Кристофер Хил – Kurir.mk

Кристофер Хил: Рано е да се каже дека дијалогот меѓу Србија и Косово е неуспешен

Ивона Петрова — Fri, 27 Oct 2023 17:20:07 +0000

Американскиот амбасадор во Србија денеска изјави дека е рано е да се каже дека дијалогот меѓу Србија и Косово е неуспешен. Кристофер Хил, во интервју за РСЕ, ден по средбите меѓу косовскиот премиер Албин Курти и српскиот претседател Александар Вучиќ со европските претставници во Брисел, рече дека не очекува „целосен успех“ на тие преговори и дека неговото очекување е враќање на преговарачката маса. „Сега треба да го видиме продолжението“, рече тој. Целта на дијалогот, како што посочува, е политичко решение кое очекува „давање и земање“ од двете страни. „Дали можеме да дојдеме до ситуација Србите во Косово да се чувствуваат удобно и да добијат некаква заедница на општини со српско мнозинство. И второ, дали Приштина може да го постигне она што го сака, а тоа е јасен пат кон членство во меѓународните организации“, изјави Хил. Тој нагласи дека вооружениот напад врз косовската полиција во Бањска е голема пречка за преговорите во Брисел. Според него, САД внимателно ги следат истрагите во Белград и во Приштина.

Кристофер Хил: Ситуацијата во Косово е многу опасна

Ристе Здравков — Tue, 26 Sep 2023 15:09:30 +0000

Американскиот амбасадор во Србија, Кристофер Хил денеска изјави дека амбасадорите на Квинтата сметаат дека ситуацијата на северот во Косово е многу опасна и ќе бидат потребни дополнителни напори за да се најде причината за целата ситуација. „Тоа е трагичен настан и сите мора да го осудиме убиството на припадникот на косовската полиција. Се разбира, ние секогаш жалиме за загубените животи, но важно е да се запамети дека мора да продолжиме со политичкиот процес. Мислам дека се во тек процеси за дополнително поттикнување на дијалогот, изјави Хил. Неговата изјава беше дадена по новинарско прашање да ја коментира средбата на амбасадорите на Квинтата и како тој гледа на ситуацијата на Косово. Хил истакна дека може да каже дека ситуацијата се третира многу сериозно и дека има бројни дискусии и разговори за следните чекори што треба да се преземат. „ Дипломатскиот процес мора да се зајакне во наредните денови и недели“, рече Хил, пренесоа белградски медиуми.

Кристофер Хил: Ситуацијата во Косово е многу опасна

Ивана Ефремовски — Tue, 26 Sep 2023 14:46:18 +0000

Американскиот амбасадор во Србија, Кристофер Хил денеска изјави дека амбасадорите на Квинтата сметаат дека ситуацијата на северот во Косово е многу опасна и ќе бидат потребни дополнителни напори за да се најде причината за целата ситуација. „Тоа е трагичен настан и сите мора да го осудиме убиството на припадникот на косовската полиција. Се разбира, ние секогаш жалиме за загубените животи, но важно е да се запамети дека мора да продолжиме со политичкиот процес. Мислам дека се во тек процеси за дополнително поттикнување на дијалогот, изјави Хил. Неговата изјава беше дадена по новинарско прашање да ја коментира средбата на амбасадорите на Квинтата и како тој гледа на ситуацијата на Косово. Хил истакна дека може да каже дека ситуацијата се третира многу сериозно и дека има бројни дискусии и разговори за следните чекори што треба да се преземат. „Дипломатскиот процес мора да се зајакне во наредните денови и недели“, рече Хил, пренесоа белградски медиуми. (МИА)

Хил за апсењето на Србите во Косово: Ќе оставам на другите да заклучат зошто токму сега

Ристе Здравков — Fri, 22 Sep 2023 05:52:55 +0000

Американскиот амбасадор во Белград Кристофер Хил изјави дека Соединетите Американски Држави не знаат многу детали за вчерашното апсење на тројца Срби од Косово, јави дописникот на МИА од Белград. - За нив е кажано дека се поврзани со злосторства што наводно се случиле пред триесет години. Ќе оставам на другите да заклучат зошто апсењата следеа веднаш по неуспешниот круг на дијалог во Брисел и за време на Генералното заседание на Обединетите нации, изјави американскиот амбасдор во Белград. Хил рече дека верува оти ова може брзо да се реши и дека би сакал „повеќе да се зборува за соработка, а помалку за апсења“. Тој посочи и дека САД не разбираат како забраната за увоз на стоки од Србија во Косово, која ја воведоа властите во Приштина, може да помогне за севкупната ситуација во односите меѓу Белград и Приштина.

Хил за апсењето на Србите во Косово: Ќе оставам на другите да заклучат зошто токму сега

Тале Кристо — Thu, 21 Sep 2023 16:25:31 +0000

Кристофер Хил: Политиката на САД кон Косово и Србија е правилна без разлика дали е успешна

Ристе Здравков — Wed, 23 Aug 2023 09:01:42 +0000

Американскиот амбасадор во Србија, Кристофер Хил во интервју за Гласот на Америка изјави дека САД би сакале бриселскиот дијалог да продолжи многу побрзо и да види договор заснован на формирање на Заедницата на српски општини. Тој зборуваше и за санкциите против Александар Вулин и ја коментираше неодамнешната изјава на министерот Милош Вучевиќ упатена до Црна Гора и Северна Македонија. Хил додаде дека САД го признава Косово и би сакале да се приклучи кон меѓународните организации, бидејќи тоа е најдобро за Приштина, но и за стабилноста на регионот. Хил за Глас Америка ја коментираше веста на руски медиуми и српски што ја пренесоа дека Вучиќ на состанокот во Атина ги отстранил санкциите против Русија од завршната декларација.

Хил: Внимателно го следевме Вулин, не сакаме никаков контакт со него

Ристе Здравков — Thu, 13 Jul 2023 12:43:47 +0000

Амбасадорот на Соединетите Американски Држави во Белград, Кристофер Хил, денеска изјави дека САД „многу внимателно“ ги набљудувале активностите на директорот на Агенцијата за безбедност и информации (БИА) на Србија, Александар Вулин, и заклучиле дека не сакаат да имаат контакт со него. При посетата на археолошкиот локалитет Бело Брдо, Хил рече дека санкциите против Вулин се воведени за да се заштитат САД, а тие значат дека на Вулин не може да му се даде американска виза или дека може да склучува деловни договори во таа земја. Американскиот амбасадор истакна дека односите меѓу САД и Србија се „добри“ и дека се „подобруваат“, додавајќи дека Србија јасно ставила до знаење дека сака да ни се придружи на Запад.

Хил: САД сакаат подобри и подлабоки односи со Србија

Катерина Бојаџиева — Fri, 09 Jun 2023 13:03:03 +0000

Американскиот амбасадор во Белград Кристофер Хил денеска изјави дека САД сакаат подобри и подлабоки односи со Србија и ја гледаат државата како добар партнер со кој може да соработува. „Верувам дека Србија сега носи добри одлуки и оди во вистинската насока. Секако дека се уште ќе има тешкотии, но САД ја гледаат Србија како добар партнер со кој може да соработува и со кој ќе биде поблиску во иднина“ изјави Хил во Стопанската комора наСрбија. Тој рече дека не е тајна оти САД ја поддржуваат Србија на нејзиниот пат кон полноправно членство во Европската унија. „Не сум тука да зборувам за минатото и тешкотиите, но тука сум да кажам дека иако нашите земји ги дели океан, ние воопшто не сме одвоени. Суштински дел од американската улога овде е да ја поддржиме Србија во нејзините напори да се приклучи на ЕУ. Од суштинско значење е Србија и ЕУ да работат заедно, односно Србија да влезе во Унијата“, рече Хил. Според него, процесот на пристапување не е воопшто лесен, бидејќи има многу прашања кои треба да се решат. „САД ја поддржуваат Србија, и помагаат да помине низ тој процес за да стане добра полноправна членка на ЕУ“, рече американскиот амбасадор.

Хил: САД се апсолутно против потезите на Приштина, ќе има последици

Ристе Здравков — Wed, 31 May 2023 14:18:23 +0000

Американскиот амбасадор во Србија Кристофер Хил денеска во Белград изјави дека САД се „апсолутно против“ потезите на владата на косовскиот премиер Албин Курти. Хил потсети на зборовите на американскиот државен секретар Ентони Блинкен дека Приштина ќе ги сноси последиците за потезите што се спротивни на советите на САД. – Многу јасно и ставивме до знаење на Приштина дека сме апсолутно против потезите на владата на Курти. Секретарот Бликен исто така беше многу јасен дека тоа ќе има последици за односите со Приштина, изјави Хил во Белград. Тој исто така рече дека САД ги осудуваат нападите на граѓаните врз војниците на КФОР и НАТО на северот на Косово и нагласи дека таквите акции мора веднаш да престанат. Тој додаде дека е „исклучително важно“ двете страни да разберат дека единствениот пат напред е преку бриселскиот дијалог и со создавањето на Заедницата на српските општини, изразувајќи надеж дека Србија ќе остане фокусирана на продолжување на европскиот пат.

Хил: Дијалогот меѓу Белград и Приштина мора да се забрза

Катерина Бојаџиева — Thu, 04 May 2023 12:58:39 +0000

Американскиот амбасадор во Србија, Кристофер Хил излезе со оценката дека мора да се забрза дијалогот меѓу Белград и Приштина и што поскоро да се реши српско-косовското прашање. -Тоа е едно од најважните прашања во регионот што мора да се реши. Тоа е тешко прашање, а тонот меѓу двете страни не е добар. Дијалогот мора да се забрза, изјави Хил во Скопје, пренесен од Гласот на Америка. Американскиот амбасадор, кој вчера учествуваше на конференцијата „Регионални безбедносни предизвици и неодамнешните настани во земјите од Западен Балкан“, кажа дека има свој став за тоа како треба да се направат овие работи, но дека навистина ги почитува луѓето кои го водат процесот. -Жосеп Борел, Мирослав Лајчак, нашиот човек Ескобар, даваат се што можат, но тоа е многу тешко прашање поврзано со историјата, со војната. Не е лесно, но тие мора да го направат тоа, изјави американскиот амбасадор во Србија. Хил смета дека основањето на Заедницата на српски општини и признавањето на косовските документи се главните отворени прашања во тој процес, но и покрај очигледните потешкотии во дијалогот, вели дека е оптимист бидејќи барем има разговори меѓу двете страни.