кронавирус – Kurir.mk

Летово во Германија ќе може да се патува без тест и без потврда за вакцинација против Ковид-19

Катерина Бојаџиева — Wed, 25 May 2022 14:06:25 +0000

Германскиот министер за здравство Карл Лаутербах денеска изјави дека Владата планира да ги укине епидемиолошките правила во текот на летото, според кои на патниците за влез во Германија им треба потврда за вакцинација против Ковид-19, негативен резултат од тестот или доказ за прележан Ковид-19. Лаутербах за медиумската група „Функе“ изјави дека правилата што важат за сите постари од 12 години, без оглед од каде доаѓаат во Германија, ќе бидат суспендирани од 1 јуни до крајот на август. Од почетокот на март Германија повеќе нема список на „зони со висок ризик“. Бројот на нови случаи на коронавирус во Германија постојано се намалува, а повеќето рестриктивни мерки се укинати. Сепак, Владата најави дека ќе обезбеди дополнителни 830 милиони евра за набавка на вакцини кои ќе помогнат да се сузбијат можните варијанти на коронавирусот наесен.

Зошто Ковачевски не беше во изолација кога се тестирал за Ковид, ќе има ли кривична одговорност за Зечевиќ за ширење на зараза?

Тале Кристо — Tue, 25 Jan 2022 08:06:09 +0000

Зошто Ковачевски не беше во изолација кога се тестирал за Ковид, ќе има ли кривична одговорност за Зечевиќ за ширење на зараза?, парашуваат од ВМРО-ДПМНЕ. Според укажувањата на директорката на Центарот за јавно здравје Бухова секој кој се тестира поради Ковид треба да оди во изолација, аналогно на тоа зошто Димитар Ковачевски не беше во изолација при тестирање за Ковид кое е неопходно за патувањето во Бугарија. Тој морал за таков ПЦР тест да се тестира најдоцна во неделата, кога наместо во изолација беше пред камери и се сликаше на настани. Направи ли Ковачевски воопшто ПЦР тест за да патува во Бугарија? Зошто беше хајката против Пецаков, а властите молчат за Ковачевски? Зошто СДСМ го крие позитивниот тест на генералниот секретар Миле Зечевиќ кој од 20ти е заразен со корона, а ден претходно сиреше зараза во Охрид на празникот Водици и не се придржуваше до препораките за носење на маска. И Ковачевски и Зечевиќ ги изложиле на ризик граѓаните. Ќе има ли конечно кривична одговорност за Зечевиќ?, прашуваат преку партиското соопштение од ВМРО-ДПМНЕ.

НОВА ИЗМЕНА: Укинато е ограничувањето на бројот на гости на една маса во угостителските објекти

Катерина Бојаџиева — Tue, 19 Oct 2021 13:45:57 +0000

Владата на денешната редовна 113-та седница, меѓу другото, согласно моменталната епидемиолошка состојба во државата, усвои измени и дополнувања на ковид протоколите за работата на угостителските објекти (кафетерии и објекти за исхрана). Со овие измени и дополнувања се укинува ограничувањето на максимално дозволениот број на лица на една маса во кафетериите, рестораните и во рестораните на хотелите, како во отворените така и во затворените делови на овие угостителски објекти. Дополнително е усвоена и измена на ограничувањето на исполнетоста на капацитетите на овие угостителски објекти, односно ограничувањето на бројот на гости во затворениот дел од објектот, како и во отворениот дел е до најмногу 50% искористеност на капацитетот на објектите. За угостителските објекти за организирање прослави, веселби и свадби, остануваат во сила постојните мерки и протоколи.