Илија Трпков реизбран за претседател на подружницата на судии од Основниот суд Скопје при Здружението на судии

Катерина Бојаџиева — Fri, 03 Dec 2021 15:18:39 +0000

Подружницата на судии од Основен суд Скопје при Здружението на судии на денешната седница повторно го избра за претседател на подружницата, судијата Илија Трпков. Реизборот на судијата Трпков, како што информираат, е поради претходните успешни активности и потврдена анимација на работата на Кривичниот суд Скопје. -Сето ова е во интерес на самите судии и сите принципи на обезбедување на правдата согласно законите и Уставот и ратификуваните меѓународни договори. Подружницата се залага за сите права на судиите, како и за правата на граѓаните-странките во постапката. Очекуваме конструктивни предлози кои соодветно ќе ги проследиме и реализираме, се вели во соопштението од Подружницата на судии на Кривичниот суд Скопје.

Денеска во кривичниот суд во Скопје продолжува судењето за случајот „Двојник“

Магдалена Андонова — Fri, 07 May 2021 07:53:20 +0000

Во Основниот кривичен суд во Скопје денеска треба да продолжи судењето за петмина од обвинетите за случајот „Двојник“, за нелегално издавање пасоши на странски државјани. На првото рочиште за случајот, од првично обвинетите 11 лица, петмина признаа вина, а постапката беше раздвоена за обвинетата Наздрие Зековиќ, која од здравствени причини не беше присутна, а која преку својот бранител преднајави признание на вина. Постапката сега продолжува за обвинетите Фарук Буки, Весна Колевска, Оливера Софрониевска, Бранислава Владичевска и Шемседин Јашари, кои на минатото рочиште рекоа дека не се чувствуваат виновни за делото кое им се става на товар. Судот ги прогласи за виновни за кривично дело злоупотреба на службената положба и овластување четворицата вработени во МВР, кои претходно признаа вина и им одреди казни затвор и тоа: казна затвор од две години и седум месеци и забрана за вршење дејност и должност од десет години за обвинетиот Денис Баруфи, казна затвор од две години и три месеци и забрана за вршење дејност и должност од десет години на Ален Личина, на Ѓорѓе Велков казна затвор од две години и мерка забрана за вршење дејност и должност десет години, додека на Фарук Биља, му одреди алтернатива мерка условна осуда од шест месеци, која нема да се изврши ако обвинетиот во рок од две години не го повтори делото, како и забрана за вршење дејност и должност во период од три години. На Раиф Мифтари, судот му одреди казна затвор од две години и три месеци за кривично дело поттикнување. Случајот го води судијката Оља Ристевска, а застапник на обвинението е Спасенка Андонова. Според обвинението, во периодот од јуни 2017 до крајот на 2020 година, биле издадени пасоши на 214 странски и еден македонски државјанин.

кривичен суд скопје – Kurir.mk

Илија Трпков реизбран за претседател на подружницата на судии од Основниот суд Скопје при Здружението на судии

Денеска во кривичниот суд во Скопје продолжува судењето за случајот „Двојник“