2022 15:23:05 +0000

Поранешниот ракометар на РК Вардар, Германецот Кристијан Дисингер по неколкугодишна љубовна врска, ја запроси неговата девојка, манекенката Марија Андоновска. Парот оваа вест ја сподели на социјалните мрежи, односно Марија сподели фотка од нејзината рака и прстенот и со кратки зборови напиша: „My forever“.

View this post on Instagram

A post shared by Christian Dissinger (@christiandissinger)

Се разбира, нивните пријатели на социјалните мрежи им честитаа за нивната одлука, а помеѓу првите кои напишаа коментар, беше и нејзината сестра-близначка Душица Андоновска која пак е во брак со хрватскиот ракометар Игор Карачиќ.

View this post on Instagram

A post shared by Christian Dissinger (@christiandissinger)

Кристијан Дисингер заминува од Динамо Букурешт

Бошко Тасиќ — Sun, 15 May 2022 06:27:19 +0000

Германскиот ракометар Кристијан Дисингер, се наоѓа на излезна врата од романскиот Динамо Букурешт. Според пишувањата на романскиот медиум „ГСП“, Динамо Букурешт планира на дел од ракометарите да им ги намали платите поради амбициозните планови за следната сезона и зголемениот играчки кадар. Кристијан Дисингер, кој според „ГСП“, заработува месечна плата од околу 12.000 евра, не сакал да прифати намалување и најверојатно ќе го напушти тимот од романската престолнина.Левиот бек од Германија во својата кариера настапуваше за екипите на Кадетен Шафхаузен, Кил и Вардар. Во Вардар беше три сезони, од 2018/19, па сѐ до 2020/21. Во Динамо Букурешт се пресели на почетокот на оваа сезона.

Кристијан Дисингер го има најубавиот гол во групната фаза од Лигата на шампионите (ВИДЕО)

Бошко Тасиќ — Tue, 09 Mar 2021 17:36:57 +0000

Ракометарот на македонскиот ракометен шампион Вардар, Кристијан Дисингер го има најубавиот погодок во групната фаза на Лигата на шампионите.

На натпреварот против ПИК Сегед во Скопје, Дисингер постигна необичен погодок, по асистенција за цепелин од Чупиќ, погоди со шут зад грб. За медиа тимот на ЕХФ ова беше најубавиот гол во групната фаза од Лигата на шампионите.

https://www.youtube.com/watch?v=2qOdp5TOybw

Вардар без Дисингер против Порто

Бошко Тасиќ — Tue, 02 Feb 2021 20:46:43 +0000

Македонскиот ракометен шампион Вардар 1961 замина за Португалија каде в четврток го игра првиот натпревар од Лигата на шампионите за оваа година против тимот на Порто. Патувањето за Португалија доаѓа само еден ден по втората победа во СЕХА лигата, а стратегот Стевче Алушовски нема да менува во составот и со идентични сили ќе му се спротистави на португалскиот шампион. Алушовски овторно нема да може да смета на голманот Робин Кантагрел и ракометарите Кристијан Дисингер и Марко Мишевски, кои останаа во Скопје. Дуелот со Порто ќе биде најава за вардарци за „пеколниот“ февруари во кој ќе одиграат уште шест натпревари во Лигата на шампионите.

Вардар ги задржа шампионите – потпишаа Дибиров, Стоилов и Дисингер!

Дарко Андоновски — Sun, 17 May 2020 20:10:47 +0000

И следната сезона Вардар ќе има силен европски тим, а како најава за нов атак на европскиот врв е останувањето на Тимур Дибиров, Стојанче Стоилов и Кристијан Дисингер. Според информациите на 24ракомет денеска сите тројца потпишале договори кои најавуваат сезона полна со успех, и со нови радости на навивачите, објавува 24 ракомет. Тројцата играчи се меѓу омилените на навивачите и изминатите години беа меѓу носителите на играта. Дисингер дојде лани, но иако неговиот договор истекуваше и имаше најави за заминување реши да остане во клубот со кој ја освои европската титула. Дибиров и Стоилов ги имаат двете ѕвездички, односно двете титули во ЛШ. Новиот претседател Михајло Михајловски полека ги склопува коцките од мозаикот и како што најави до 20 мај или некој ден подоцна ќе ја има сликата и тимот со кој Вардар ќе влезе во новата сезона. Остануваат уште некои детали по што „црвено-црните“ ќе тргнат во продолжување на испишување на победничката традиција. Останува да се реши само пивотменот Глеб Калараш дали и тој ќе остане исто како и неговите соиграчи. Во меѓувреме Михајловски го донесе Томислав Јагуриновски од Металург, а потпиша нови договори со неколку млади ракометари од вториот тим на Вардар. Во „Јане Сандански“ останува и Иван Чупиќ кој потпиша договор пред неколку денови. И тој е еден од оние што ги имаат двете европски круни. Финансиската стабилизација на клубот е решена, а се најавуваат и нови играчи кои треба да ги пополнат празните места во екипата. Но, Михајловски уште пред еден месец најави дека им порачал на играчите да бидат уште малку трпеливи. Сега е време на реализација на плановите и на споделување на радосни вести. Вардар во средината на јули ќе може растоварен од сите проблеми да ги почне подготовките за новата сезона и да се надева дека доколку се одржи Ф4 турнирот на СЕХА ќе се бори за својот шести трофеј. В година „црвено-црните“ ќе играат во групната фаза од Лигата на шампионите меѓу 16-те најдобри екипи во Европа.

„Здраво Македонијо“: Дисингер со обраќање на македонски јазик

Ивана Ефремовски — Mon, 03 Jun 2019 22:42:03 +0000

Германецот Кристијан Дисингер се обрати пред огромниот број навивачи кои вечерва во Скопје приредија достоинствен дочек за Вардарци. Тој, на изненадување на сите, се обрати на македонски јазик. „Здраво на сите. Здраво Македонијо. Ве сакам сите. Без вас немаше да успееме. Ова е неверојатно“, изјави Дисингер.

ФОТО: Еве што прави бекот на Вардар во слободно време

Ристе Здравков — Fri, 04 Jan 2019 11:21:07 +0000

Моментално актуелни се подготовките за настап на Светското ракометно првенство кое од 10.јануари ќе стартува во Германија и Данска. Познато е дека дел од играчите на Вардар се со своите репрезентации, додека дел од нив одмараат во својата родна земја. Најновото засилување на црвено-црните, Кристијан Дисингер кој пристигна од Кил не доби повик од селекторот Прокоп за настап во репрезентацијата на Германија. Левиот бек на Вардар слободно време го користи за релаксација, одмор и читање на книга. На 8.јануари, Дисингер треба да биде во Скопје кога ќе биде првиот собир на вардарци во новата 2019 година. Тој заедно со останатите играчи кои нема да настапат на мундијалот ќе се подготовуваат со помошниот тренер, Билјана Црвенковска, пред продолжување на предизвиците кои им следат.

ВИДЕО: Маестрален потег на Дисингер

Ристе Здравков — Sat, 08 Dec 2018 20:20:26 +0000

Последното засилување за Вардар во оваа сезона, Кристијан Дисингер покажа зошто неговото место е во составот на „црвено-црните“ и зошто е големо засилување за тимот кој во моментов е лидер во СЕХА-лигата, но е и второпласиран во групата А во Лигата на шампионите. Дисингер имаше одличен почеток на средбата во Ниш. Тој постигна два од првите четири гола, а вториот беше особено убав бидејќи беше акција која ја почна самиот од својот простор. Тој пресече една топка и успеа да истрча до шестте метри на противникот. Притоа дојде до позиција за шут, но беше направен прекршок. Не се двоумеше околу тоа да изнудува прекршок или да бие, па дојде во ситуација да шутира од зад грб. Како изгледаше акцијата погледнете во видеото во продолжение. Извор: 24rakomet.mk