кривични пријави – Kurir.mk

Одземени шест возила на територија на СВР Охрид поради сомнение за фалсификат, следуваат кривични пријави

Ивана Ефремовски — Mon, 30 Oct 2023 12:47:13 +0000

Полициски службеници од Одделот за криминалистичка полиција- Сектор за општ и насилен криминал и СВР Охрид одзедоа шест возила поради сомнение за фалсификат. По добиени оперативни сознанија и наредба за претрес од Основен суд Охрид, извршени се претреси на 19.10 2023 во три сервиси за коли на подрачје на СВР Охрид и при тоа се одземени шест возила, а извршени се и службени разговори со повеќе лица. Извршено е вештачење од страна на Одделот за форензички испитувања и по документирање на случаите од страна на СВР Охрид до ОЈО Охрид ќе бидат поднесени соодветни кривични пријави.

Две лица добија кривични пријави, еве што најде полицијата во дом и возило

Ивана Ефремовски — Wed, 02 Aug 2023 20:15:53 +0000

Надворешната канцеларија за криминалистички работи Валандово поднесе кривична пријава против З.А.(27) и Б.О.(21), двајцата од село Дедели, валандовско, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“, додека првопријавениот сторил и кривично дело „неовластено изработување, држење, посредување и тргување со оружје или распрскувачки материи“. На 17.07.2023 на паркинг простор на магистралниот пат Валандово-Струмица, полициски службеници извршиле преглед кај првопријавениот и во возилото кое го управувал, при што пронашле и одзеле повеќе пакувања со околу два килограми марихуана, произведена во неговиот дом и со второпријавениот договориле нејзина продажба. На 18.07.2023, со судска наредба, бил извршен и претрес во неговиот дом, при што биле пронајдени и одземени воздушна пушка без документи, повеќе патрони од ловечка муниција калибар 12мм и неколку патрони боева муниција со калибар 8,57мм и 7,65мм.

Кривични пријави против осум лица за сторени повеќе кривични дела

Катерина Бојаџиева — Fri, 24 Feb 2023 15:07:04 +0000

Надворешната канцеларија за криминалистички работи Гостивар поднесе кривична пријава против Р.И.(60) од Гостивар, поради постоење основи на сомнение за сторени кривични дела „бесправно градење“ и „перење пари и други приноси“, Ѓ.В.(42) од Скопје, М.М.(42) и В.Р.(40), двајцата од Гостивар за сторени кривични дела „фалсификување исправа“ и „несовесно работење во службата“, против две правни лица Гостивар, поради постоење основи на сомнение за сторено кривично дело „услови за кривична одговорност на правно лице“ во врска со „фалсификување исправа“, Е.Б.(44) од село Беловиште, гостиварско, за сторено кривично „фалсификување исправа“, М.С.(51) и Д.Г.(41), двете од Гостивар за сторено кривично дело „злоупотреба на службена положба и овластување“ и С.Е.(45) од Гостивар, поради постоење основи на сомнение за сторени кривични дела „несовесно работење во службата“ и „непријавување кривично дело“. Р.И., во периодот од октомври 2015 до април 2022 година, изградил комерцијално-станбен објект на булевар „Браќа Ѓиноски“ во Гостивар, при што отстапил од фактичката состојба издадена согласно маркичката за градење. Но, и покрај направените отстапки, Р.И. до Општинскиот катастар за недвижности Гостивар поднел барање за запишување на недвижноста, иако претходно во два наврата бил одбиен од Катастарот во Гостивар. Во прилог на барањето ја доставил истата техничка документација и геодетски елаборат изработен од геодетската фирма, сопственост на пријавените Ѓ.В. и М.М, кој не бил валиден, бидејќи на геодетската фирма два пати ѝ била одземена лиценцата, како и дека во елаборатот, пријавените Ѓ.В. и М.М., внеле дека е извршен премер на недвижноста со координати кои не се совпаѓаат согласно извршениот премер од Катастарот Гостивар. Е.Б., во февруари 2017 година, како овластен надзорен инженер изготвил и пуштил во употреба Извештај за извршен технички преглед за градба во кој лажно навел дека градбата нема недостатоци, може да се употреби и стави во функција. Пријавениот В.Р., како овластен градежен инспектор при општина Гостивар, пропуштил да изврши должен надзор и контрола над работата при изградба на комерцијално - станбениот објект, додека пријавениот С.Е. пропуштил да изврши должен надзор и несовесно постапил при вршење на своите овластувања. Тој, иако знаел дека објектот не е изграден согласно техничката документација и дека во два наврата бил известен за одбивање на барањето, по трет пат ја примил истата документација и ја поднел во Општинскиот катастар за недвижности Гостивар, а во прилог доставил и невистинит Записник за констатација, во кој навел дека увидел дека инвеститорот ги отстранил претходно констатираните недостатоци и отстапки на станбениот објект. Пријавените Д.Г. и М.С., вработени во Општински катастар за недвижности Гостивар, без да извршат надзор и контрола на доставената службена документација, извршиле запишување на недвижноста на име на Р.И. и му издале Потврда за запишување на недвижноста. По ова, пријавениот Р.И. извршил продажба на становите од станбениот објект, склучувајќи преддоговори за купопродажба на недвижен имот и договори за закуп на станбен објект и на тој начин се стекнал со имотна корист на штета на општина Гостивар.

Поради коментари на Фејсбук си заработија кривични- еве ги деталите

Катерина Бојаџиева — Tue, 13 Dec 2022 18:31:25 +0000

СВР Охрид поднесе кривична пријава против Б.Г.(46) од Пробиштип, поради постоење основи на сомнение за сторено кривично дело „ширење расистички и ксенофобичен материјал по пат на компјутерски систем“. На 05.07.2022 на социјалната мрежа Фејсбук, на објава од портал, пријавениот поставил коментирал со кој промовирал и поттикнувал омраза и насилство. СВР Охрид поднесе кривична пријава и против В.В.(45) од Кочани, поради постоење основи на сомнение за сторено кривично дело „ширење расистички и ксенофобичен материјал по пат на компјутерски систем“. На 18.04.2022, на социјалната мрежа Фејсбук, на објава од друго лице, пријавениот објавил коментар со кој промовирал и поттикнувал омраза и насилство.

Расчистени шест кривични дела на подрачјето на Виница

Тале Кристо — Tue, 06 Dec 2022 14:41:08 +0000

По преземени мерки и активности, полициски службеници од ОВР Виница расчистија шест кривични дела од кои две „тешка кражба“, три „тешка кражба“ во обид од куќи и едно „мачење на животни“ извршени на подрачјето на Виница. На 05.12.2022 во полициска станица бил извршен службен разговор со осомничените А.И.(19), Е.М.(21), Б.Д.(18) и С.Ј.(73). Тие ги признале кривичните дела и по целосно документирање на случаите против нив ќе бидат поднесени соодветни пријави.

Поради коментари на Фејсбук: Четири лица добија кривични пријави

Ивана Ефремовски — Thu, 29 Sep 2022 15:54:03 +0000

СВР Велес поднесе кривични пријави против Е.А.(43) од с.Горно Оризари, велешко и против И.З.(39), Д.А.(29) и И.С.(48), сите од Велес, поради постоење основи на сомнение за сторено кривично дело „ширење на расистички и ксенофобичен материјал по пат на компјутерски систем“. Пријавените, на 12, 15 и 17.07.2022 на нивните профили на социјалната мрежа Фејсбук напишале коментари и објави со кои ширеле невистини и повикувале на омраза и нетрпеливост и насилство кон други лица или групи.

Откриена нелегална сеча на дрва, следуваат кривични пријави

Ивана Ефремовски — Thu, 11 Aug 2022 13:46:31 +0000

На 11.08.2022 во 09:15 часот од страна на полициски службеници од Полициската станица Ресен и Надворешната канцеларија за криминалистички работи бил лишен од слобода М.Н.(46), кој бил затекнат при бесправна сеча на огревни дрва, од кои дел биле натоварени на возило. Извршен е увид на местото на настанот. Истиот ден, во 11:00 часот полициски службеници, постапувајќи по планот за „Безбедно лето 2022”, на место викано „Бела Вода“, атар на с.Златари, пронашле патничко возило „сеат толедо“, со ресенски регистарски ознаки, натоварено со огревно дрво без соодветна документација. Возилото и дрвата се предадени на ЈП „Национални шуми”- подружница Ресен, а по документирање на случајот против сторителите ќе бидат поднесени соодветни поднесоци.

МАЛОЛЕТНИЦИ „ОПЕРИРАЛЕ“ ПО ОБЛОЖУВАЛНИЦИ НИЗ СКОПЈЕ: Полицијата им поднесе кривични за разбојништво

Тале Кристо — Thu, 09 Jun 2022 16:24:53 +0000

СВР Скопје поднесе кривична пријава против двајца малолетници од Скопје, поради постоење основи на сомнение за сторени пет кривични дела „разбојништво“. Пријавените, во периодот од 07.04.2022 до 27.05.2022 со закана извршиле пет кривични дела „разбојништво“ во спортски обложувалници на подрачјето на град Скопје, при што се стекнале со противправна имотна корист од 329.097 денари.

Кривични пријави против четворица скопјани за сторени 30 кривични дела

Магдалена Андонова — Thu, 09 Jun 2022 12:53:40 +0000

Единицата за внатрешни работи – Одделение за криминалистички работи Ѓорче Петров на 07.06.2022 поднесе кривична пријава против Г.Т.(39), Н.К.(25), Ф.Ф.(30) и Н.Н.(41), сите од Скопје, поради постоење на основано сомнение дека во група извршиле вкупно 30 кривични дела за да прибават за себе противправна имотна корист. Од нив, 11 кривични дела „фалсификување на исправа“, предвидено и казниво по чл. 378, две кривични дела „прикривање“, по чл. 261 став 3, едно кривично дело „несовесно работење во службата“, по чл.353-в, шест кривични дела „злоупотреба на службена положба и овластување“ по чл. 353, шест кривични дела „помагање“, по чл. 24, четири кривични дела „поттикнување“ по чл. 23 во врска со „злоупотреба на службена положба и овластување“ по чл.353, сите според Кривичниот законик со што се стекнале со вкупна имотна корист од 13.179.464 денари. Имено, првопријавениот Г.Т. во декември 2020 година набавил возило „бмв“, со сообраќајна дозвола од ЕУ, која ја приложил во станица за технички преглед во Скопје и по извршениот технички преглед ги поднел на обработка документите на шалтер во МВР, по што станал сопственик на возилото, стекнувајќи се со противправна имотна корист од 2.519.440 денари. Во март 2021, набавил уште едно возило „бмв“ и возило „мерцедес“ од земја на ЕУ, каде по извршениот технички преглед и обработка на податоци третопријавениот, вработен како референт во Сектор за управно надзорни работи, ги внел во информатичкиот систем на МВР, по што првопријавениот се стекнал со противправна имотна корист од 41.781.472 денари, односно 2.861.320 денари. Во јули 2020, Г.Т. набавил и „рено“ од земја на ЕУ, а третопријавениот податоците од возилото по извршен технички преглед ги внел во информатичкиот систем на МВР и без да има осигурителна полиса, која дополнително е вметната, му овозможил на Г.Т. да стане сопственик и да се стекне со противправна имотна корист од 709.632 денари. Во август 2020, првопријавениот набавил возило „фиат“ од земја на ЕУ, а во мај 2021 набавил „тојота“ од странство, а третопријавениот ги обработил документите и ги внел во информатичкиот систем на МВР, овозможувајќи му да стане сопственик на возилата и да се стекне со противправна имотна корист од 967.120 денари, односно 1.550 денари. Второпријавениот Н.К. во мај набавил „порше кајен“ од земја од ЕУ, каде по извршениот технички преглед ги поднел документите на шалтер во МВР и вработениот му овозможил да стане сопственик на возилото и да се стекне со противправна имотна корист од 2.852 денари, а четвртопријавениот Н.Н. по извршени проверки преку МВР констатирано е дека повеќе пати управувал возила со непостоечка, односно фалсификувана исправа. Од страна на полициски службеници од ОКР Ѓорче Петров извршен е претрес кај горенаведените лица во дом и други простории каде се пронајдена и одземена документација која што е сопственост на МВР - Одделение за управни работи Скопје, во која биле пронајдени и одземени седум оригинални досиеа за возила кои беа под сомнение за извршените кривични дела. Од страна на Судија на претходна постапка за Н.К. и Ф.Ф. е одредена мерка притвор, за Г.Т. е распишана централна потерница, додека за Н.Н. во тек е постапка за дополнителна истрага.

Вршеле јавен превоз на патници без соодветна документација, ќе добијат кривични пријави

Ивана Ефремовски — Thu, 12 May 2022 17:00:21 +0000

На 12.05.2022 во периодот од 06:00 до 10:00 часот на подрачјето на СВР Тетово била спроведена акциска контрола на возила со кои се врши јавен превоз на патници. Притоа, биле санкционирани 8 неисправни возила (ТЕ-2 и ГВ-6), од кои 4 (ТЕ-2 и ГВ-2) со неисправни уреди за кочење и 4 (ГВ) за неизвршен вонреден технички преглед. Возилата веднаш биле исклучени од сообраќај, а на прекршителите им се изготвени соодветни платни налози. За време на контролата биле откриени и 7 возила (ТЕ-2 и ГВ-5) кои вршеле јавен превоз на патници без соодветна документација и биле соодветно санкционирани согласно член 284А од Кривичниот законик на РСМ.