кривична пријава – Kurir.mk

Кривична за негувателката од детска градинка во Велес која на децата им давала да користат електронска цигара

Катерина Бојаџиева — Mon, 30 Oct 2023 16:09:20 +0000

Отсекoт за економски криминал при СВР Велес поднесе кривична пријава против 38 годишната В.И. од Велес поради постоење основи на сомнение за сторено кривично дело „несовесно работење“ казниво по член 353 од Кривичниот законик. Како што попладнево информира портпаролот на СВР Велес, Билјана Ѓаковска, пријавената, вработена како негувателка во детска градинка во Велес, овозможила на деца од градинката да користат електронска цигара.

Прилепчанец „фалсификувал исправа“ и заработил кривична пријава

Ивана Ефремовски — Fri, 20 Oct 2023 20:21:29 +0000

Регионалниот центар за гранични работи Север поднесе кривична пријава против З.А.(44) од Прилеп поради постоење основи на сомнение за сторено кривично дело „фалсификување исправа“. Пријавениот набавил фалсификувана словачка возачка дозвола на негово име и ја дал на увид при пасошка контрола на Граничен премин Табановце, каде што од полициски службеници било констатирано дека е фалсификат.

Битолчанец си заработил кривична пријава, еве што пронашла полицијата кај него

Тале Кристо — Fri, 20 Oct 2023 14:43:11 +0000

СВР Битола поднесе кривична пријава против Џ.Р.(34) од Битола поради постоење основи на сомнение за сторено кривично дело „недозволено изработување, држење и тргување со оружје или распрскувачки материи“. На 28.12.2022 во Битола, полициски службеници извршиле преглед над пријавениот, при што пронашле и одзеле пиротехнички средства.

НЕ ДОАЃАЛ НА РАБОТА ВО ПОЛИЦИСКАТА СТАНИЦА ВО АРАЧИНОВО, А ЗЕМАЛ ПЛАТА ПОЛА ГОДИНА – еве каква казна следува за „снаодливиот“ полицаец

Дарко Андоновски — Tue, 03 Oct 2023 13:15:49 +0000

МВР соопшти дека е доставена кривична пријава против А.А., вработен ПО Арачиново при СВР Скопје, поради постоење основи на сомнение дека сторил кривично дело „Злоупотреба на службената положба и овластување“. Пријавениот во својство на полициски службеник, злоупотребувајќи ја својата службена положба и пречекорувајќи ги границите на своите службени овластувања, му овозможил на полицискиот службеник И.Џ. да се стекне со противправна имотна корист во износ од 229.985 денари за исплатена бруто плата и 14.422 денари по основ на придонеси за бенифиции, на начин што во период од 03.11.2022 до 02.05.2023 година до надлежните служби при МВР доставувал лажни списи со евидентирани работни часови за исплата на плата без да приложи извештаи за привремена спреченост за работа за работникот И.Џ., кој не доаѓал на работа, со што му овозможил противправно да се стекне со горенаведениот паричен износ, а со истиот износ го оштетил буџетот на МВР. Од страна на Одделот за внатрешна контрола, криминалистички истраги и професионални стандарди ќе биде покрената и постапка за утврдување на дисциплинска постапка и привремено отстранување на работникот од работното место до завршување на дисциплинската постапка.

Пукал на семејна веселба во Седларево, доби кривична

Ивона Петрова — Mon, 02 Oct 2023 15:12:58 +0000

СВР Тетово поднесе кривична пријава против А.А.(61) од село Седларево, поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“. -На 18.08.2022 во село Седларево, за време на семејна веселба, пријавениот од пиштол „црвена застава“ калибар 7,65 мм со рамка со шест куршуми, кои ги поседувал без дозвола, испукал неколку куршуми во воздух, информира МВР.

Кривична пријава против скопјанец за „оштетување и неовластено навлегување во компјутерски систем“

Ивана Ефремовски — Tue, 12 Sep 2023 13:05:25 +0000

СВР Скопје - Единица за економски и компјутерски криминал поднесе кривична пријава против Г.Д.(23) од Скопје, поради постоење основи на сомнение за сторено кривично дело „оштетување и неовластено навлегување во компјутерски систем“ казниво по член 251 од Кривичниот законик. Пријавениот обезбедил податоци од платежни картички на две лица и во периодот од 31.05.2022 до 17.06.2022 ги употребил за плаќање на повеќе интернет продажни места. Притоа, едното лице го оштетил за сума од 120.310 денари, а другото лице го оштетил за сума од 14.901 денари, со што за себе остварил противправна имотна корист во вкупен износ од 135.211. денари.

Кривична пријава за крадец во Скопје

Тале Кристо — Wed, 06 Sep 2023 14:47:14 +0000

По преземени мерки и активности, денеска (06.09) полициски службеници од ЕВР Гази Баба расчистија кривично дело „одземање на моторно возило“. Имено, по извршено вештачење било утврдено дека малолетник од Скопје на 03.05.2023 на подрачје на Гази Баба одзел патничко возило „хјундаи акцент“ со скопски регистарски ознаки. Денеска (06.09.2023) во Полициската станица Гази Баба, во присуство на родител и адвокат, бил извршен службен разговор со малолетникот, во кој тој го признал делото. По целосно документирање на случајот ќе биде поднесена соодветна пријава.

Кривична пријава за фалсификување пари против едно лице од виничко Пекљане

Тале Кристо — Mon, 04 Sep 2023 15:16:07 +0000

Единицата за економски и компјутерски криминал при СВР Скопје поднела кривична пријава против М.И.(29) од виничкото село Пекљане, поради постоење основи на сомнение за сторени кривични дела „измама" и кривично дело „фалсификување пари“. Имено, на почетокот на јуни 2023 година, соопштија денеска од МВР, жена од Скопје објавила оглас за продажба на мобилен телефон, по што пријавениот и се јавил и се договориле да го купи телефонот. - Откако ѝ дал четири банкноти од по 100 евра, таа се посомневала во нивната исправност и настанот го пријавила во полициска станица. По извршените проверки било утврдено дека парите се фалсификат, појаснуваат од МВР.

Кривична пријава против дилер од Кавадарци

Тале Кристо — Wed, 30 Aug 2023 19:50:39 +0000

ОВР Кавадарци поднесе кривична пријава против П.М.(41) од Кавадарци поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 18.11.2022 во Кавадарци, полициски службеници извршиле преглед над пријавениот, при што пронашле и одзеле хероин и пари. Исто така, истиот ден, со судска наредба, бил извршен и претрес во неговиот домот, при што бил пронајден и одземен хероин.

Кривична за скопјанец: Преку телефонска камера се самозадоволувал пред гевгеличанка

Ивона Петрова — Tue, 22 Aug 2023 15:23:56 +0000

СВР Струмица поднесе кривична пријава против Д.К.(32) од Скопје поради постоење основи на сомнение за сторенo кривично дело „полово вознемирување“. -На 13.04.2023 на мобилна апликација, пријавениот вознемирувал жена од Гевгелија и со вклучена камера се самозадоволувал пред неа, информира МВР.