Кристина Неагу – Kurir.mk

ЕХФ ја казни Неагу

Бошко Тасиќ — Sun, 03 Sep 2023 06:40:52 +0000

Ракометниот Суд на Европската ракометна федерација ја казни парично романската легенда Кристина Неагу. Левиот бек на ЧСМ Букурешт и романската репрезентација, доби казна од 4.000 евра поради навреди кон официјални лица. Неагу ја критикуваше лошата арбитража на четвртфиналниот меч меѓу ЧСМ Букурешт и Есбјерг кој се играше на 7 мај годинава. Ракометниот Суд смета дека се прекршени oсновните правила на фер-плејот од страна на Неагу.Романката ќе треба да плати 2.000 евра, а останатите 2.000 се дел од условна казна, која ќе се активира ако делото се повтори во следниот период.

Легендарната светска ракометарка заминува во пензија

Бошко Тасиќ — Tue, 18 Apr 2023 04:43:29 +0000

Романката Кристина Неагу важи за една од најдобрите светски ракометарки, но многу скоро таа може да замине во пензија и да се посвети во друг сегмент на ракометната игра, пишуваат медиумите од Романија. Неагу, која има 34 години и настапува на левата бековска позиција, по крајот на Европското првенство (ЕП) со Романија соопшти дека за неа ова беше последен континентален настап. Иако Романките се дел од Светското првенство, не е познато дали Неагу ќе игра на ракометниот собир. Моментално, Неагу е дел од ЦСМ Букурешт. Засега нема конкретни информации дали таа ќе се пензионира, но на големо се зборува за тоа. Инаку, Кристина Неагу е најдобар стрелец во историјата на Европските првенства со 303 гола. И тоа и во машкиот и во женскиот ранкинг. Зад неа е Исланѓанецот Гудјон Валур Сигурдсон со 288 гола. Романката истовремено е и едиствениот играч со награда од ИХФ за најдобар играч на планетата, во 2010, 2015, 2016 и 2018 година. Најдоброто издание на Неагу беше во Будуќност во 2015 година кога ја освои Лигата на шампионите.

Неагу испиша историја на ЕП во Скопје

Бошко Тасиќ — Fri, 18 Nov 2022 06:20:18 +0000

Најдобрата романска ракометарка Кристина Неагу ја испиша историјата на Европските првенства во машка и женска конкуренција. На неверојатната Романка и беа потребни два гола за да стане најдобар стрелец на сите времиња на ЕП и тоа го направи на импресивен начин – постигна девет против Црна Гора во поразот на својата репрезентација со 35:34. Така Неагу стигна до бројката од 296 погодоци, а зад себе ги остави Исланѓанецот Гудјон Валур Сигурдсон (288), Французинот Никола Карабатиќ (279) и Данецот Микел Хансен (260). Топ-пет листата ја затвораат две ракометарки со 205 гола – Црногорката Јованка Радичевиќ и Унгарката Агнес Фаркаш. Романката четирипати беше прогласуван за најдобра ракометар во светот (2010, 2015, 2016, 2018).

Циндриќ најдобар европски ракометар за 2017 година

Ивона Петрова — Sun, 07 Jan 2018 12:55:32 +0000

Лука Циндриќ и Кристина Неагу се избрани за најдобари ракометари во Европа за изминатата 2017 година во изборот што го спроведе Европската ракометна федерација (ЕХФ). Ракометарот на Вардар, Циндриќ беше еден од клучните играчи за освојувањето на европската титула на Вардар, а токму со неговиот гол црвено-црните во полуфиналето ја елиминираа Барселона. Хрватот доби 6.731 гласа (46 отсто) од гласовите, на фановите кои партиципираа во онлајн изборот. Зад него се наоѓаат Мате Лекаи со 41 процент, додека како треторангиран заврши голманот на Вардар, Арпад Штербик со шест отсто од гласовите. Кај дамите наградата за најдобра ракометарка во 2017 година ја доби Романката, Кристина Неагу.