Кристина Еплгејт – Kurir.mk

Познатата актерка за борбата со МС: Не можам да се симнам по скали

Ивона Петрова — Fri, 05 May 2023 18:17:24 +0000

Познатата актерка Кристина Еплгејт, на која и беше дијагностицирана мултиплекс склероза, неодамна проговори за тоа како се справува со оваа болест. Имено, на актерката пред две години и била дијагностицирана мултиплекс склероза и сега се движи со помош на бастун, а поради оваа болест објави крај на актерската кариера. Таа во интервју за Vanity Fair откри со какви ситуации се справува секојдневно. -Со мултиплекс склероза, никогаш не е добар ден. Само имаш мали пос**ни денови. Луѓето ме прашуваат зошто не се туширам почесто. Па, затоа што туширањето е страшно за мене. Може да паднеш, можеш да се лизнеш, нозете можат да попуштат. Особено затоа што имам стаклен туш. Се плашам да влезам таму, објасни Еплгејт на почетокот на своето интервју. „Постојат само одредени работи што луѓето ги земаат здраво за готово во нивните животи, а јас ги земав здраво за готово. Слегувањето по скали или носењето работи се работи што повеќе не можам да ги правам. Сè уште можам да го возам мојот автомобил на кратки растојанија. Можам да му носам храна на моето дете, но не можам да одам горе-долу“, изјавила актерката.

НЕ МОЖАМ ДА СЕ КАЧАМ ПО СКАЛИ! Актерката оди во пензија, поради лошата здравствена состојба повеќе не може да работи!

Ристе Здравков — Tue, 15 Nov 2022 19:54:02 +0000

Американската глумица Кристина Еплгејт, поради болеста ќе мора да ѝ стави крај на филмската кариера. Имено, во интервју за „Варајети“ (Variety), таа откри дека нејзината главна улога во серијата на Нетфликс – „Мртви за мене“ (Dead to Me) би можела да биде нејзино последно појавување на малите, и на големиот екран, поради засилената битка што ја води со МС (мултиплекс-склероза). – Џен Хардинг веројатно ќе биде последниот лик што го глумам. Со мојата болест, не знам за што веќе сум способна. Но, ова беше дар!, изјави Еплгејт, на која на почетокот на минатата година ѝ беше дијагностицирана МС. Глумицата, која е на прагот на шестото десетлетие од својот живот, вели и дека работата на серијата ѝ помогнала да сфати колку всушност е способна за работа – дефинитивно не може веќе да работи 18 часа на ден. Еплгејт првпат проговори за нејзините здравствени проблеми лани во август, објавувајќи на Твитер дека тоа било „чудно патешествие и тежок пат“. На почетокот на месецов, пак, таа проговори и за некои од компликациите и последиците на МС, како тоа дека наеднаш „се здебелила“ речиси 20 килограми и оти е „лута“ што ќе мора да оди со бастун.

Актерката Кристина Еплгејт оди во пензија поради болест

Ивона Петрова — Mon, 14 Nov 2022 07:34:25 +0000