крокодил – Kurir.mk

Градоначалник во Мексико се ожени за крокодил (ВИДЕО)

Ристе Здравков — Mon, 03 Jul 2023 11:34:31 +0000

Градоначалник од еден мал мексикански град се оженил со крокодил, пренесе „Би-Би-Си“. Станува збор за традиција која датира со векови во домородните заедници Чонтал и Хуаве во државата Оахака. Бракот на седумгодишниот рептил со локалниот водач се смета дека го симболизира спојувањето на луѓето со божественото. На видеото градоначалникот го бакнува крокодилот во устата која му е врзана. Мештаните го нарекуваат и малата принцеза и за нив претставува божество порвзанно со мајката земја.

Борис Џонсон го спореди Путин со крокодил

Ристе Здравков — Thu, 21 Apr 2022 16:11:55 +0000

Британскиот премиер Борис Џонсон го спореди рускиот претседател Владимир Путин со крокодил. Џонсон вели дека преговорите со Русија за завршување на војната најверојатно ќе пропаднат. Тој, исто така, вели дека мисли дека е можно Москва „дури да изврши уште еден напад врз Киев“. „Тешко им е на Украинците да преговараат со Путин сега, со оглед на неговиот очигледен недостиг на добра волја“, додаде тој.

Крокодил станал вегетариjанец

Тале Кристо — Wed, 27 Oct 2021 06:57:50 +0000

Крокодилот Бабија, за кој 70 години се грижат монаси во Индија, станал вегетаријанец. Монасите велат дека рептилот што живее во езерцето блиску храмот, е целосно безопасен и не нападнал никого, пренесува БГНЕС. Крокодилот живее кај храмот „Анантапададманабхасвами“ речиси целиот свој живот, не напаѓа луѓе и јаде ориз, па тамошните жители веќе го сметаат за вегетаријанец. Секој ден јаде по еден килограм варен бел ориз… Еден монах од манастирот му става ориз директно во устата, два пати на ден – во 8 часот наутро и напладне или навечер. – Тој не јаде месо. Не ги напаѓа ниту рибите во езерото, изјави монахот Чандра Пракаш. Стручњаците, сепак, сметаат дека крокодилот не може да јаде само ориз и не може да преживее толку многу години без животински протеини. Зоологот Анирбан Чаудари вели: „Крокодилот во езерото веројатно јаде риба, покрај оризот, и развил условен рефлекс“. Бабија веќе е ѕвезда, па многу туристи доаѓаат да го видат специфичниот миленик на монасите.

Оваа фотографија стана голем хит на интернет: Крокодил од загрозен вид на грбот носи повеќе од 100 младенчиња

Катерина Бојаџиева — Mon, 04 Oct 2021 10:28:46 +0000

Индискиот фотограф Дритиман Мукерџи ја работи својата работа веќе 20 години. Тој е особено посветен на заштита на животните, а неговите фотографии привлекуваат огромно внимание. Последни од фантастичните фотографии на Индиецот се оние на коишто крокодил од загрозен вид (Gavialis gangeticus) носи повеќе од 100 малечки на својот грб. Оваа фотографија стана голем хит на интернет. Станува збор за тн. „гаријал“ – еден од најголемите видови крокодили во светот, познат по тоа што јаде риба. Видот е стар околу 4.000 години, а бројот на единки почна нагло да опаѓа во 1930-тите. Затоа, властите во 80-тите почнаа и програми за контролирано одгледување, со цел да се спречи истребувањето на овие ретки животни. Познато е дека крокодилите ги носат своите младенчиња, а обично тоа го прават со уста, но „гаријалите“ ги носат своите малечки на грб.

Пронајден е череп на изумрен вид на крокодил

Магдалена Андонова — Sun, 30 May 2021 16:50:40 +0000

Откриен е череп на крокодил стар осум милиони години во централна Австралија, за кој се верува дека припаѓал на истребен вид, соопштија тамошните научници. Черепот беше пронајден уште во 2009 година, на околу 200 километри од Алис Спрингс на северната територија и се смета дека припаѓа на непознат род на влекачи Бар, пренесува Би-Би-Си. Д-р Адам Јејтс, виш кустос за земни науки во Музејот и уметничката галерија на Северната територија, рече дека черепот е убедливо најдобриот примерок на крокодил од родот Бару што е пронајден досега. Тоа ни кажува за нови видови за кои не знаевме дека ја населуваат централна Австралија. Малку е изненадувачки што крокодилите живеат во реките на централна Австралија", рече тој. Како што е наведено, овој вид крокодил имал бројни анатомски разлики од другите крокодили. - Тоа е најсилниот член на родот Бару. Има особено големи заби, па дури и помал број на заби, рече Јејтс. Бар е дел од изложба во Музејот на северната територија и уметничката галерија, а черепот од 2009 година не е дел од изложбата, иако е изложен реконструиран 3Д печатен крокодилски скелет. Постојат низа причини зошто откритието само што излезе на виделина. Прво на сите, да се подготви фосил како овој, треба долго време да се исчисти и поправи. - За време на откривањето, не беше препознаено дека станува збор за нов вид на Бару, но се сметаше дека е еден од Бару за кој веќе знаеме, рече Јејтс.

Овој рибар остана шокиран: Мислеше дека фатил огромна риба, но… (ВИДЕО)

Ивана Ефремовски — Thu, 01 Apr 2021 18:09:48 +0000

Рибар останал во шок откако ја кренал јадицата со која прво помислил дека фатил огромна риба. Тогаш видел дека на јадицата фатил крокодил. Џим Фалкенберг од Таунсвил во Квинсленд, Австралија, многу се изненадил кога пред неколку дена од водата се појавил огромен крокодил. -Се престрашив и за малку ќе паднев, срцето ќе ми излеташе, изјави Фолкенберг за „Дејли Меил Австралија“. Тој вели дека крокодилот бил долг околу три метри. Додаде дека крокодилот најверојатно ја проголтал рибата што била фатена на мамката. По борбата што траела околу еден час, тој успеал да се ослободи од крокодилот.

Крокодил тежок 154 килограми немало да остане жив поради патики (ВИДЕО)

Магдалена Андонова — Tue, 23 Feb 2021 12:13:54 +0000

Крокодил тежок 154 килограми морал итно да се однесе на операција поради патиката што ја проголтал. Имено, ветеринарите на една клиника во Флорида добиле итен повик од Зоолошката градина. Нивниот миленик Нил имал проблеми, откако по скенерот било утврдено дека неговата залутана патика од туристот му создава сериозни проблеми во телото и дека неговиот живот виси на конец. По успешната операција, крокодилот Нил успешно се опоравувал. Видеото може да го погледнте ТУКА.

Фатен крокодил: Ѕверот е долг 4,4 метри и тежок 350 килограми

Ристе Здравков — Wed, 02 Sep 2020 19:30:25 +0000

Морски крокодил долг 4,4 метри и тежок 350 килограми е фатен во природен парк во австралиската држава Северна Територија. Животното веќе е префрлено во една фарма за крокодили, каде ќе учествува во програма со цел размножување на овие животни.

BIG BOY! Rangers trap a 14.5-foot saltwater crocodile at a tourist destination in Australia. https://t.co/5dsUr05YpG
— News 6 WKMG (@news6wkmg) August 31, 2020

Овој мажјак е фатен во реката Флора, 120 километри југозападно од градот Кетрин, и се смета дека токму тој е најголемиот крокодил досега уловен во таа река. Како што наведува „Асошиејтед прес“, во Австралија тие се одгледуваат во специјализирани фарми поради месо и кожа.

Требало да седи дома поради коронавирусот: Ја прекршил наредбата за изолацијата, излегол па го изел крокодил

Тале Кристо — Fri, 27 Mar 2020 18:42:42 +0000

Маж во Руанда ја прекршил наредвата за изолирање поради коронавирусот за да отиде на риболов, но го убил и изел крокодил. -Го прекраши правилото за седење дома, тој е меѓу ретките луѓе кои не ги почитуваа правилата за изолација за да го запреме вирусот, изјавила за Би-Би-си Алис Кајитеси, градоначалничка на градот Камони. Неидентификуванио маж бил нападнат и изеден од крокодил крај реката Ниабаронго, пренесоа тамошните медиуми. Афричката држава со околу 12,2 милиони жители, за сега, има 40 потврдени случаи на коронавирусот, а од неделата земјата е во карантин.

Хаос во зоолошката во Цирих: Крокодил зграпчи вработена, животното убиено

Ивана Ефремовски — Fri, 27 Dec 2019 16:59:45 +0000

Крокодилот што ја зграпчи раката на вработена зоолошката градина во Цирих, беше убиен за да се ослободи жената, пренесува news.com.au. Несреќата се случила кога работничката дошла за да ја исчисти просторијата во која престојувал крокодилот. Додека се обидувала да го премести, крокодилот ја зграпчил. Откако се обиделе да и помогнат на работничката, раководството на зоолошката градина решиле да го убијат крокодилот. Крокодилот, патем, тежел 15 килограми и бил долг метар и половина. За да биде трагедијата поголема, тоа бил филипински крокодил, загрозен вид од кој има само 250 примероци во дивината.