кривични дела – Kurir.mk

Охриѓанец ќе одговара за три кривични дела, еве како и со што бил затекнат

Ивана Ефремовски — Wed, 27 Sep 2023 18:39:55 +0000

СВР Охрид поднесе кривична пријава против В.М.(41) од Охрид, поради постоење основи на сомнение за сторени три кривични дела „кражба“, „фалсификување знаци за обележување на стоки, мери и тегови“ и „фалсификување службена исправа“. На 10.08.2023 пријавениот бил затекнат на магистралниот пат Охрид-Кичево, во близина на с.Климештани, со товарно возило на кое имало огревно дрво-бука, испратница, чекан за жигосување на дрвата и шишенце со црвена боја. П ријавениот дрвата нелегално ги исекол и украл, а испратницата ја фалсификувал и ја користел за превоз на дрвна маса, прикажувајќи дека наводно е уредно издадена од ЈП „Национални шуми“, а со чеканот ја жигосувал дрвната маса, сакајќи да прикаже дека дрвата потекнуваат од склад.

Приведени осуммина крадци, расчистени 10 кривични дела – пронајдените предмети вратени на сопствениците

Ивана Ефремовски — Mon, 18 Sep 2023 12:23:16 +0000

Полициски службеници од Отсекот за општ криминал при СВР Штип, по преземени оперативни мерки и активности расчистија 7 кривични дела „тешка кражба“ и 3 кривични дела „кражба“ извршени од викенд куќи, куќи и возила, на територијата на град Штип, во периодот од јануари до јули годинава. Поради постоење основи на сомнение дека се сторители на делата, од слобода биле лишени Д.А.(30), А.Д.(18), Џ.И.(33), Т.Ј.(18), А.С.(40) сите од Штип, Ј.М.(20) од Струмица, С.Р.(22) од Радовиш и С.Р. (20) од Кочани, сторители на кривични дела од областа на имотните деликти. Во службен разговор во полициска станица тие ги признале кривичните дела. Поголем дел од украдените предмети биле пронајдени, одземени и вратени на оштетените граѓани. По комплетирање на случаите против лицата ќе бидат поднесени соодветни кривични пријави.

КРИМИНАЛОТ ВО МАКЕДОНИЈА ЦУТИ: Зголемен бројот на пријавени и осудени сторители на кривични дела во 2022 година

Катерина Бојаџиева — Wed, 31 May 2023 11:02:34 +0000

Според податоците на Државниот завод за статистика, бројот на пријавените полнолетни лица – познати сторители на кривични дела, во 2022 година, во споредба со 2021, е зголемен за 1.6 %. Во наведениот период, бројот на осудените полнолетни лица е зголемен за 1.8 %, а бројот на обвинетите лица е намален за 0.4 %. Бројот на пријавените деца во судир со законот – сторители на кривични дела е намален за 19.7 %, а бројот на осудени деца во судир со законот – сторители на кривични дела е намален за 31.4 %.

Приведен крадец фатен на дело, расчистени три кривични дела

Катерина Бојаџиева — Fri, 24 Mar 2023 09:30:17 +0000

На 23.03.2023 на автобуска постојка на бул.„Кузман Јосифовски Питу“, полициски службеници од Одделението за криминалистичката полиција при ЕВР Центар и Бит Пазар го лишиле од слобода Р.А.(43) од Скопје. Тој бил фатен при извршување џебна кражба, при што од јакната на В.Л.(76) од Чучер Сандево, скопско, одзел мобилен телефон. Исто така, тој бил баран и поради сомнение за извршени уште две џебни кражби на подрачјето на Скопје. Лицето било задржано во полициска станица и со него бил извршен службен разговор. По целосно документирање на случаите против него ќе биде поднесена соодветна пријава.

Расчистени две кривични дела, сторителите пронајдени и приведени

Катерина Бојаџиева — Tue, 28 Feb 2023 08:35:29 +0000

На 27.02.2023 во 16.00 часот на ул.„Радушка“ во Скопје, полициски службеници од Единицата за интервентна полиција при СВР Скопје го лишиле од слобода Д.Р.(39) од Скопје. Тој се сомничи дека на подрачјето на Центар одзел патничко возило „фиат мултипла“ со скопски регистарски ознаки, сопственост на К.Ѓ.(65) од Скопје, по што во 14.35 часот на ул.„Војвода Васил Чакаларов“ го напуштил местото на сообраќајна незгода во која учествувал со возило „фолксваген голф“. Тој бил задржан во полициска станица и со него бил извршен службен разговор. Службен разговор во полициска станица бил извршен и со К.Ѓ., затоа што по преземени мерки било утврдено дека на возилото „фиат мултипла“ биле поставени регистарски таблички од друго возило. Во разговорот К.Ѓ. признал дека возилото го управувал со таблички од друго возило, затоа што неговите му биле одземени од полициски службеници од ОВР Гостивар, бидејќи возилото го управувал нерегистрирано. За настаните бил запознаен јавен обвинител и по нивно целосно документирање против лицата ќе бидат поднесени соодветни пријави по член 242 и член 378 од Кривичниот законик.

Приведени седуммина крадци од Штип, расчистени 16 кривични дела

Ивана Ефремовски — Tue, 10 Jan 2023 13:15:45 +0000

Полициски службеници од Отсекот за општ криминал при СВР Штип, по преземени оперативни мерки и активности, расчистија 16 кривични дела „тешка кражба“ од куќи, возила, градежен објект, продавница и од лабараторија во Клиничката болница Штип, извршени на територија на град Штип при крајот на минатата и почетокот на годинава. Поради постоење основи на сомнение дека се сторители на делата, од слобода биле лишени Н.И.(23), Е.Ј.(18), С.Н.(31), А.М.(39), Н.М.(41) и двајца малолетници, сите од Штип. Во службен разговор во полициска станица тие ги признале кривичните дела. Поголем дел од украдените предмети биле пронајдени, одземени и вратени на оштетените граѓани. По комплетирање на случаите против лицата ќе бидат поднесени соодветни кривични пријави.

Приведен крадец за сторени седум кривични дела, дополнително расчистени уште четири тешки кражби

Катерина Бојаџиева — Fri, 09 Dec 2022 12:16:58 +0000

Полициски службеници од Отсекот за општ криминал при СВР Штип, по преземени оперативни мерки и активности, расчистија шест кривични дела „тешка кражба“ и едно кривично дело „кражба“ извршени во периодот од 10.11. до 08.12.2022 од викенд куќи и куќи на подрачјето на Штип. Поради сомнение дека ги извршил делата, од слобода бил лишен Е.Ј.(18) од Штип. Во службен разговор во полициска станица тој ги признал кривичните дела. Поголем дел од украдените предмети биле пронајдени, одземени и вратени на оштетените граѓани. По комплетирање на случаите против него ќе бидат поднесени соодветни кривични пријави. По преземени мерки и активности дополнително се расчистени уште четири кривични дела „тешка кражба“ извршени во текот на 2022 од товарно моторно возило, бутик, стан и куќа, за кои постојат основи на сомнение дека ги извршиле Д.М.(33), С.С.(26), Е.М.(20) и еден малолетник, за кои од претходно се преземени мерки. По комплетирање на случаите против лицата до ОЈО ќе бидат поднесени соодветни пријави.

Три лица од Виница направиле шест кривични дела – сега ќе одговараат

Ивана Ефремовски — Fri, 08 Jul 2022 12:09:51 +0000

ОВР Виница расчисти шест кривични дела „тешка кражба“ извршени во текот на 2020 година од куќи во „Ромското маало“ во Виница.

По преземени мерки и активности било дојдено до сознанија дека лицата О.И.(29), И.А.(35) и А.И.(19), тројцата од Виница, со употреба на сила влегувале во куќите и одземале различни предмети.

Осомничените биле повикани во Полициска станица Виница и во службен разговор ги признале делата. По целосно документирање на случаите ќе бидат поднесени соодветни пријави.

Кривични пријави против четворица скопјани за сторени 30 кривични дела

Магдалена Андонова — Thu, 09 Jun 2022 12:53:40 +0000

Единицата за внатрешни работи – Одделение за криминалистички работи Ѓорче Петров на 07.06.2022 поднесе кривична пријава против Г.Т.(39), Н.К.(25), Ф.Ф.(30) и Н.Н.(41), сите од Скопје, поради постоење на основано сомнение дека во група извршиле вкупно 30 кривични дела за да прибават за себе противправна имотна корист. Од нив, 11 кривични дела „фалсификување на исправа“, предвидено и казниво по чл. 378, две кривични дела „прикривање“, по чл. 261 став 3, едно кривично дело „несовесно работење во службата“, по чл.353-в, шест кривични дела „злоупотреба на службена положба и овластување“ по чл. 353, шест кривични дела „помагање“, по чл. 24, четири кривични дела „поттикнување“ по чл. 23 во врска со „злоупотреба на службена положба и овластување“ по чл.353, сите според Кривичниот законик со што се стекнале со вкупна имотна корист од 13.179.464 денари. Имено, првопријавениот Г.Т. во декември 2020 година набавил возило „бмв“, со сообраќајна дозвола од ЕУ, која ја приложил во станица за технички преглед во Скопје и по извршениот технички преглед ги поднел на обработка документите на шалтер во МВР, по што станал сопственик на возилото, стекнувајќи се со противправна имотна корист од 2.519.440 денари. Во март 2021, набавил уште едно возило „бмв“ и возило „мерцедес“ од земја на ЕУ, каде по извршениот технички преглед и обработка на податоци третопријавениот, вработен како референт во Сектор за управно надзорни работи, ги внел во информатичкиот систем на МВР, по што првопријавениот се стекнал со противправна имотна корист од 41.781.472 денари, односно 2.861.320 денари. Во јули 2020, Г.Т. набавил и „рено“ од земја на ЕУ, а третопријавениот податоците од возилото по извршен технички преглед ги внел во информатичкиот систем на МВР и без да има осигурителна полиса, која дополнително е вметната, му овозможил на Г.Т. да стане сопственик и да се стекне со противправна имотна корист од 709.632 денари. Во август 2020, првопријавениот набавил возило „фиат“ од земја на ЕУ, а во мај 2021 набавил „тојота“ од странство, а третопријавениот ги обработил документите и ги внел во информатичкиот систем на МВР, овозможувајќи му да стане сопственик на возилата и да се стекне со противправна имотна корист од 967.120 денари, односно 1.550 денари. Второпријавениот Н.К. во мај набавил „порше кајен“ од земја од ЕУ, каде по извршениот технички преглед ги поднел документите на шалтер во МВР и вработениот му овозможил да стане сопственик на возилото и да се стекне со противправна имотна корист од 2.852 денари, а четвртопријавениот Н.Н. по извршени проверки преку МВР констатирано е дека повеќе пати управувал возила со непостоечка, односно фалсификувана исправа. Од страна на полициски службеници од ОКР Ѓорче Петров извршен е претрес кај горенаведените лица во дом и други простории каде се пронајдена и одземена документација која што е сопственост на МВР - Одделение за управни работи Скопје, во која биле пронајдени и одземени седум оригинални досиеа за возила кои беа под сомнение за извршените кривични дела. Од страна на Судија на претходна постапка за Н.К. и Ф.Ф. е одредена мерка притвор, за Г.Т. е распишана централна потерница, додека за Н.Н. во тек е постапка за дополнителна истрага.

Пет лица сториле 28 кривични дела

Ивана Ефремовски — Wed, 13 Apr 2022 13:25:25 +0000

СВР Скопје поднесе кривична пријава против Е.З.(50) од Битола, С.Д.(30), С.Д.(28), Ф.А.(37) и О.А.(36), сите од Скопје, поради постоење основи на сомнение за сторени 28 кривични дела, од кои 12 кривични дела „тешка кражба“, по две „уништување или оштетување јавни инсталации“ и помагање при „прикривање“ и по едно кривично дело „кражба“ и „загрозување на безбедноста на сообраќајот со опасно дејствие или средство“. По претходен меѓусебен договор меѓу пријавените, во периодот од 10.06.2021 до 09.07.2021 на повеќе различни локации, првопријавениот со употреба на физичка сила ја отварал шахтата (кабловско окно), сопственост на телекомуникациска компанија, а потоа со бонсек ги сечеле бакарните кабли, ги одземале и ги товарале во возило, со што причиниле материјална штета од 2.149.919 денари.