кршење – Kurir.mk

Високи казни за кршење на рестриктивните мерки во Австралија

Дарко Андоновски — Sat, 14 Aug 2021 07:43:51 +0000

Властите во австралиската држава Нов Јужен Велс одлучија да ја заострат казнената политика кон граѓаните кои ги прекршуваат рестриктивните мерки. Бројот на новозаразени лица на локално ниво се зголеми за 466 во зминатите 24 часа во оваа, најнаселена држава во Австралија, а полицијата објави дека ќе ги казни прекршителите на ограничувачкте мерки „на лице место“ со парични казни до 5.000 австралиски долари (3.700 американски долари), потврди премиерката Гладис Береџиклијан. – Мораме да разбереме дека ова е најлошата состојба во Нов Јужен Велс од почетокот на пандемијата, а исто така е и најлошата ситуација во која се најде Австралија, предупреди Береџиклијан. Како што се влошува епидемиолошката состојба во државата Нов Јужен Велс, се помалку е веројатно дека деветнеделното заклучување ќе заврши во Сиднеј на 28 август, како што беше првично планирано.

Во Европа дневно има над 300 пријави за кршење на заштитата на податоците

Тале Кристо — Tue, 26 Jan 2021 10:16:54 +0000

За широкиот спектар кршење на строгите европски закони за заштита на податоците изречени се парични казни од вкупно 272,5 милиони евра, покажува новиот извештај на глобалната адвокатска фирма ДЛА Пајпер. Како што се наведува, води италијанскиот регулатор, кој изрекол казни од вкупно 69,3 милиони евра од 25 мај 2018 година, кога почна примената на Општата регулатива за заштита на податоците (ГДПР). На второ место е Германија со парични казни во висина од 69,1 милиони евра, а на трето е Франција со 54,4 милиони. Од мај 2018 година вкупно се регистрирани повеќе од 281.000 пријави до регулаторот поради нарушувања на заштитата на податоците, најмногу во Германија (77.747), потоа во Холандија (66.527) и Велика Британија (30.536). Франција и Италија, земји со повеќе од 60 милиони жители, регистрираа само 5.389 и 3.460 пријави до регулаторот поради кршење на заштитата на податоците, што укажува на културолошки разлики по тоа прашање на континентот. На дневно ниво, во 2020 година во Европа е регистрирано двоцифрено зголемување на бројот на повици кон регулаторот – на 331 пријава дневно од 28 јануари до крајот на 2020 година, во споредба со 278 на ден претходната година. На 28 јануари се одбележува Меѓународниот ден за заштита на личните податоци.

Мицевски: Овие предлози се неделовнички, ако не ги вратите назад во Владата учествувате во кршењето на Деловникот

Тале Кристо — Mon, 10 Feb 2020 22:12:16 +0000

Координаторот на пратеничката група на ВМРО-ДПМНЕ, Никола Мицевски на денешната Собраниска седница која се одложуваше повеќе часа, а на која треба да се гласа за новиот Закон за јавно обвинителство истакна дека Талат Џафери учествува во кршењето на Деловникот на Собранието бидејќи одлука од Владата нема, а седницата на Собранието е закажана. -Почитуван господине Џафери вие треба да го вратите овој материјал бидејќи на седницата на Владата нема одлука за повлекување и одлука за доставување на нов материјал во Собранието на Република Македонија. Врз основа на ова предлозите се неделовнички и соогласно деловникот имате обрска и право да го вратите предлогот на Законот за јавно обвинителство и советот на јавни обвинители до Владата и Владата откако на седница ќе го помине соогласно деловникот на Владата да ви ги достави предложените закони за да може вие да закажете седница. Вака господине Џафери учествувате во кршењето на Деловникот на Собранието, бидејќи одлука немаме, а седницата е закажана, вели Мицевски.