Кристоф Галтие – Kurir.mk

Француски медиуми: ПСЖ го раскина договорот со Галтие

Ивана Ефремовски — Tue, 04 Jul 2023 14:35:20 +0000

Повеќер француски медиуми попладнево објавија за раскин на договорот на Пари Сен-Жермен со тренерот Кристоф Галтие. Според „Le Parisien“, официјално, оставката на Галтие може да биде објавена по назначувањето на Луис Енрике. Наводно, Енрике веќер е во Париз за да потпише договор со ПСЖ. Првата прес-конференција на шпанскиот фудбалски стручњак како селектор на тимот е закажана за в среда. Новинарот Андрес Онрубија пренесува дека Енрике ќе потпише договор на две сезони со ПСЖ. Во исто време, не е прецизирано дали во договорот има опција за продолжување. (МИА)

Уапсен тренерот на ПСЖ, еве што направил

Тале Кристо — Fri, 30 Jun 2023 15:27:23 +0000

Тренерот на францускиот фудбалски првак ПСЖ, Кристоф Галтие, и неговиот син се уапсени во рамки на истрага поврзана со наводен расизам, јавија денеска локалните медиуми. Истрагата почна во април оваа година по искази на сведоци дека Галтие навредувал играчи на расна основа додека беше тренер на Ница во сезоната 2021/22. Галтие и неговиот син ќе бидат задржани во полициска станица најмногу 24 часа по што ќе биде познато дали ќе останат во притвор или не. Официјално 56-годишниот Галтие сè уште е тренер на ПСЖ, иако катарските сопственици најавија дека клубот од Париз ќе има нов стратег. Бројни медиуми изминатите денови веќе го најавија Шпанецот Луис Енрике како наследник на Галтие на клупата на ПСЖ.

Уапсен тренерот на ПСЖ

Ивона Петрова — Fri, 30 Jun 2023 12:26:38 +0000

Тренерот на Пари Сен Жермен, Кристоф Галтие беше уапсен денеска. Обвинет е за расизам и дискриминација. Додека чекаше клубот да ја најде неговата замена, тој e приведен со неговиот син по пријава на спортскиот директор на Ница, Жулиен Фурние. Џон Валовиќ Галтие и неговиот татко ќе поминат 48 часа во истражен затвор. Во тој период ќе биде донесена одлука дали официјално ќе бидат уапсени или пуштени до судско рочиште. Француската полиција започна истрага за неговото време во Ница. Фурние рече дека го пријавил Галтие затоа што изнел дискриминаторски, расистички и хомофобични изрази и навреди. Наводно му испратил мејл на неговиот претпоставен Дејвид Брејлсдорф, во кој изјавил дека во тимот не треба да има толку многу муслимани и фудбалери со темна кожа.

Екс-тренерот на ПСЖ пред портите на „Диего Армандо Марадона“

Ристе Здравков — Wed, 14 Jun 2023 09:02:18 +0000

Зад Наполи е историска сезона во која клубот од југот на Италија стана шампион само третпат во својата историја и дури 33 години по последната титула во ерата на Диего Марадона. Лучијано Спалети, и покрај историскиот успех го напушти клубот и Наполи веќе е во потрага по нов кормилар. Прв кандидат за негов наследник е Кристоф Галтие, францускиот тренер кој неодамна доби отказ од клупата на ПСЖ и покрај освоената титула. Галтие во својата кариера беше на чело на Сент Етјен, кој го предводеше од седумнаесеттото до четврто место, потоа со Лил ја освои титулата пред две години и стави крај на доминацијата на ПСЖ, а пред да се пресели во Париз го водеше уште и тимот на Нант. Заминувањето во Неапол би било негов прв ангажман во странство, а таму би можел да му се придружи и стар познаник. Станува збор за Фаузи Гулам, кој би можел да ја заврши играчката кариерата и да му се приклучи на Галтие, кого го познава од Сент Етјен. Оттаму Гулам замина во Наполи, каде помина осум години и стана миленик на навивачите.

Галтие не го оправдува исвиркувањето на Меси од страна на навивачите на ПСЖ

Ивона Петрова — Sun, 14 May 2023 12:33:42 +0000

Тренерот на ПСЖ, Кристоф Галтие, зборуваше за реакцијата на навивачите на тимот кон напаѓачот Лионел Меси на натпреварот од 35. коло на Лига 1 против Ајачио (5:0). Пред почетокот на натпреварот, официјалниот спикер на стадионот ги објави составите, каде навивачите на парижаните почнаа да свиркаат откако се огласи името на Аргентинецот. - Имаше свирежи. Но, многу брзо, поголемиот дел од стадионот се погрижија да ги замолчат за да му дадат поддршка на Меси. Тој остана фокусиран со желба да ја зачини играта и да создава шанси. Тој се навикна на тоа, бидејќи во кариерата влезе во тешки ситуации, изјави Галтие. ПСЖ е на врвот на табелата во Лига 1 со 81 бод од 35 натпревари.

Галтие: Немам врска со суспензијата на Меси

Ивона Петрова — Fri, 05 May 2023 17:08:35 +0000

Тренерот на ПСЖ, Кристоф Галтие рече денеска дека немал влијание врз одлуката за двонеделна суспензија на Лионел Меси, изразувајќи, притоа, и осуда на навивачките протести пред куќата на Нејмар. Меси по поразот во неделата од Лориен (1-3) го напушти тренинг кампот на ПСЖ и отпатува за Саудиска Арабија поради спонзорски обврски. Тој рече дека очекувал фудбалерите да добијат два слободни дена, но клупското раководство одлучи играчите да тренираат по поразот од Лориен. ПСЖ го суспендираше Меси на две недели и Аргентинецот нема да може да настапи на дуелите против Троја и Ајачио. „Одборот на почетокот на оваа недела ме извести за одлуката да го суспендира Меси. Кога бев известен, мојата единствена одговорност беше да не го коментирам тоа“, изјави Галтие на прес – конференцијата пред неделниот прволигашки натпревар против Троја. Меси има договор со ПСЖ до крајот на сезоната и се шпекулира дека ќе го напушти актуелниот француски првак. Одговарајќи на новинарско прашање, дали еден од најдобрите фудбалери на сите времиња ќе заигра за ПСЖ по истекот на суспензијата, Галтие не даде прецизни информации. „Ќе видиме кога Лео ќе се врати, ќе видиме што ќе се случи. Ќе има разговори на ниво на клубот, но и со Лео“, рече тренерот на ПСЖ.

Галтие: На ова ниво потребна е поголема луцидност

Бошко Тасиќ — Thu, 09 Mar 2023 05:31:02 +0000

Кристоф Галтие го доживеа првото најголемо разочарување во својата етапа како тренер на ПСЖ, која веќе сега е доведена во прашање поради бледото издание на тимот во двата дуели со Баерн Минхен. – Не успеавме да ги искористиме нашите најсилни страни. Имавме добар прв дел и успеавме да се натпреваруваме со Баерн. За жал, не успеавме да ги конкретизираме шансите кои ги имавме. Во вториот дел, брзо направивме глупост и примивме гол. Тоа беше клучно, на ова ниво, мора да имате поголема луцидност. Не знам дали ова ќе ни послужи како лекција, она што е сигурно е дека сме фрустрирани и разочарани. Имавме премногу важни отсуства на двата меча, но нема да добиеме ништо ако се жалиме. Вистината е дека сите сме многу разочарани, сите имавме голема надеж за овој втор меч. Премногу е рано да се зборува за мојата иднина, тоа ќе зависи од моето управување до крајот на сезоната и од мојот претседател. Сега ќе го одржам курсот и ќе се фокусирам кон крајот на сезоната, – изјави Галтие.

Галтие: Фудбалерите на ПСЖ се разочарани и депресивни по поразот од Марсеј, Купот на Франција беше нашата цел

Ивана Ефремовски — Thu, 09 Feb 2023 10:32:27 +0000

Тренерот на Пари Сен Жермен, Кристоф Галтие зборуваше за елиминацијата од Марсеј во Купот на Франција. -Многу сме разочарани. Купот на Франција беше една од нашите цели.Бевме победени од одлична екипа. Треба да се научи лекцијата. Немавме доволно шанси во вториот дел, треба да играме поопасно. Фудбалерите се разочарани и депресивни.Сега не треба да кажуваме ништо за емоциите, треба да продолжиме да работите, фокусирајќи се на себе, рече тренерот. ПСЖ синоќа во осминафиналето од Купот на Франција загуби н агостувањето кај Марсеј со 2:1. (МИА)

Галтие: Во ПСЖ нема да има сериозни потреси

Ивона Петрова — Mon, 26 Dec 2022 07:58:24 +0000

Тренерот на Пари Сен-Жермен, Кристоф Галтие ги сподели своите очекувања за вториот дел од сезоната. – Оваа пауза ни овозможи да се ревитализираме, да земеме длабок здив, но и да останеме многу фокусирани, додека го гледавме прекрасното Светско првенство. Секогаш се трудам да ја подобрам ситуацијата и да изнајдам решенија кои не само што би можеле да ги изненадат противниците, туку и да ни овозможат подобро разбирање на одредени натпревари. Секогаш треба да се стремите кон најдоброто, но нема да има сериозни потреси, бидејќи имавме добра прва полусезона. Ми се допаѓа овој тим, се надевам дека ќе го живеам вториот дел од сезоната како и првиот, со голема желба, со голема одлучност, со голема мотивација, но и со големо задоволство, го цитира прес-службата на клубот Галтие. Пари Сен-Жермен е прв на табелата во француската лига со 41 бод од 15 натпревари. Во следното коло парижаните ќе играат против Стразбур. Средбата ќе се одржи на 28 декември.

Кристоф Галтие нов шеф на стручниот штаб на ПСЖ

Тале Кристо — Tue, 05 Jul 2022 18:10:00 +0000

Францускиот фудбалски шампион Пари Сен-Жермен попладнево го назначи Кристоф Галтие за главен тренер. Презентацијата на фудбалскиот стручњак се одржа за време на прес-конференција во Париз на стадионот „Парк де Пренс“. Договорот со 55-годишниот Французин е на две години. – Задоволство ми е да ве запознам со нашиот нов тренер, Кристоф Галтие. Многу сум среќен што сум со него. Денеска започнува нова ера на нашиот клуб, со нови задачи и нова мотивација. Го следевме Галтие и неговата работа во Сент Етјен, Лил и Ница. Горди сме и среќни што францускиот тренер се приклучи на нашиот проект, изјави на прес-конференција претседателот на ПСЖ, Насер Ал-Келаифи. Галтие на тренерската позиција во ПСЖ доаѓа на местото на Маурисио Покетино. Со 50-годишнито Аргентинец денес беше прекината соработката.