кристијан ериксен – Kurir.mk

„Не можам да ги гледам моите слики од тој момент“: Исповед на Драгиша Гудељ по срцевиот застој на терен, открива како Ериксен му помогнал

Ивона Петрова — Thu, 20 Jul 2023 08:04:08 +0000

Ги исплаши сите кога се струполи на тревата, но сега Драги му се враќа на фудбалот и зборува за денот кој му го промени животот. На 25 март срцето на Драгиша Гудељ застанал на три минути, а потоа буквално се вратил во живот! Актуелниот фудбалер на Кордоба Драгиша Драги Гудељ, си ја отвори душата во интервју за шпанска Марка. Откако беше опериран, српскиот фудбалер кој го продолжи договорот со Кордоба до 2025 година, се врати на теренот само 111 дена подоцна, минатиот петок на пријателскиот натпревар против Севиља, тимот на неговиот брат Немања. Какво е чувството да се вратиш на теренот по ваков настан? „Кога знаев и кога ми беше јасно дека ќе играм повторно, само помислив дека морам да бидам посилен од било кога. Тоа ми беше многу јасно. Затоа веднаш сакав да дадам се од себе. Му благодарам на Бога што се вратив на теренот и што можам да се борам за она што го правам цел живот. Се чувствував добро, самоуверено и многу силно, рече Драгиша на почетокот на разговорот. Како го помина целиот процес овие месеци и сите тестови кои се сметаат за погодни за продолжување на кариерата? „Живеев доста тешки месеци, физички и психички. Особено на ментално ниво. Имаше многу емоции и многу сомнежи, со многу тестови што морав да ги направам, вели Гудељ. Многумина го споредуваат вашиот случај со случајот на Ериксен, иако тој беше во болница еден месец. „Точно, тој беше подолго, 8 месеци надвор од теренот. Јас имав можност да одиграм натпревар точно 111 дена по тоа што ми се случи. Сега е се поинаку. Инаку, многу сум му благодарен на Кристијан Ериксен бидејќи многу ми помогна во процесот низ кон минував. Веќе во првата недела која ја поминав во болница имав можност телефонски да разговарам со него. Совршено ме разбра низ што поминувам и можеше да ми ги пренесе емоциите и да ми даде вистински совет. Тој продолжи да ми помага и во овие месеци. Успеав брзо да го променам чипот во главата и да размислувам позитивно, открива фудбалерот. Се сеќаваш ли на нешто од тој ден? "Да, се сеќавам многу, речиси на се, освен оние седум или 10 минути. Откако паднав на тревата, ништо не се сеќавам. Кога се разбудив на носилки, да, од таа секунда се сеќавам на сè. Видов луѓе во близина и ме ставаа во брза помош, а потоа прашав: "Што ми се случи?" И му кажав на тренерот дека не можам да се одврзам, дека сакам да продолжам да играм, не знаев што ми се случи, мислев дека нешто ме удри. Чудно е затоа што се чувствував добро, иако со многу адреналин, очигледно. Тогаш го видов татко ми и неговото лице... Ми рече: „Драги, опушти се, смири се одма“. И од неговото лице видов дека нешто сериозно ми се случило и дека треба да се смирам. Откако влегов во брзата помош, докторот ми кажа што ми се случило. И кога ќе ви кажат дека срцето ви застанало на три и пол минути, светот исто така застанува на неколку секунди. Не знам како да го објаснам моето чувство кога ми кажаа, открива Гудељ. Дали сакавте да ги видите сликите или претпочитате да ги игнорирате? „Ги видов сликите и солзите почнаа неконтролирано да течат. Не знам дали некогаш ќе го заборавам тој ден, јас сум во кревет. Татко ми и брат ми ми рекоа дека не морам да гледам ништо, но кога ќе ти се случи нешто вакво, чувството е посилно од твојата глава. Се гледаш себеси како паѓаш на земја, не се мрдаш, знаејќи дека твоето срце застанало. Го исклучив видеото и сакав да заборавам. Не го гледав повторно и затоа првиот месец го избришав профилот на Инстаграм. Сликите беа насекаде, на социјалните мрежи и не сакав повеќе да ги гледам, изјави Драгиша Гудељ.

Кристијан Ериксен се врати на тренинзите на Манчестер Јунајтед

Бошко Тасиќ — Fri, 07 Apr 2023 04:47:43 +0000

Играчот од средниот ред на Манчестер Јунајтед, Кристијан Ериксен се врати на тренинзите со првиот тим. Данецот беше надвор од терените од јануари кога заработи повреда на зглобот откако беше повреден во дуел со Енди Керол во натпреварот од ФА Купот против Ридинг. Првичните проценки беа дека тој ќе биде на опоравување до крајот на април или почетокот на мај, но се чини дека играчот се опорави побрзо од очекуваното и сега продолжи со вообичаените тренинзи. Има најави дека Ериксен би можел дури и да биде во составот за саботниот дуел со Евертон во Премиер – лигата.

Ја доживеа истата судбина како Ериксен: Драгиша Гудељ бил оживеан на теренот, само под еден услов може да продолжи да игра

Ивона Петрова — Thu, 30 Mar 2023 16:05:58 +0000

Драгиша Гудељ, братот на српскиот репрезентативец Немања Гудељ, кој изгуби свест поради срцев удар минатата сабота на натпреварот помеѓу Кордоба и Расинг Фенарол, наскоро би можел да се врати на теренот. Пред тоа ќе мора да ќе биде подложен на операција, ќе му биде вграден кардиовертер дефибрилатор, објави неговиот клуб на својот официјален профил на Инстаграм. Од Кордоба на официјалниот Инстаграм профил напишаа дека Драгиша сака повторно да игра. -На Гудељ наскоро ќе му биде вграден апарат ICD (имплантен кардиовертер дефибрилатор) и би можел да продолжи да го демонстрира својот голем талент и на тој начин да придонесе за одбраната на тимот. Лекарските прегледи потврдиле дека Србинот имал вентрикуларна тахикардија, која предизвикала срцев удар, а со тоа и ненадејна смрт. Со брзата интервенција на лекарските служби неговиот живот е спасен. Намерата на дефанзивецот на Кордоба е повторно да игра фудбал по примерот на играчи како Кристијан Ериксен. На данскиот играч му се случи истото на натпреварот за ЕП 2020 и успеа да се врати да се натпреварува на највисоко ниво. Тој игра за Манчестер Јунајтед. Уште еднаш, клубот сака да ја изрази нашата благодарност за апсолутната грижа и се што направија за нашиот играч во болницата „Реина Софија“ – напишаа тие.

View this post on Instagram

A post shared by Córdoba Club de Fútbol (@cordobacf_oficial)

Ериксен на теренот порано од очекуваното

Ивона Петрова — Fri, 10 Mar 2023 19:59:10 +0000

Играчот од средниот ред на Манчестер Јунајтед, Кристијан Ериксен успешно се опоравува од повредата на скочниот зглоб. Иако се предвидуваше дека може да се врати на терените на крајот на април и почетокот на мај, се верува дека тоа би можело да биде многу порано. Ерик тен Хаг пред натпреварот со Саутемптон во недела откри дека Ериксон дефинитивно ќе игра пред крајот на сезоната. -Тој дефинитивно ќе игра оваа сезона. Не можам точно да предвидам кога, но неговиот процес на рехабилитација оди добро, се е според планот. Ќе го видиме, но не пред репрезентативната пауза. Неговиот главен фокус е да се врати како што е можно поскоро бидејќи ни требаат сите наши играчи, рече Тен Хаг. Јунајтед се уште се бори на три фронта, во Премиер лигата, ФА Купот и Лигата на Европа, а во февруари го освои трофејот во Лига купот.

Ериксен три месеци надвор од терените

Тале Кристо — Tue, 31 Jan 2023 16:21:04 +0000

Данскиот фудбалски репрезентативец Кристијан Ериксен се повреди и ќе биде надвор од теренот во следните три месеци, соопшти денеска Манчестер јунајтед. Премиерлигашот наведе дека нема да бара изнудени алтернативи за повредениот Ериксен во овој преоден рок кој истекува ноќеска на полноќ. „Тешко е да донесете некого на последниот ден од преодниот рок. Имаме добри играчи во средниот ред, кои можат да ја пополнат празнината. Постои надеж дека Кристијан навреме ќе се врати да ги одигра клучните натпревари во последната фаза од сезоната“, изјави тренерот на Манчестер јунајтед, Ерик тен Хаг. Ериксен дојде во Јунајтед во летниот преоден рок без обесштетување од Брентфорд и досега сезонава за клубот од „Олд Трафорд“ запиша седум асистенции и еден гол.

УЕФА ќе му плати обештетување на Интер поради срцевиот удар на Ериксен

Бошко Тасиќ — Sat, 29 Oct 2022 18:33:39 +0000

Интер ќе добие отштета од УЕФА за несреќата на Кристијан Ериксен на ЕП 2020. Поранешниот играч за врска на „нероаѕурите“о 43. минута од натпреварот против Финска на Европското првенство доби срцев удар, а лекарите со крајни сили успеаја да го одржат во живот. Подоцна Ериксен се опорави и доби поткожен дефибрилатор, што според пропозициите за спорт во Италија го спречи да ја продолжи кариерата на Апенините. Ериксен беше ослободен од Интер во декември 2021 година и му се приклучи на Брентфорд со шестмесечен договор. Поради оваа причина, УЕФА ќе му плати на Интер околу 3 милиони евра обештетување.

ОФИЦИЈАЛНО: Ериксен продолжува во Манчестер Јунајтед

Ристе Здравков — Fri, 15 Jul 2022 14:40:27 +0000

Манчестер Јунајтед потврди дека Кристијан Ериксен е нов член на клубот и потпиша договор до 2025 година. Данецот се раздели со Брентфорд и одлучи да продолжи во Премиер лигата. Во новата екипа ќе има можност да соработува со Ерик Тен Хаг. „Манчестер Јунајтед е посебен клуб и едвај чекам да започнам. Многупати ја имав привилегијата да играм на „Олд Трафорд“, но да го направам тоа во црвениот дрес на Јунајтед ќе биде неверојатно чувство“, изјави играчот за врска. 30-годишникот претходно играше за Ајакс, Тотенхем, Интер и Брентфорд.

Christian Eriksen is a RED! ✍️🔴#MUFC || @ChrisEriksen8
— Manchester United (@ManUtd) July 15, 2022

Ериксен се договори со Манчестер јунајтед

Тале Кристо — Mon, 04 Jul 2022 18:00:42 +0000

Данскиот фудбалски репрезентативец Кристијан Ериксен (30) постигна договор со Манчестер јунајтед, јавија попладнево британските медиуми. Според истите извори, Ериксен откако ќе ги мине задолжителните лекарски прегледи треба да потпише тригодишен договор со клубот од „Олд Трафорд“. Ериксен доаѓа во Јунајтед без обесштетување, откако му истече договорот со премиерлигашот Брентфорд. На негов трансфер во Манчестер јунајтед инсистираше новиот тренер Ерик тен Хаг. Ериксен минатата година за време на ЕУРО2020 доживеа срцев удар на теренот и само брзата лекарска интервенција со спаси од смрт. Подоцна му беше вграден срцев дефибрилатор.

Ериксен и Манчестер Јунајтед си подале рака

Ристе Здравков — Mon, 04 Jul 2022 11:43:54 +0000

Данскиот фудбалер Кристијан Ериксен ќе биде нов член на Манчестер Јунајтед. Се очекува официална промоција, а двете страни веќе си подале рака за тригодишен договор на Данецот. Ериксен досега беше дел од Брентфорд, каде играше по рехабилитацијата од срцевиот удар за време на минатогодишното ЕВРО на дуелот со Исланд. Ериксен во минатото го носеше дресот и на Интер и на Тотенхем, а ова ќе биде големо засилување за Манчестер Јунајтед. Тој на „Олд Трафорд“ доаѓа како слободен агент и ќе биде второто засилување за Јунајтед. Првото е Маласија од Феенорд.

Манчестер Јунајтед со конкретен чекор, му понудил договор на Кристијан Ериксен

Ристе Здравков — Tue, 14 Jun 2022 19:49:29 +0000

Дејвид Орштајн кој е добро познат новинар во Англија кој ретко пренесува непроверени шпекулации денеска објави дека Манчестер Јунајтед презел конкретни чекори во намерата да ангажира еден играч од средниот ред.

Приоритет на Тен Хаг е засилување во „срцето“ на тимот, односно во средината на теренот каде главна желба е Френки Де Јонг.

И додека од клубот го чекаат Холанѓанецот, но и Барселона за да се реализира трансфер, наводно веќе била упатена понуда за соработка до Кристијан Ериксен.

30 годишниот дански фудбалер е слободен агент и без обесштетување може да ја промени средината, а наводно Тен Хаг со задоволство би сакал да го види Ериксен на „Олд Трафорд“.

Во текот на вчерашниот ден излегоа информации дека Ериксен е во сериозни преговори и со Тотенхем и Брентфорд, а сега Манчестер Јунајтед излегува како последна опција за одличниот фудбалер.

Самиот Ериксен истакна дека ќе му биде многу важно да игра во Лигата на шампионите уште еднаш, но нагласи дека тоа нема да е пресудно за изборот на следниот клуб.