Кристофер Колумбо – Kurir.mk

Писмо на Кристофер Колумбо за кое со децении не се знаеше каде е, и е вратено на Италија

Ивона Петрова — Mon, 31 Jul 2023 20:24:21 +0000

Соединетите Американски Држави го вратија писмото на морепловецот Кристофер Колумбо во Италија, соопшти американската служба за имиграција и царина (ICE). Писмото е напишано на латински и е едно од 30-те преживеани писма на овој морепловец, со кои тој ги најавил своите експедиции на американскиот континент кај шпанскиот крал Фердинанд и кралицата Изабела во 1493 година. Овие монарси го финансираа неговото патување. Се верува дека писмото е украдено од венецијанската национална библиотека Марчиана во 1980-тите. Пронајдено е во САД кај приватен колекционер. Презентирајќи го откривањето на писмото во 2020 година, ICE и канцеларијата на американското обвинителство во државата Делавер истакнаа дека нема сомнеж дека еден колекционер го купил писмото од дилер на ретки книги во 2003 година. Тие не соопштуваат детали како писмото било украдено и како дошло кај трговецот. Копиите на писмата се исклучително ретки и високо ценети од колекционерите и историчарите. Писмото што беше вратено во Италија е познато како Plannck I. Името е по истакнатиот печатар Стефан Планк кој објавил две изданија на писмото пред 500 години. Кога писмото било пронајдено во 2020 година, канцеларијата на американското правобранителство соопшти дека неговата вредност се проценува на 1,3 милиони долари. -Ова е четврто оригинално издание на ова писмо кое е украдено во изминатите неколку децении и не би можеле да бидеме посреќни што ќе го вратиме, рече заменик-директорот на ICE, Патрик Џ. Лехлајтнер. Меѓу другите украдени копии се оние што американските власти ги вратија во Ватикан и во Каталонската библиотека. Пред седум години, Американците вратија копија од писмото на осум страници кое беше земено од библиотеката во Фиренца и беше донирана на Библиотеката на Конгресот на САД. Враќањето на писмото е дел од пошироките напори на САД за враќање на украдените предмети. ICE објави дека од 2007 година, тие вратиле повеќе од 20.000 случаи во 40 земји и институции. Меѓу нив има уметност украдена од нацистите, египетски саркофази, француски слики, италијански скулптури, фосили од монголски и кинески диносауруси, па дури и човечки останки, пренесува CNN.

Пред 530 години Кристофер Колумбо ја направил првата белешка за употребата на тутунот, еве што пишувало

Ивона Петрова — Tue, 15 Nov 2022 07:20:59 +0000

На 15 ноеммври во 1492 година Кристофер Колумбо, откривајќи ја Америка, ја направил и првата белешка за употребата на тутунот меѓу Индијанците. На овој ден, тој во својот дневник напишал: „Домородците ми подарија овошје, копја и некави исушени лисја кои имаат силен мирис. Лисјата ги виткаат, ги палат со оган и вдишуваат дим, а димот го испуштаат кон луѓето”. Всушност Колумбо за прв пат видел тутун, кој подоцна двајца негови морнари го однеле во Европа. Тоа бил првиот пишан документ за ова растение, кое набрзо потоа го освоило не само стариот континент – Европа, туку и целиот свет, а за кое медицината утврдила дека има штетно влијание врз човековото здравје.

Во Чикаго отстранета статуа на Кристофер Колумбо

Дарко Андоновски — Fri, 24 Jul 2020 14:30:10 +0000

Статуата на Кристофер Колумбо во Чикаго изутринава беше размонтирана и симната, откако градоначалничката Лори Лајтфут претходно нареди нејзино отстранување од јавниот простор. Во видео од местото на настанот се гледа како работници со јажиња ја симнуваат со платно покриената статуа поставена на висок постамент . Паркот каде што е поставена статуата на Колумбо минатиот петок беше место на протести и судири меѓу демонстрантите и полицијата, кога неколку полицајци беа повредени. Протестинте тогаш се обидоа да ја урнат статуата, а полицијата го расчистуваше нередот и беше гаѓана со камења и други тврди предмети. Во немирите тогаш беа упсени 12 лица за напад во толпа на униформирани лица. Статуите на Кристофер Колумбо, италијански мореполвец кој при крајот на 15 век прв извршил пловидба до бреговите на Америка, како и спомен обележјата на Конфедерацијата, државен ентитет од 19 век, во изминатиот период во САД се лустрираат како контреверзни делови од американската историја – симболи на вкоренетиот расизам и ксенофобија во земјата. Оваа иницијатива почна при крајот на мај, по убиството на Афраомериканецот Џорџ Флојд од страна на полицијата за време на апсење. Убиството поттикна силен гнев во јавноста и протести низ целата земја, со повторно разгледување на темите, како бојата на кожата, етничкото потекло, полициската бруталност и социјаните неправди.

ВИДЕО: Во САД урнат споменикот на Кристофер Колумбо

Тале Кристо — Wed, 10 Jun 2020 09:38:13 +0000

Споменикот на Кристофер Колумбо во Ричмонд, во американската сојузна држава Вирџинија, беше урнат од демонстрантите, запален и фрлен во езеро. По уривањето на споменикот, на негово место е поставена табла со натпис „Колумбо претставува геноцид“. На местото на настанот не беше забележано полициско присуство, но областа беше надлетувана од полициски хеликоптер по уништувањето на споменикот. – Мора да започнеме од почеток, треба да почнеме со луѓето кои првпат стапнале на оваа земја, изјави еден од демонстрантите.