кроасани – Kurir.mk

ДА ЗАМИРИСА ЦЕЛ ДОМ! Ништо подобро од меки кроасани со тиква – ќе уживате во секој залак!

Ристе Здравков — Mon, 30 Jan 2023 10:30:36 +0000

Лиснато тесто, тиква, цимет и уште неколку состојки ќе бидат доволни за да направите совршен појадок. Доколку се прашувате што би можеле да направите за појадок, овие одлични кроасани со тиква ќе бидат одличен избор за вас: Состојки: два блока лиснато тесто две помали тикви четвртина чаша шеќер во прав лажичка екстракт од ванила малку цимет малку морско оревче четвртина чаша мелени ореви Подготовка: Исечете ги тиквите на половина, извадете ги семките, исечете ги на парчиња и наредете ги на тава обложена со хартија за печење. Печете во рерна на 180 степени околу 50 минути, додека убаво омекне, па извадете и оладете. Отстранете ја кората, а остатокот ставете го во блендер. Додадете ги шеќерот, ванилата, зачините и оревите и сè добро измешајте. Лиснатото тесто развлечете го на тенки кругови и исечете го на триаголници. Наполнете со тиква и свиткајте, па наредете на плех. Печете во рерна на 200 степени додека тестото не порумени. Пријатно!

Брзо се прават, а уште побрзо се јадат: Рецепт за најмеките кроасани – готови за 20 минути

Ристе Здравков — Wed, 25 Jan 2023 08:52:00 +0000

Кога немате идеја што да направите за вечера или појадок, никогаш нема да погрешите со кроасани. Во далечната 1915 година, францускиот пекар Силвен Клаудиус Гој, напишал рецепт за кроасани. Порано главно се правеа празни, но откако станаа препознатлив француски производ, „претрпеа“ бројни промени. Денес, полнењата за кроасан се различни, но тестото во основа е исто. Во продолжение рецептот за совршени кроасани: Состојки: - 500 гр. брашно; - 1 кесичка прашок за пециво; - 1 кесичка сув квасец; - 2 dl. топло млеко; - сол по вкус; - 1 dl. масло; - 1 мала лажичка сол; - 2 лажици кисела павлака; - 1 јајце за премачкување; - сусам, ким по желба. Подготовка: Прво, измешајте го сувиот квасец во млекото и оставете го да се активира. Во друг сад измешајте брашно и прашок за пециво, па додајте квасец, сол, масло и павлака. Замесете тесто, а по потреба додадете и брашно за смесата да биде мека. Расукајте го тестото во круг со сукало, па исечете го на триаголници и свиткајте го како кифлички. Наредете ги во плех обложен со хартија за печење, а пред да ги ставите во рерна премачкајте ги со јајце и по желба посипете ги со сусам или ким. Кроасаните печете ги на 180 степени 15 минути.

Направете домашни кроасани со шунка и кашкавал и со неодолив вкус

Ивона Петрова — Sat, 11 Jun 2022 13:52:01 +0000

Нема поубаво од топли, вкусни кроасани кои имаат неодолива миризба. Доколку сакате за своето семејство или блиските да подготвите домашни кроасани, пробајте го овој рецепт. Состојки: 3 јајца 1 лажица шеќер 300 гр. брашно 250 мл. млеко 1 сув квасец 2 лажички сол 120 гр. путер 200 гр. шунка 200 гр. кашкавал оригано *наведената количина е за 12 кроасани Подготовка: Изматете едно јајце, па додадете ги солта, шеќерот, квасецот и малку затопленото млеко. Соединете убаво и додадете го брашното, па замесете тесто. Оставете го тестото да одмори 20 минути. Потоа развлечете го тестото со прсти на работна површина посипана со брашно. На средина ставете 20 гр. путер и се заедно замесете. Формирајте топка од тестото, па поделете го на осум еднакви делови. Секој дел од тестото расукајте го во форма на круг со пречник од најмалку 50 сантиметри. Останатите 100 грама путер стопете ги и премачкајте го секое раскукано парче од тестото. Раскуканите кругови еден врз друг наредете ги и ставете ги 20 минути во замрзнувач. Кога ќе го извадите тестото со сукало раскукајте голем круг кој потоа ќе го исечете на 12 триаголници. На секој триаголник ставете шунка и кашкавал, и свиткајте за да добиете форма на кифла, а потоа наредете ги сите во тава за печење обложена со хартија. Кроасаните наредени во тава покријте ги со крпа и оставете ги најмалку еден час на собна температура. Изматете две жолчки од јајца и намачкајте ги кроасаните, па посипете ги со оригано. Печете со загреана рерна 10 минути на 200 степени, а потоа пет минути на 180 степени. Послужете ги кроасаните топли и уживајте во вкусот.

Идеја за појадок: Кроасани со шунка и кашкавал

Ристе Здравков — Tue, 23 Jun 2020 07:30:12 +0000

Пробајте го овој лесен рецепт за денешниот појадок. Кроасаните може да ги купите во најблиската пекара или да ги подготвите сами. Иако сме навикнати да ги јадеме кроасаните во слатка варијанта, сигурни сме дека ќе ви се допадне овој рецепт за кроасани со шунка и кашкавал.