кризен штаб – Kurir.mk

Кризните штабови на скопските општини подготвени да интервенираат по невремето, еве каде може да пријавите штета

Ивона Петрова — Sat, 05 Aug 2023 16:36:01 +0000

Силен дожд, ветер и грмотевици попладнево го зафатија Скопје и скопската котлина. Управата за хидрометеоролошки работи (УХМР) предупредува дека невреме со интензивен дожд за кратко време, силен ветер, поинтензивни електрични празнења и услови за појава на град ќе има и во ноќните часови. Градоначалниците на дел од скопските општини објавија дека кризните штабови и екипи се формирани и подготвени да интервенираат во случај на штети или поплави. -Поради најавите за силно невреме кое се заканува да го зафати Скопје во текот вечерните часови, општинскиот кризен штаб заедно со службите се подготвени на терен во случај на штети или поплави. Во постојана комуникација сме и со ЦУК, МВР, ЕВН и сите засегнати институции со кои заедно ќе интервенираме доколку има потреба. Во текот на целата ноќ на располагање ќе бидат и двата броеви на кои можете да се обратите да пријавите проблем: +389 78207687, +389 71391250, објави градоначалникот на Општина Кисела Вода, Орце Ѓорѓиевски. -Општинскиот кризен штаб е во постојана комуникација со претставници на Министерството за внатрешни работи, службите на ЕВН и Центарот за управување со кризи. Екипите на Општина Бутел се во целосна спремност да се справат со евентуалните последици од невремето. Дежурните екипи се поставени да бидат на терен и достапни за граѓаните доколку има потреба и пријави. Достапен ќе биде и телефонски број 076-205-152 на кој граѓаните на Општина Бутел можат да пријават последици од невремето или потреба од службите да интервенираат. Апелираме граѓаните на Општина Бутел да останат смирени, велат од Општина Бутел. Мобилизирани се и екипите во Општина Гази Баба. -Согласно најавите за интензивни врнежи од дожд и силно невреме, Ве информирам дека го мобилизирав кризниот штаб на општина Гази Баба и формирани се тимови за реакција од ЈКП Гази Баба. Телефонскиот број 075346938 е отворен и на истиот сите граѓани можат да ги пријават последиците настанати од невремето. Тимовите на општината се подготвени за соодветна реакција си цел справување со сите евентуални последици настанати од невремето, објави градоначалникот на Општина Гази Баба, Бобан Стефковски Градоначалникот на Општина Ѓорче Петров, Александар Стојкоски информира дка будно ја следат состојбата со временските непогоди кои што се очекуваат во текот на денот. -Формиран е кризен штаб во соработка со МВР и надлежните органи, доколку е потребна било каква интервенција на терен, ќе постапиме во најбрз можен рок. Апел до сите жители да останат во своите домови доколку немаат неодложни обврски поради кои треба да го напуштат домот. За сите евентуални последици од невремето или доколку е потребна било каква интервенција, контактирајте ја дежурната служба. Телефонски број 078/449-278 Даниел, објави Стојкоски. -Општинскиот кризен штаб и општинските служби се подготвени доколку се појави потреба за интервенции по невремето проследено со дожд и ветер кое го зафати Скопје. Тие се во редовна координација и постојана комуникација со надлежните служби од Центарот за управување со кризи, Јавното претпријатие ,,Паркови и зеленило”, ЕВН Македонија и надлежните служби во телекомуникациските оператори. Доколку се појави потреба граѓаните може да контактираат преку дежурниот телефонски број во општината 071/327-088 и на телефонските броеви 072/334-281 и 02/2432-362 во полициската станица Аеродром. Штетите поврзани со земјоделските посеви потребно е да се пријават во надлежните служби на Министерството за земјоделство, шумарство и водостопанство. Апелираме до граѓаните на смиреност, општинскиот кризен штаб работи со полн капацитет за навремено отстранување на пречките и евентуалните последици од невремето, објавија од Општина Аеродром. Од УХМР информираа дека можно е да дојде до поројни истекувања на помалите водотеци и суводолици и до несакани излевања на водите, кои би можеле да предизвикаат локални проблеми како на крајбрежјето, така и на патната инфраструктура. На одредени места можна е и појава на свлечишта и одрони. Се препорачува внимателно движење, особено покрај реките и суводолиците, поради можна појава на опасни води и свлечишта.

Свикан итен состанок на Кризниот штаб на Град Скопје

Тале Кристо — Tue, 30 Aug 2022 16:11:57 +0000

По невремето кое го зафати градот Скопје, градоначалничката Данела Арсовска свика итен состанок на Кризниот штаб на Град Скопје, информираат од градската самоуправа. Инаку, поплднево невремето проследено со пороен дожд, град, грмотевици и ветер што го зафати Скопје, предизвика поплавување на улици, подвозници, куќи и дворови. Има и искрешни дрва и гранки. Силниот дожд и градот го отежнуваат движењето по улиците чии коловози се под вода. Од ЦУК информираат дека освен Скопје, од невреме попладнево се зафатени и Штип, Велес, Демир Хисар, Свети Николе. УХМР најави дека нестабилното време со пороен дожд, грмежи и засилен ветер ќе се задржи до петок, особено во попладенвните часови. Локално ќе има поинтензивни процеси во форма на невреме со пообилен дожд за кратко време, силен ветер и услови за појава на град.

Состанок на Кризниот штаб на Град Скопје: Надлежните да превземат итни мерки за расчистување на штетните материјали кај фабриката Треска

Магдалена Андонова — Mon, 18 Apr 2022 19:45:26 +0000

Денеска се одржа состанок на Кризниот штаб на Град Скопје, со кој раководи градоначалничката на Град Скопје, Данела Арсовска, со учество на командантот на Противпожарната бригада на Град Скопје, Звонко Томески, директори на јавните претпријатија и членови на кризниот штаб. На состанокот се разговараше за преземање на мерки за превенција од пожари, по случајот со пожарот во поранешната фабрика Треска, во скопската општина Центар. Се донесоа заклучоци, меѓу кои и потребата ресорно надлежните институции да преземат итни мерки за расчистување и отстранување на запаливите материјали како и штетниот отпад од поранешната фабрика Треска кој може да го загади воздухот и почвата и воопшто животната средина на жителите кој живеат на тој потег, со што надлежните би можеле да ја отстранат опасноста од загадување и од повторување на пожари. На терен при гасењето на пожарот, пожарникарите кои интервенираа беа изложени на ризик и опасност, како и околните куќи кои ги делеше само еден ѕид од пожарот. На самото место не само што постоеле извесни запаливи материјали во магацините, има и цистерна со обем од 20 илјади литри на нафтени деривати и истата е огромна опасност која ја доведува во прашање безбедноста на граѓаните. Градот Скопје ги става на располагање своите капацитети за помош во расчистувањето на штетните материјали, доколку надлежните институции утврдат потреба од истото, а воедно за подобра и навремена подготвеност на службите за интервенција, беше донесен заклучок да се побара информација за база на податоци од Дирекција за заштита и спасување, за мапирање потенцијални ризични места во градот каде постојат цистерни или магацини со запаливи или ризични материјали, со цел брза и навремена интервенција за заштита од можни хаварии и инциденти предизвикани од пожар.

Кризниот координативен штаб сè уште нема закажано состанок – кога ќе се усвојат препораките за укинување на маските во затворен простор?

Магдалена Андонова — Mon, 11 Apr 2022 18:36:13 +0000

И покрај најавите и очекувањата, сеуште нема закажано состанок на Кризниот координативен штаб кој треба да ги разгледа препораките на Комисијата за заразни болести. Од нивниот амин зависи дали на утрешната владина седница ќе паднат маските во затворен простор и укинување на изолацијата за контактите. Кризниот штаб не се состанал две недели па во чекалната чека и препораката за одржување на училишни екскурзии. И додека чекаме на Владата, спроед информации на Сител следен чекор на советодавното тело на министерот Беким Сали е укинување на сите преостанати рестрикции во земјата. За разлика од кај нас, во соседните земји многу побрзо ги носат одлуките кои се од важност за граѓаните. Последен ваков пример е Грција каде тамошниот министер за здравство најави дека од 2 мај паѓаат сите рестрикции. Освен за грчките државјани тоа е важно и за странските туристи кои без сертификати и брзи тестови ќе ја поминуваат грчката граница. Олабавувањата кај нашиот грчки сосед ќе бидат до наесен кога повторно ќе се фокусираат на имунизацијата на населението. Изминатите месеци и во Данска, Холандија, Хрватска, Шпанија речиси и да нема мерки за вирусот а некои ковид 19 веќе го третираат како обична настинка.

Сали очекува да бидат изгласани препораките на Комисијата за заразни болести на утрешната владина седница

Магдалена Андонова — Mon, 21 Mar 2022 14:50:03 +0000

Чекаме да биде закажан состанок на Генералниот кризен штаб, и ако тој се одржи, на утрешната седница на Владата очекуваме да бидат изгласани препораките на Комисијата за заразни болести, меѓу кои е и таа за ослободување од носењето маски на учениците од основните училишта, истакна денеска министерот за здравство Беким Сали. Претходната епидемиолошка недела, појасни министерот, не е показател во каква епидемиолошка состојба сме, а врз основа на тие податоци одлучуваме за идната недела. – Имаше точки кои ние ги донесовме како Комисија, но не избрзавме со гласање или преминување како одлука на Влада, затоа што состојбата во идната недела наложуваше дека можеби би можеле да се вратиме на претходната состојба. За да не излеземе несериозни, а одлуката на Влада е правосилна и треба да се имплементира во секојдневното функционирање на сите институции некогаш не избрзуваме со тоа што чекаме и следната недела како ќе постапиме, а потоа две одлуки ги поминуваме на Кризниот штаб, рече Сали, одговарајќи на новинарски прашања по означување на почетокот на караванот за вакцинација против КОВИД-19 во Шуто Оризари. Тој посочи дека посакува да се ослободиме од маските, меѓутоа, како што додаде, реалната состојба не го вели тоа. – Секој ден има од 250 до 300 новоинфицирани што значи се уште не сме на нивото што го посакуваме. Новоинфицираните ни се показател дека се уште вирусот кружи низ населението. Според податоците ние сме во зелена зона, но не сме се уште за симнување на маските, додаде Сали. (МИА)

Муцунски: Општина Аеродром набави 200 тони сол, активен е кризниот штаб

Тале Кристо — Mon, 10 Jan 2022 19:29:07 +0000

Пред малку заврши состанокот на Кризниот штаб на Општината. Ги информираме граѓаните дека на располагање се ставени возила за чистење снег на улиците, тротоарите и други јавни површини, а за таа цел се набавени и околу 200 тони сол. Штабот ќе се грижи за реализација на донесениот план чија цел е да обезбеди олеснет пристап и движење на граѓаните во зимски услови. Се преземаат сите мерки за безбедно функционирање на сообраќајот. Екипи на нашата општина постојано ќе бидат на терен, информираше преку социјалната мрежа на Фејсбук градоначалникот на општина Аеродром Тимчо Муцунски.

Градоначалникот на Општина Битола закажа состанок на општинскиот кризен штаб во проширен состав

Ристе Здравков — Mon, 10 Jan 2022 08:37:04 +0000

Градоначалникот на Општина Битола, Тони Коњановски, за денес во 11.00 часот, закажа состанок на општинскиот кризен штаб во проширен состав. На состанокот главниот акцент ќе биде ставен на две точки: Првата, состојбата во Битола после вчерашните серија земјотреси и Втора точка, состојбата со КОВИД 19 во Битола. На состанокот ќе бидат разгледани и дополнителните мерки кои може да бидат преземени од страна на штабот за заштита и спасување на Општина Битола по однос на наведените две точки.

МНР формираше кризен штаб за несреќата: Отворена специјална телефонска линија за роднините

Ивона Петрова — Tue, 23 Nov 2021 10:50:30 +0000

Имајќи ја во предвид тешката несреќа што се случи синоќа во Република Бугарија, во која многу наши државјани ги изгубија своите животи, Mинистерството за надворешни работи на Македонија информира дека во министерството веќе функционира кризен штаб во врска со несреќата. Од МНР информираат дека двајца нивни вработени се упатени на испомош во Амбасадата на Северна Македонија во Софија со цел да помогнат околу сите процедури поврзани со трагичниот настан. За оваа цел, Министерството за надворешни работи отвори специјална телефонска линија на која сите загрижени граѓани, роднини и членови на семејствата ќе можат да се обратат за дополнителен совет: тел.број- 075 273 732.

Заврши седницата на кризниот штаб во Србија: Ана Брнабиќ ги соопшти предложените мерки

Магдалена Андонова — Tue, 05 Oct 2021 13:44:42 +0000

- Премиерката на Србија, Ана Брнабиќ, посочи дека вакцинацијата е последното средство, тоа е заклучокот на Кризниот штаб на Србија. Продолжуваме како што започнавме, апелираме до сите да се вакцинираат - рече Брнабиќ. Премиерката додаде дека медицинскиот дел од Кризниот штаб побарал да се донесат многу порестриктивни мерки и потсети кои се моментално на сила. - Тие побараа да воведеме забрана за собири најмалку 10 дена, со што ќе ги ограничиме сите објекти до 17 часот, освен оние што се од суштинско значење, како што се продавниците и аптеките, а потоа ќе ги користиме сертификатите за ковид - рече таа, додавајќи дека единствениот одржлив начин е вакцинацијата.

Во тек е ИТЕН КРИЗЕН ШТАБ во Тетово

Дарко Андоновски — Wed, 08 Sep 2021 21:32:58 +0000

Во тек е ИТЕН кризен штаб кој заседава во зградата на Општина Тетово. Според информациите, на кризниот штаб присутни се премирот Зоран Заев, првиот вице-премиер Артан Груби, министрите Венко Филипче, Љупчо Николовски, Аријант Хоџа, Оливер Спасовски и други.