Кристијан Пулишиќ – Kurir.mk

Новото засилување на Милан: Имаме квалитет да го добиеме Интер и да освоиме титула

Ристе Здравков — Thu, 14 Sep 2023 08:52:30 +0000

Во Италија викендов е на ред дербито дела Мадонина, во кој се среќаваат Милан против Интер. Новиот фудбалер на „росонерите“ Кристијан Пулишиќ е уверен дека неговиот клуб го има потребниот квалитет за да направи разлика и предност пред конкуренцијата и дека и сезонава можат да го освојат Скудетото. Милан има скоро совршен старт на новата сезона, добивајки ги сите натпревари, што најавува веројатно одлична сезона за нив. „За мене немаше дилема дека сакам да потпишам со Милан, пред се поради фановите, ја видов нивната страст во навивањето. Сан Сиро е импресивен стадион и среќен сум што ќе настапувам овде. Сега играме дерби против Интер, тие се силна екипа и секогаш е тешко да се игра против нив, тоа се покажа и во ЛШ“. „Сонувам да постигнувам голови и асистенции за Милан, со нетрпение чекам да го облечам дресот на Милан во рамки на ЛШ. Јас сум хипер компетитивен и во клубот очекуваат многу од мене. Сметам дека имаме квалитет да извојуваме победа на секое дерби. Имаме добар старт на сезоната и верувам дека тоа ќе продолжи. Сакаме да го победиме Интер и ќе се обидеме да дојдеме до добар резултат“, порача Пулишиќ. Натпреварот се игра во сабота од 18 часот, а освен ова дерби, ќе има уште едно, Јувентус ќе го пречека составот на Лацио.

Милан договори ново засилување, доаѓа Кристијан Пулишиќ

Ристе Здравков — Fri, 07 Jul 2023 18:39:39 +0000

Екипата на Милан договори засилување за офанзивата, бидејќи пред потпис со „росонерите“ е Кристијан Пулишиќ. Крилниот фудбалер не е во плановите на Почетино во Челзи, па се реши за нов предизвик. За услугите на Пулишиќ, Милан на Челзи ќе му исплати дваесет милиони евра, плус одредени бонуси. Фудбалерот веќе одамна има договор со клубот, ќе парафира четиригодишен договор и сега остануваат да се завршат уште најситни детали за зделката да се официјализира. Пулишиќ се очекува во наредните денови да пристигне во Милано, каде што ќе мине медицински тестови и ќе стави потпис на договор. Челниците на Милан се фрлија на работа откако го продадоа Сандро Тонали за осумдесет милиони евра во Њукасл. Веќе комплетирани се трансферите на Лофтус Чик како директна замена, исто така од Челзи, Лука Ромеро и Марко Спортиело потпишаа како слободни агенти за ротација во ростерот, а се работи и на други трансфери.

Американците ја добија битката за мундијалски живот со Иран!

Ристе Здравков — Tue, 29 Nov 2022 21:09:23 +0000

Фудбалската репрезентација на Соединетите Американски Држави ја исполни целта, победи во клучната пресметка против Иран (0-1) и како второпласирана од Групата Б патува во осминафиналето на Светското првенство (СП) кое се игра во Катар. Ова е трето Светско првенство во последните четири изданија на кои Американците ја минуваат групната фаза. Истото им успеа во 2010 и 2014 година, додека на СП 2018 во Русија не се квалификуваа. Избраниците на Берхалтер во осминафиналето вкрстуваат со репрезентацијата на Холандија, додека лидерот од групата Б, Англија, ќе вкрсти со Сенегал. Иранците беа далеку од нивото на претходните средби и ја немаа онаа агресивност во нападот која им носеше шанси. Американците ја држеа топката уште од почетокот на натпреварот и имаа иницијатива кон голот на Беиранванд, но не можеа да го пробијат добро поставениот одбранбен бедем на азиската селекција. Од првата сериозна шанса, Американците дојдоа до погодок. Се играше 38. минута кога Кристијан Пулишиќ се жртвува и изведе акробација во казнениот простор по која постигна гол, а потоа се судри со голманот и се повреди. Не можеше да го продолжи натпреварот поради ударот кој го доби во пределот на главата и на стомакот. Пред финишот на првиот дел, Тимоти Веа успеа да се запише во листата на стрелците за 0-2, ама судиите го поништија голот поради офсајд. Одлуката беше точна, на пауза САД замина со плус од еден погодок, а вториот дел беше вистинско тактичко надмудрување. Имаше доста прекини, а Иранците немаа повторно зрела можност за да дојдат во позиција да стрелаат за реми кое ќе им донесеше нокаут-рунда. Конечно, првата можност за израмнување Иран ја имаше во 98. минута кога се бараше и пенал, но судијата Лахоз не реагираше на жестоките протести.

Пулишиќ: Направивме горди многу Американци

Бошко Тасиќ — Sat, 26 Nov 2022 06:02:42 +0000

Напаѓачот на американската репрезентација Кристијан Пулишиќ беше еден од најдобрите поединци на натпреварот против Англија, кој заврши без победник и без голови. „Колективно имавме многу солиден настап против исклучителен противник. Се надеваме дека направивме горди многу луѓе во нашата земја. Тоа ни дава самодоверба за последниот натпревар, во кој победата ќе биде императив“, изјави Пулишиќ. Англија во вторник ќе игра против Велс, додека Американцит истиот ден ќе се сретнат со Иран. Англија дури и со пораз ќе игра осминафинале, а само Велс, од сите четири селекции во групата Б, не зависи сам од себе за пласман во следната рунда.

Пулишиќ: Сакаме да го промениме начинот на кој светот размислува за американскиот фудбал

Тале Кристо — Thu, 17 Nov 2022 09:26:24 +0000

Напаѓачот на Челзи и репрезентацијата на САД, Кристијан Пулишиќ ги сподели своите размислувања за Светското првенство во 2022 година. – Сакаме да го промениме начинот на кој светот размислува за американскиот фудбал. Ова е една од нашите цели. Мислам дека треба да се докажуваме. Можеби во последните децении не бевме на нивото на некои од светските фудбалски сили. Но, мислам дека можеме да направиме чекор напред и дека успешното домаќинство на Светското првенство може многу да промени, го цитира 24-годишниот напаѓач „MLSsoccer“. Светското првенство во Катар ќе се одржи од 20 ноември до 18 декември. Селекцијата на САД ќе игра во група со Англија, Иран и Велс.

Пулишиќ ги прифати условите, од јануари се сели во друг премиерлигаш

Ристе Здравков — Wed, 19 Oct 2022 08:20:03 +0000

Американскиот фудбалер Кристијан Пулишиќ не е задоволен од статусот кој го има во екипата на Челзи. Поради тоа офанзивецот во изминатиот период работи на трансфер надвор од Лондон. Англиските медиуми пишуваат дека тој се договорил со својот нов клуб. Од јануари се очекува 24-годишникот да го засили Њукасл Јунајтед. „Страчките“ за него наводно одвоиле 40 милиони евра. Пулишиќ, кој игра во лондонскиот гигант од 2019 година кога пристигна од Борусија Дортмунд за 64 милиони евра, стартуваше само на два натпревари во Премиер лигата оваа сезона и постигна само еден гол во сите натпреварувања.

Пулишиќ заминува од Челси

Бошко Тасиќ — Sun, 26 Dec 2021 07:15:59 +0000

Англиските медиуми објавија дека Томас Тухел во Кристијан Пулишиќ не гледа долгорочна опција во нападот на Челси. Пулишиќ веќе има неколку клубови од Италија и Германија кои се интересираат за фудбалерот на „сините“. Тековниот договор на 23-годишникот со премиерлигашот истекува во 2024 година. И покрај тоа, се шпекулира дека тој ќе заврши надвор од Лондон во зимскиот преоден рок, во потрага по повисока минутажа. Оваа сезона Пулишиќ одигра тринаесет натпревари на кои постигна два гола и пмаше две асистенции.