Кристобал – Kurir.mk

Тропската бура Кристобал го погоди југоисточниот дел на САД

Ивона Петрова — Mon, 08 Jun 2020 05:23:52 +0000

Тропската бура Кристобал го погоди брегот на југоисточната американска држава Луизијана, објави американскиот Национален центар за урагани. Невремето, кое со себе донесе ветер од 85 километри на час, се наоѓа на околу 80 километри југоисточно од Њу Орлеанс. Центарот за урагани претходно соопшти дека прогнозира оти тропската бура ќе предизвика обилни дождови на потегот од источен Тексас до Флорида. Гувернерот на Луизијана, држава која многу пати страдаше од урагани, прогласи вонредна состојба пред потенцијалниот удар на тропската бура. Во некои предградија на Њу Орлеанс, властите повикаа на доброволно евакуација поради опасност од поплави.

Тропската бура Кристобал му се заканува на југоистокот на САД

Тале Кристо — Sun, 07 Jun 2020 08:59:32 +0000

Тропската бура Кристобал, што се движи кон југоисточниот дел на САД, веќе предизвика торнадо на Флорида и обилни дождови, како и поплави во Мексико и Централна Америка. Се очекува бурата вечерва да го погоди американското тло, но се проценува дека нема да се претвори во ураган. Во торнадото во Орландо, на Флорида, нема повредени, но има многу урнати дрвјата и дојде до прекин на електричната енергија. Американскиот Центар за урагани предвидува дека тропската бура ќе предизвика големи дождови на потегот од источен Тексас до Флорида. Гувернерот на Луизијана, државата која многу пати досега беше погодена од урагани, прогласи вонредна состојба пред потенцијалниот удар на тропската бура, пренесе Гласот на Америка. -Време е да направите планови за итни случаи, но овој пат тие да вклучуваат и маски и средства за дезинфекција, со оглед дека продолжуваме да се бориме и против пандемијата на коронавирусот, кажа гувернерот Џон Бејл Едвардс. Во некои предградија на Љу Орлеанс надлежните служби повикаа на доброволна евакуација заради опасноста од бранови и поплави што ќе ги донесе бурата.

Тропската бура Кристобал го поплави Мексико

Ивона Петрова — Thu, 04 Jun 2020 09:49:54 +0000

Тропската бура Кристобал предизвика поројни дождови и големи поплави во некои делови на Мексико, но според прогнозите би можела до вечерва да премине во „тропска депресија“, соопшти американскиот Центар за урагани. Бурата Кристобал, со брзина на ветрот од 75 километри на час, го погодила брегот на Мексико 35 километри од Сијудад дел Кармен. Според американскиот Центар за урагани, се очекува бурата повторно да зајакне утре изутрина. Мексиканската војска евакуирала 138 лица во градот Кампече поради поплавите кои претставувале опасност за домовите, а полицијата предупреди дека патиштата се поплавени.