Кристијан Ромеро – Kurir.mk

Тотенхем го купи Ромеро од Аталанта за 50 милиони евра

Ивона Петрова — Tue, 30 Aug 2022 10:53:22 +0000

Дефанзивецот Кристијан Ромеро е нов фудбалер на премиерлигашот Тотенхем. Лондонскиот клуб го купи 24-годишниот играч од Аталанта. Аргентинецот минатата сезона играше во Спарс на позајмица. Трансферот на Ромеро изнесува 50 милиони евра, според инсајдерот Фабрицио Романо. Кристијан потпиша договор со Тотенхем до 2027 година. Одбранбениот фудбалер минатата сезона одигра 22 натпревари во Премиер лигата и постигна еден гол. Сезонава настапи на два натпревара.

Ромеро ја засилува одбраната на Јувентус

Ивана Ефремовски — Fri, 12 Jul 2019 19:28:41 +0000

Аргентинскиот дефанзивец Кристијан Ромеро е најновото засилување на екипата од Торино. Досегашниот бек на Џенова, веќе го потпишал договорот со Старата дама, кој треба да трае пет години, но под услов следната сезона да ја помине на позајмица во својот сегашен тим. Аргентинскиот 21 годишен фудбалер важи за многу талентиран фудбалер, кој минатата сезона одигра одлично во редовите на Џенова со што го привлече вниманието на италијанските шампиони. По пократки преговори, трансферот конечно беше реализиран во задоволство на сите три страни, така што Ромеро ќе му се придружи на на својот иден клуб во Торино на почетокот на сезоната 2020/2021. (МИА)

Бардзали: Ромеро новото засилување на Јувентус

Дарко Андоновски — Fri, 24 May 2019 14:46:50 +0000

Легендарниот италијански бек Андреа Бардзали, кој се прости од „Старата дама“, на заминување на јавноста и откри нова вест. Станува збор за ново засилување на клубот од Торино, односно дека од Џенова ќе дојде Кристијан Ромеро. -Ромеро има голем потенцијал. Тој ќе се приклучи на групата играчи кои можат многу да го научат, освен тоа, тука се Бонучи и Кјелини, изјави Бардзали за „Газете дело Спорт“. Сега веќе пензинираниот играч на Јувентус, за оваа екипа одиграл 281 натпревар, а постигнал два гола.

Ромеро во Јувентус за 20 милиони евра

Ивона Петрова — Tue, 08 Jan 2019 12:11:02 +0000

Шампионот Јувентус го договори трансферот на одбранбениот играч на Џенова, Кристијан Ромеро, објавија италијанските медиуми. Според „Ла Сатмп“ износот на трансферот ќе биде 20 милиони евра. Информациите од таборот на Јувентус велат дека аргентинскиот играч ќе остане во Џенова до крајот на сезоната, а потоа ќе се пресели во Торино. Во Јувентус беа импресионирани од тоа како Ромеро играше против нив, особено како го чуваше Кристијано Роналдо. Дваесет годишниот играч оваа сезона одигра 11 натпревари за Џенова и постигна еден гол. МИА